قصيدة غزل عطونا رايكم

[ولدالوجيرب]

هذي قصيدة غزلية


ارجوا ان تعطونا رايكم ونتقاداتكم فيها

الحال تشكي لك وقلبي يحيك = وصدري من الهم تزايد شهيقه
افز لا سمك كل ما حل طاريك = واشتاق لشوفتك لوهي دقيقه
طال الجفا وانكسر قلب مغليك = وده من الحلم يشوفك حقيقه
يشكي من بعدك ويصيح يناديك = تعال يامداوي جروحا عميقه
عيني تبكيك لا تقول وش فيك = خليت بصدري هموما وظيقه
لو تشغلك دنياك ماني بناسيك = والقلب عن خلي ماحد يعيقه
ودي اجلس معك اضحك وسليك = مشتاق لك كيف بالقى طريقه
همي بالدنيا احقق كل امانيك = ولاشوف عيونك بدموعك غريقه
احبك وهواك واعشقك واغليك = واذوب في عيون احلى عشيقه
لو تطلب عيوني والله لا هديك = روحي وقلبي بمشاعر رقيقه
ياليت تغليني مثل ماني اغليك = وشوفك بساعات ونسى الدقيقه
وياليت انك تحس بحب مغليك = ياليت كل الاماني تحول حقيقه

[ولدالوجيرب]

ياخوان وينكم شي غريب مافيه ولا رد


وين الشعار


وينك يالنشامى عطونا رايكم وانتقاداتكم

[عبدالله]

فالاوله صح الله لسانك وبيض الله وجهك على الابداع

انا ماني بشاعر ياولدالوجيرب بس قصيدتك روعه ماتوقع يوجد ملاحظات عليها ...ونبي منك اكثر

[ولدالوجيرب]

صح بدنك اخوي عبدالله

ومشكور على المرور والكلام الجميل

وابشر بالجديد

بس ننتظر باقي الاخوان


لاهنت يالغالي

[محمد بن سلطان]

صح لسانك .. ومحاوله طيبه ..

مير القصيده فيها كسور يابن العم ..

نصيحه يالغالي حاول تغني القصيده بلحن معين .. مثلا عندك لحن اغنية :

يقول من عدى على راس عالي // رجم طويلن يدهله كل قرناس

اللي غناها محمد عبده وهي من كلمات الامير محمد الاحمد السديري ..

لان قصيدك كما يبدو لي انها على بحر المسحوب ..

هذا والله اعلم ..

اخوك
محمد بن سلطان الثوري

[ابن عبيدان]

ولد الوجيرب
السلام عليكم ورحمة الله وبركاتة وبعد
اولا: اهنيك على هذة القصيدة والى الامام انشاءالله

ثانيا: انت لم تهتم بالشكل والا المضمون وهذان عناصران اساسيان في القصيدة ثم اذا ارت ان تكتب قصيدة وتازنها فرجع القصيدة الى بحرها التى كتبت علية وغنها على اكثر من لحن فأذا ضبتها باللحن ضبط الشكل معك ثم ارجع الى مضمون القصيدة وشف هل هو متناسق وراء بعضة ام لا فأن لم يكن متناسق فمعناة هناك خلل بالقصيدة مثلا البيت الاول والبيت الثاني لديك ليس بينهم رابط يربطهم مع بعضهم وكذلك بقية الابيات


اخي الغالي لااحب نقد اي شاعر او اي مبتدي فطالما انك طلبت مني ذلك فهذا جزاء بسيط اقدمة لك ولوكان لدية وقت شرحت لك اكثر0 ولاكن لا تاخذ كلامي وحدة بل اسئل غيري من هو اعرف مني واقدم مني في هذا المجال
تقبل تحياتي

[رفاع]

الاخ ولد الوجيرب بدايه قويه وصح لسانك
صحيح كما قالوا الاخوه الشعار فيه خلل في وزن القصيده واضح ولكن هذا الامرعادي
لانك في البدايه وكل شاعر وقع في هذه المشكله في البدايه

[ابومحمد11]

حاول مره اخرى

وانت ماعليك

[جفين الطويرش]

الاخ ولد الوجيرب

تلقا في النتدى طرية وزن القصيده
وانشاء الله تستفيد وتبدع لنا من جديد

ونتمنا لك التوفيق وللجميع