من مجاراة الشعراء في مدح الشيخ / فايز بن جفران

[مسلط 22]

بسم الله الرحمن الرحيم

قال الشاعر / دغيم بن غيام المطيري

نبا نسير لابن جفران فايز
= شيخ ليا جوه المسايير هلا

له فزة تغنيك عن كل جايز
= نباه بالشهد المصفى محلا

نلقى على فعله لطيبه جوايز
= النار حيه والمباهير ملا

بحر الندى لكل المهمات حايز
= كن الصخى من جود كفه يزلا

شيخ خذا جل المكارم خزايز
= حر إليا رام الطويله تعلا

أبو فلاح إليا كبا كل هايز
= صيده من الجزلات ما هي هزلا

من ماكر ما به تبوع ولزايز
= نوادر تروم راس المطلا

أبوه قبله باني له ركايز
= في قمة أهل المجد قدله سجلا

أوجزت في قيلي بعرفي وجايز
= أشيد بأفعال أهل الجود والا

مالي وراء مضمون قيلي عوايز
= قلت الصواب ولا كثيرن يملا

فجاراه على قصيدته تلك شاعر القبيلتين الكبير / دسمان بن مناحي المحمدي السبيعي قائلا :

جاريت في الطيب بيوتن جرايز
= من طيبن في طيبين الجبلا

مانيب أجاري كل هرج مشايز
= أجنب الهزله وأشوف الجزلا

نوادر ماهيب زور ولفايز
= ولا وراء مقصود لأجل ولعلى

يا زين مدح أهل النفوس العزايز
= اللي لهم في المجد سيف يسلا

أمدح بني جفران سقم المتايز
= إلى انعقد حل وعقد يحلى

الطيب فيهم من قديم غرايز
= ورثهم العليا زبون المجلا

يوم اللقاء تشرب عداهم كزايز
= ولهم على كز المغيره متلا

لا طار ستر منقشات البلايز
= ثم طشت الشيله عيون الغزلا

يا ما قعد في ادقولهم من جنايز
= لين أبو تركي بالشريعه تولى

ومطير من يوم الجهل والحزايز
= مروين شذرة سلة من مكلا

تامن بهم شقح عليها الحجايز
= ما تنلطم من حيث تبغى المفلا

مدح على المكشوف ما هي برايز
= يزهى صحيح المدح وافي خصلا

المدح في غير المشاكيل بايز
= وإلا على الطيب زخاريف زلا

صح لسان الشاعرين وسلم نبضهما وبنانيهما وأبو فلاح يستاهل . منقول وأنتم سالمون وغانمون والسلام .

[مسلط 22]

الاخ وافي السبيعي وين انت عن هالقصيدتين تزينهن والشاعرين يستاهلون والسلام

[وافي السبـيعي]

نبا نسير لابن جفران فايز= شيخ ليا جوه المسايير هلا
له فزة تغنيك عن كل جايز= نباه بالشهد المصفى محلا
نلقى على فعله لطيبه جوايز= النار حيه والمباهير ملا
بحر الندى لكل المهمات حايز =كن الصخى من جود كفه يزلا
شيخ خذا جل المكارم خزايز= حر اليا رام الطويله تعلا
ابوفلاح اليا كبا كل هايز= صيده من الجزلات ماهي هزلا
من ماكر مابه تبوع ولزايز= نوادر تروم راس المطلا
ابوه قبله باني له ركايز= في قمة اهل المجد قدله سجلا
اوجزت في قيلي بعرفي وجايز= اشيد بافعال اهل الجود والا
مالي وراء مضمون قيلي عوايز= قلت الصواب ولا كثيرن يملا
جاريت في الطيب بيوتن جرايز =من طيبن في طيبين الجبلا
مانيب اجاري كل هرج مشايز= اجنب الهزله واشوف الجزلا
نوادر ماهيب زور ولفايز= ولا وراء مقصود لاجل ولعلى
يازين مدح اهل النفوس العزايز= اللي لهم في المجد سيف يسلا
امدح بني جفران سقم المتايز= الى انعقد حل وعقد يحلى
الطيب فيهم من قديم غرايز= ورثهم العليا زبون المجلا
يوم اللقاء تشرب عداهم كزايز= ولهم على كز المغيره متلا
لاطار ستر منقشات البلايز= ثم طشت الشيله عيون الغزلا
ياما قعد في ادقولهم من جنايز= لين ابوتركي بالشريعه تولى
ومطير من يوم الجهل والحزايز= مروين شذرة سلة من مكلا
تامن بهم شقح عليها الحجايز= ماتنلطم من حيث تبغى المفلا
مدح على المكشوف ماهي برايز= يزهى صحيح المدح وافي خصلا
المدح في غير المشاكيل بايز= والا على الطيب زخاريف زلا

صح لسان الشاعرين وتسلم يامسلط 22

على انتقاء الابيات الجميله

[مسلط 22]

الاخ وافي السبيعي بعد التحيه لاعدمناك الحي يحييك وجزاك الله خيرا على وضع القصيدتين بهذا البرواز الجميل والشعراء يستاهلون كل علم غانم وانت كذلك وانت سالم والسلام

[فتى العزه]

صح لسان الشاعرين وفايز ال جفران يستاهل المدح ومشكور يامسلط على القصيده وتسلم يمينك

[مسلط 22]

الاخ فتى العزه حيلك الله وشكرا على المرور وابوفلاح يستاهل كل علم غانم وانت تستاهل والغلباء تستاهل والسلام

[مسلط 22]

بسم الله الرحمن الرحيم
لقد قام بمجاراة القصيدتين احد شعراء سبيع الشباب ووعدني بقصيدته واعدكم بوعده مع اعتذاره مقدما من الشاعرين الكبيرين دسمان بن مناحي ودغيم المطيري وانتم سالمين والسلام

[ماضي المديري]

صح لسان الشاعرين وفايز ال جفران يستاهل المدح
ومشكور يامسلط على القصيده وتسلم يمينك

[مسلط 22]

بسم الله الرحمن الرحيم
المكرم الاخ العزيز عقيد القوم السلام عليكم ورحمة الله وبركاته وبعد اشكرك على المرور بالقصائد وابوفلاح يستاهل وعلومه الطيبه مطبقة الافاق تعرفها شيوخ نجد من سبيع والاجناب وخير الشهاده ماشهد به الاعداء وانت سالم والسلام

[كليب]

صح لسان الشاعر المطيري وشاعر سبيع دسمان المحمدي وابو فلاح يستاهل وشكرا لك والسلام