يا موتري لا تشكى من مشاويري

[عبدالله القريشي]

اخواني اعضاء المنتدى ومرتاديه

هذه الابيات قلتها في عبدالله ابن فضاء القريشي

من سكان الثقبه رجل كريم والكريم الله سبحانه

انا على البعد حدتني مقاديري = وصابر على دبرة اللي دا ر الافلاكي
ياموتري لاتشكى من مشاويري = عسى الولي من صدوف الدهرياقاكي
اْ نته جديد المكينه والمساميري = ولولا المشاوير هاذي ماشريناكي
غيرت زيتك وشيكت المواطيري = ابي من المهد فالظهران ممساكي
نبا العشاعند نطاح المخاسيري = ماني بابي قوم سنبوسه وكنتاكي
اللي يعدون فعل الطيب تبذيري = وفلوسهم للمدام وفي شراء الخاكي
ابوفضاء جعل تفداه المثابيري = ابوهلا بالصخا مهوب كلاكي
مهوب عفنٍ يحسب للدنانيري = واٍ ن جيت بيته جزيل العذر كفاكي

وسلامت الجميع /اخوكم عبد الله القريشي

[اخو شما]

مرحبا اخوي عبدالله القريشي

وصح لسااااااااااااااااانك ملااااااااااااااااااااااايين

[ابن شطيط]

"ابوفضـاء جعـل تفـداه المثابيـري"="ابوهـلا بالصخـا مهـوب كلاكـي "
"مهـوب عفـنٍ يحسـب للدنانيـري"="واٍ ن جيت بيته جزيل العذر كفاكـي "

بيض الله وجهك اخوي عبد الله

وابو فضا ونعم والف نعم صيته وطيبه يعده الصغير قبل الكبير يستاهل المدح ابو هلا

وهو من رجال القريشات اللي لهم قدر ومعزه عند الجميع

وعادتك الوفى اخوي عبد الله ولاهي غريبه منك

لك تقديري على هذه الرائعه

اللي لها تقدير خاص عندي

لك التحايا

[مشعاب]

ياموتري لاتشكى مـن مشاويـري =عسى الولي من صدوف الدهرياقاكي
اْ نته جديـد المكينـه والمساميـري =ولولا المشاوير هـاذي ماشريناكـي

[خربوش بن حنتوش]

اقول

صح لسانك

قصيده منتاااااازه جداااااااااا


ونعم يابو فضاء اللي مايحسب للمخاسيري


تحياتي

[السيف]

عبدالله القريشي

صح السانك مليون

وبيض الله وجهك على هذه الرائعة

تحياتي

[البدر]

انا علـى البعـد حدتنـي مقاديـري
وصابر على دبرة اللي دا ر الافلاكي

لاهنت ياعبدالله القريشي

وصح لسااااانك ملايييييين

ابداع جديد ورائعة جديده من شاعر متمكن فلك كل الشكر والتقدير


اخوك البدر

[المزاح]

صح لسانك وبيض الله وجهك

ونعم بك وبه

تحياتي

[عبدالله القريشي]

الاخ العزيز اخوشما


اسعدني مرورك الرائع اسعد الله ايامك

ولاهنت يا خو شما الله لايخلينا منك

لك تقديري

اخوك عبد الله القريشي

[نديم القوافي]

صح الساااااااااااااااا نك خوي عبدالله


والله يعطيك العافية يالغالي