ضمن المراسيل

[السبع 501]

يازين انا كنت صابر وانتهى صبري
والخوف يدرون عدواني وعدوانـك

وشلون لو شفـت حالي كـل ماتطـري
سرعة يطير الخفوق وكني أوزانـك

والـلي جذبـني كلامـك كـان ماتـدري
ضمن المراسيل بين أسمك وعنوانـك

وآن قلت مجنون يمكن بس من عذري
انا اجودي وانت حاسب زلة آللسانك

والحب ماهـو ضريبة ينفرض جبري
الحب شـوقـه يهـز اركـون وجدانـك

ماهو مثـل حب ذاك اللي على خبري
يمشي معك لين يلقى فرصته خانـك

واليوم انا جيت واللي راح من عمري
هـذا دليلـي عليـك وهـات بـرهـانـك

اما انـت قـد الكلام وينشـرح صدري
نعطيك نفس الشعور ونطلب احسانك

وإلاعرفتـك لعوب ورحت من بدري
مابـيـك لابـوك لابـو صلـب جدانـك

ماتـنحنـي هـامتي لو انخـدع فكـري
الموت هـيّـن ولآنخضع على شانـك

عندي مبادي شموخ وعالي(ن)قدري
لآنت بكفيلي ولآني بأصغر آخوانك

ـــــــ م ـــــ السبع501ـــــــــــــــــ

[أبو يزيد]

الله الله

يالسبع501

للشعر منك لوناااا وطعماااا مميزاااا
رائعه بروعة حضورك

صح لسانك وعــــــــــــــــــلا شانك

وسلم نبضك وفكرك

[ماضي المديري]

يازين انا كنت صابر وانتهى صبري=والخوف يدرون عدواني وعدوانـك
وشلون لو شفـت حالي كـل ماتطـري=سرعة يطير الخفوق وكني أوزانـك
والـلي جذبـني كلامـك كـان ماتـدري=ضمن المراسيل بين أسمك وعنوانـك
وآن قلت مجنون يمكن بس من عذري=انا اجودي وانت حاسب زلة آللسانك
والحب ماهـو ضريبة ينفرض جبري=الحب شـوقـه يهـز اركـون وجدانـك
ماهو مثـل حب ذاك اللي على خبري=يمشي معك لين يلقى فرصته خانـك
واليوم انا جيت واللي راح من عمري=هـذا دليلـي عليـك وهـات بـرهـانـك
اما انـت قـد الكلام وينشـرح صدري=نعطيك نفس الشعور ونطلب احسانك
وإلاعرفتـك لعوب ورحت من بدري=مابـيـك لابـوك لابـو صلـب جدانـك
ماتـنحنـي هـامتي لو انخـدع فكـري=الموت هـيّـن ولآنخضع على شانـك
عندي مبادي شموخ وعالي(ن)قدري=لآنت بكفيلي ولآني بأصغر آخوانك

بيض الله وجهك قصيده جزله

[الزناجه]

وإلاعرفتك لعوب ورحت مـن بـدري**مابيك لابـوك لابـو صلـب جدانـك
ماتنحني هامتي لـو انخـدع فكـري**الموت هيّن ولآنخضع علـى شانـك



السبع ابيات تحتار في ايهما تختار كل واحد اجمل من الثاني
فهل تريد نعذيبنا بحفظ القصيده باكملها

فهي تستحق الحفظ لانها منك ومن لسانك فاطلق لنا ماعندك من قصيد ينومس كل من يقراءه


اخوك ومغليك

[السبع 501]

اخوي ابو يزيد

سعدت بمرورك الطيب وشهادة الاطراء
اعتبرها وسام الف شكر والله يعطيك
العافيه .. مع خالص تحياتي

[السبع 501]

اخوي عقيد القوم

وجهك أبيض والف شكر على المرور
والترتيب الرائع ولاتنسى التوقيع..طماع<<<ههههههه
عموماً لاهنت على كل حال وجعلك
بالوجود دائماً .. تقبل خالص تحياتي

[السبع 501]

اخوي الزناجة

اسعدني مرورك الغالي والأشاده بالابيات
والقصد ليس تعذيبكم بل أرضاكم بكل تاكيد
عموماً بيض الله وجهك وعساك ذخر
.. تقبل خالص تحياتي