أهلا هلا بالعيد وهلا هلابه=
=تحية التقدير لأهل المروات
من شاعرٍ كل القوافي تهابه=
=ولد الشيوخ سبيع فخذي عرينات
سلام مني للرجال الذيابه=
=ألي لهم بالجود والطيب صولات
صغيرهم سقم المعادي انشابه=
=وكبيرهم مدحه يبيله سجلات
في دارهم كلن يهلي بابه=
=الضيف معهم كل وقته مسرات
جيرانهم محدن شكى من عذابه=
=لا جيتهم تلقى الدلال العريبات
دلال صفرٍ واقفه بانتصابه=
=ماكنه إلا صفة جنود ساحات
تاخذ تمام ألمرجله والذرابه=
=وتضرب تحية حب لأهل الطويلات
ارجال عز والعرانا طبابه=
=لا صار وقتك صايرٍ فيه هقوات
معهم كسبت العز والطيب جابه=
=أفعال يمنى كل مده سمينات
والعود جدي يرحم الله جنابه=
=أنا اشهد انه ياعرب حي مامات
لا صار ورث لي رجال المهابه=
=عمٍ وخو وعيال عم وعمات
لا شفتهم يرقص خفوقي طرابه=
=وتغني القيفان وتمد الأبيات
وقول أهلا بالمهلي هلابه=
=وعيدٍ يعود وكل حالك سلامات
هذه القصيده للأخ / عبدالله العريني اعجبتني وارييد ان أخذ رايكم فيها ياعيال عمي يالسبعان
تباً لبـدر صفـوق تبـت يدينـه
من سود قلبه فاح ريـح الضغينـه
والحاسد اللي مثله نطـس عينـه
عاداتنا غمض العـدا وأي عـادة
عاداتنا يالاش من ماض الأزمـان
من قبل راكان وعلى وقت عجران
ولازال نعشق لبسة الجوخ يافـلان
من شان ناصر لو نضـد القيـادة
لو ان ابو فارس طلب راسك الحين
يجيه راسك ميـر قيمتـك ياقيـن
أنته ثمنك أربـع ريـالات بالديـن
وعينك كما يابدر عيـن الجـرادة
انا مدري وشلون بنيت القصيده عليه هل ترحب بالعيد على كلامك والا تمدح ربعك
اعتقد كلامي هذا واضح ولايفهمه الا الشعار بس
بالنسبه للعرينات كفو افعالهم كلا يعدها ويستاهلون المدح وزود
تقبل مروري لاهنت
غير متصل
