قسم بالله ان بالشغل اليوم منقهرين على طلعته الناس ،، هذا وهم موب سبعان ،، بس لانهم يعرفون الشعر الجزل من يسمعونه..
يقولون لي والله ماعرفنا ننام !! وشلون بس وشلون ..!!
ياناس هذا احسن شاعر طلع في العشرين سنه الاخيرة ،، وشلون يسوون فيه كذا ؟؟
والله لو انه جنسية ثانية كان حطوه فوق كتوفهم .. ولا عشانه سعودي بس ؟؟
>> لاخلى ولاعدم ياهلي ولابتي وديرتي .. .
من لابةً فالشر هم رووس الأشرار
وكم واحد خلوه يلعى جنينه
ربعي هل الغلبا كما السيل دفار
عزي لمن هو من العرب منتوينه
حنا كما البارود من حركه ثار
وإلا كما حربة تعدي سنينه
==================
قبيلتي وافتخر لي قيل ابن خثلان
يا والله اللي هنيي يوم أنا فيها
يا والله الي جبور وساسنا سبعان
حماية الدار لى من جا معاديها
وأجدادنا بالثقه حازو على البلدان
وياكم أماره تعلوينا كراسيها
وحنا على أجدادنا ناقف كما البنيان
وادروب أهلنا بعون الرب نمشيها
السلام عليكم ورحمة الله وبركاته
نفدي فرعونا بالفلوس والنفوس وابو فارس ماقصر وانا مهما دعمناه مقصرين بحقه لا هنت ولا هنو الربع وشكرا على الموضوع المتميز وانت دائم متميز