من قصائد الشاعر / دخيل الله بن مفرح الرويبي

[الـــــرويبـــي]

<<بــسم الله الــرحمن الــرحيم >>(1)

عـفت الـرياض وعفت معه الوضيفه

وعفت المنام وعفت حلوالطعامي

بين الدوائر صرت اشيل الصحيفه

ابغــى تواقــيعً وادور خـتـامــي

وكلن على ما قال يدلي بسيفه

ويقول انا حامي وهو الحرامـي

ياوجد حالي لـيت كلن بكيفـه

والله لروح لغايتي والـمـرامــي

دار محـبتـها بـقلـبــي نضيفه

خـريص يسقيها وبال الغمامـي

من شان لي ربع وصداقه شريفه

يبقى لهم عندي وفا واحترامـي

وللا بــعـض سكانـهـا لـلقـذيفه

اهل الـنـمايم والحكى والكلامـي

حـتى يزين الـجو برده وصيفه

وتصبح مرابيع الـرجال الـحشامي

وصلاة ربـي عد ماطاف طيفه

على النبي المصطفى والسلامي
ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ

(2)

يامل قلـــبً من الهــجران منــــلاعي

وياهشمـ كبــد الـــمحب ويــاتلوعــــهـــا

زادت صواديف وقتي كثر الاوجاعي

يوم اذكر افراح عمـري في موادعــهـــا

لانامو الناس جفـني دائمـا واعـــي

وان نامـت الــعين حــلم اليل روعـهـــــا

يـاناصر الحال من فرقاهـ منصاعي

عـقب ادعج العين عفت الناس بأجمعها

وان كان يابو فهد لـك بالهوا باعي

هـذي قـضية غرامي جتك واسـمـعـهـا

ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ
(3)
اليوم يامــحمــد الافكار منــحاســه

وفكري وقلبي من الاحزان منداشي

الـخرج عفته ولا استانسـت مع ناسه

ودي بسجه مع العالم ومطراشـــــي

فياراكب اللي طـويل الخط يقتاسـه

اخـر مديل الـجيوب وقيمته كـاشـي

لامـن نطـحته لاشيخً طايلً راسـه

من الســطر هـامـتـه ماعـاد تناشـي

وليا اعترض لون بديه كنه نحاسه

يلمع كما نـارً اشتبت على اقشاشي

ولـيا قـفيته لـكنــه فرخ قــرناسه

يـهوز نفـسه من اسبوقه بينـحـاشــي

نـاخذ لنا سجتن عليه واعساسه

يمـة ديار هـواهـا ينعـش انـعــاشـــــي

الديره اللي عليها النفس حساســه

احـب اهـلها واقـدرهم من الـجاشـــي

رنيه عسى المزن لامن نصب اقواسه

يـرخي هماليله من الطـاش للطاشـي

ومن لامنـي يامحـمـد لعنبو ساسه

ماني باحسب كلامـ الـعاذل اللاشــي

وصلاة ربـي عدد ماهب نسناسه

عـلى شفيع امته فـي يوم الادواشي
وســلامــتـكمـ
محبكم (القصاوي)...

[فواز علي الروقي]

لاهنت على القصايد الرااااااااائعه تقبل تحياتي

[الـــــرويبـــي]

المشاركة الأصلية كتبت بواسطة فواز علي الروقي

لاهنت على القصايد الرااااااااائعه تقبل تحياتي

ولايهينك على المرور ويعطيك الف عاافيه

[خيّال العرفا]

صح لسان الشاعر

[خيَّال الغلباء]

صح لسان الشاعر / دخيل الله بن مفرح الرويبي وسلمت على النقل

[الـــــرويبـــي]

المشاركة الأصلية كتبت بواسطة خيّال العرفا

صح لسان الشاعر

صـح بدنك ولاهنت على المرور

[الـــــرويبـــي]

المشاركة الأصلية كتبت بواسطة خيَّال الغلباء

صح لسان الشاعر / دخيل الله بن مفرح الرويبي وسلمت على النقل

صح بدنك والله يسلمك على المرور