منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
هذي قصيدة الاستاذ الشاعر/ ماجد بن جفال بن عبيدان السبيعي التى اسندها الية وهي تعبر عن نفسها
والله ان الخوة أشكال والوان وفصايل= والرجال اصناف من كل طبع وكل نوع
والتجارب علمتنا براهين ودلايل= لين صرنا نجمع جموع ونفرق جموع
ربع قرن من التجارب وتحصيل الحصايل= خذت منها ماكفاني وسد ارماق جوع
تجربة ماهيب في حل صعبات المسايل= لاو لا في حفظ قانون او قسمة بيوع
تجربة من واقع احوال واقوال وفعايل= شيخ قوم ورث الطيب واثمان الطبوع
شيختة ماهيب شيخة دنانير وهلايل= كابر تخضع لة اجباة ولله الخضوع
والمراجل ماتجي بالوسائط والتحايل= كود من يشعب لها الراس والجيب مخلوع
مرخص مالة وحالة على بذل الجمايل= مايلد لزلة الخبل وهرجة الدنوع
وانت يامطلق جمعت بيدك كل الخصايل= يوم غيرك مفلس لاش شبر ولاش بوع
الشهامة والكرم والطيب وسلوم القبايل= واتباعك ملة الاسلام لاملة يسوع
وهيبة الشيخان في كل عدل وكل مايل= دائما تهواء التقدم ولا تهواء الرجوع
فياسمي للرجال الطحاطيح الشكايل= مسند(ن) للعز والطيب يالقرم البتوع
وانت زيك فالمخاليق وامثالك قلايل= لاحشا لو قلت جنسك من الناس مقطوع
والله انا مانبدل بخوتك البدايل= نشتري مثلك وغيرك نحدرة السلوع
والله انة مايعذر في غلاك ابن الحمايل= كود من جنب عن اصلة ودور للفروع
والله انة لو يجي لازمك لا عمل عمايل= والله لاطوع لك القاف لو عيا يطوع
الاستاذ الشاعر/ ماجد بن جفال بن عبيدان
رديت علية بهذة القصيدة
يالله التوفيق يارب في بدع المثايل= ياكريم يارحيم على عبدك شفوع
طالبك بالسر والجهر وبكل النفايل= جل شانك ربنا الي يروع مايروع
شاش راسي يوم ادور لجزلات الجزايل= عادتي بالطيب والطيب نرقبة طلوع
المعاني في ظميري مثل نو المخايل= كل ماقلت امطري جالها بالارض زوع
عقب ما جاني كتاب(ن) يحملني حمايل= من شجيع(ن) زاد شبرة وراء الشيخان بوع
الزعيم الي تعلا على كل الطوايل= كاسب(ن) مجدة وطيبة على كل الجموع
ماجد الي لانخيتة يعدل كل مايل= كل ماصكت على القلب حدبات الضلوع
مسندي ياتاج راسي ولاطم كل عايل= ليت من شكلة ثلاثة من خيار الربوع
الشهامة والكرم والوفا والشك زايل= فيك ياراع الجزيلة ويالشهم الجزوع
اشهد انك بالمراجل تخطيت الاوايل= مكرم(ن) ظيفك وجارك بجودك ما يجوع
الليالي يالسنافي مثل فتل الحبايل= ان عقت احبالها طوعت لك كل طوع
وان تركت احبالها كنها فــلــو الاصايل= قامت تميل على كل جال وكل صوع
والفلك دوار والناس بة مثل الوسايل= فية من يمشي مع الخير ولربعة نفوع
وفية من دور علوم الرذالة والهزايل= مادراء انة في طريقة مع الناس مخدوع
وقبح الله وجة من لايذكي كل حايل= والمرق, والبن, والكاد, سابقها القدوع
للضيوف وللعواني وجيران(ن) نزايل= والشجيع الي ذبة الفرجة قطوع
وفالنهاية ديننا مانبدل بة بدايل= عزنا في ديننا والله بخلقة شفوع
مطلق بن عبيدان
سبحان الله وبحمدة = سبحان الله العظيم
[size=4][align=center]مطلق بن جفال بن عبيدان
التعديل الأخير تم بواسطة ابن عبيدان ; 24 - 10 - 2007 الساعة 14:22
غير متصل
