منتدى المحاورة والعرضةقلطه ، موالات ، عرضة ، ستجد أجود أبيات الفتل والنقض بين عمالقة المحاورة من قبيلة سبيع الغلباء او ضيوفهم بالصوت أو كتابة ومقاطع فديو لمحاورات جديدة متفرقة
قلطه ، موالات ، عرضة ، ستجد أجود أبيات الفتل والنقض بين عمالقة المحاورة من قبيلة سبيع الغلباء او ضيوفهم بالصوت أو كتابة ومقاطع فديو لمحاورات جديدة متفرقة
هلا يا مرحبا ترحيب حربي للخوي والضيف
وللربع الحضور وغايب العالم وحاضرهـا
ترى الليلة ربيع قلوبنا بين الشتاء والصيـف
اقوله والعرب لعـل مـا تنكـد خواطرهـا
زيد العضيله
يدوم إلك البقاء من شاعر غني عن التعريف
وحنا ناخذ علوم القبايـل مـن مصادرهـا
تهيض يا رجاء الله والسنة ما هي بدايم ريف
وأنا أدور على اللي كـل رجـال يدورهـا
رجالله الحربي
هلا يا مرحبا يا زيد سلمي يا رفيق خليف
أعرفك زين وعلومك زمان العام خابرها
تهيضنا وكل الأرصدة داخل بنوك جنيف
ولا منك شريت الطايرة يا زيد طيرهـا
زيد العضيله
رفيق خليف وإلي العز وأنته كيف حالك كيف
بعد ذيك العلوم اللي بعد كبـرت تصغرهـا
يابو شيكٍ مزيف بنكنا مـا يقبـل التزييـف
لا كن هات البطاقة هاتها نبغـى نصورهـا
رجالله الحربي
أنا حربي ولد حربي علم مرسوم فوقه سيف
وقل لمطير فوق أعلامها ترسم خناجرهـا
أنا ماني مزيف وأنته البلشان بالتصريـف
تعدت مستواك وتحسب الحربـي مزورهـا
زيد العضيله
أنا خابرك حربي منفتل زندك ولا أنت اضعيف
لا كن مطير هرجك ما يغير فـي مشاعرهـا
أنا أبا أنشدك عن رجل تبين وأختفى ما شيف
عسى ماهو شريـكٍ للجنايـز فـي مقابرهـا
رجالله الحربي
عليك الهون قبل نطلع أوراقك من الأرشيف
ونمزح مع مطير و ياقف الماء في حناجرها
هذاك الرجل من عربانكم بالأسم والتوصيف
وكاننـه يهمـك سنـد الديـرة وحـدرهـا
زيد العضيله
ملفي يارجاء الله ما حذفته في حدود السيف
شناباتـي تدسمهـا فعولـي مـا تغبرهـا
مادام علومكم صارت كذيا ولعوا بالليـف
وتلقى مسفرة بكـره وحججهـا وزورهـا
رجالله الحربي
ملفك زين لا كن به حروف محرفه تحريـف
وأضنك ورطتك أم الكبايـر فـي كبايرهـا
بشب النار في روس العدى وأبا أرفع التكليف
وأبا أكحل عيون العيـر وأكسـر مناظرهـا
زيد العضيله
ملفي حافظه ما هو ورق في مكتب التوظيـف
يا راع الصرة اللي لك ثلاث أشهر تصرصرها
أنا أبا أقابل الحربي معي شلفا وحـد ارهيـف
ولن كسر يديـك العيـر مـا تقـدر تجبرهـا
منقووووووووووول
اللهم اغفر لي ولوالدي وللمؤمنين والمؤمنات
سنه عظيمه لاتفوتك
قال عليه الصلاة والسلام :
من صلى اربعا قبل الظهر واربعا بعده حرم الله وجهه عن النار
غير متصل
