الأغصان العوج

[محسن بن طامي]

تخسر الجهود اللي تكرر بلا منتوج = لاصار أن الأشياء ما تعالج من أولها

أليا نبتت الأغصان عوج وشاخت عوج = لايمكن تعدل لو تحاول تعدلها

لا حاولت تعدل عوج الأشياء تقوم تموج = ولا جنبتها قام يتزايد تمايلها

لو أنك تبرمج من تحبه على كتلوج = ماتقدر تكمل نفس ماالله بمكملها

يموت الفخر في عالم صفوهم مرجوج = تكثر بهم الأمجاد وألا تقللها

وناس تمزق بيتها اللي لها منسوج = عن الشمس ماتلقى بيوت تضللها

لا يمكن ينال العز أهل نمة وهروج =ولا دب الحسد والظلم في الناس يخذلها

تروح الشكاله نوج وضعوف الأنفس نوج = وتذل المواقف واحد ما يذللها

ولا صار التعامل مع سفيه ونذل وغوج = هذي الفيات اللي صعيب تعاملها

لا منها عصتك الجوج جنب وخل الجوج = تدق السهوم القاتله في مقاتلها

لا عايشتهم تمشي على منهج مطعوج = وتلبس ثياب منتب اللي مفصلها

لا تصبر وقلبك فيه هم كما الزاجوج = أتجامل خباث الناس كنك مقاولها

سج الرجل فأنحاء أرض الله اللي وساع فجوج =وخل الوجيه القشر هي ومهازلها

[مشعاب]

صح لسانك يا ابو طامي

تسلم

[ابن جمل]

فصيده مميزه رغم تشتت الحقايق وتباعدها مترابطة الفكره سامية الهدف تم نسخها في قسم ا لقصايد المميزه صح لسان قايلها
يا محسن القصيده من شاعرها
ارجو كتابة اسم الشاعر تحت اخر بيت من القصيده

[((ابوحمود))]

صح لسانك

قصيده جزله وتستحق التميز بارك الله فيك

[إبراهيم سعد]

ألـيــا نـبـتـت الأغـصــان عـــوج وشــاخــت عــــوج

لايــمـــكـــن تــــعــــدل لــــــــو تــــحــــاول تــعــدلــهـــا

لا حـاولـت تـعـدل عـــوج الأشـيــاء تـقــوم تـمــوج

ولا جــنــبــتــهـــا قـــــــــــام يــــتــــزايــــد تــمــايــلـــهـــا

صح لساااااانك يابوطامي

بهاذا الشعر الجزل والراقي ذكرتني بالمرقاب وشعرسداح العتيبي

وبوجودك انت وشرواك تستطيع منتديات سبيع الغلباء تنافس المرقاب

سلمت ودمة بخير