السلام عليكم
منقول من هذا الموقع
((( اضغط هنا -- المصدر )))
الشيخ / حثلان بن ناصر السبيعي رجل غني عن التعريف يأسرك باخلاقه و يبهرك بدماثته و طيب معشره
بالإضافة إلى الخصال الحميدة التي تميز الرجل الأصيل الذي يغمرك بكرمه و يفتح لك صدره تشرفت بلقائه
و خرجت بإنطباع جيد عن هذا الرجل لن أطيل و لكن سأترك عزيزي القاري ما عبر به الشعر عن هذا الشهم
النبيل ممثلا في قصيدة الشاعر سعود بن فيصل السبيعي و مجاراة الشاعر سعد بن جدلان الأكلبي في ثنايا
شعرهما ما يكفي و الصايرة تتشرف بنشر هذه القصيدتين كدأبها دوما في اختيار الكلام العذب الذي يمجد رجال
الوطن و الشيخ حثلان أحدهم :
في مثل حثلان يصف ٍ القوافي
ما يوسع خاطرك كود السنافي = لا حداك الوقت وشددت ظروفه
كل ما ضاقت بي وساع الفيافي = ارتكالي واحدٍ روحه عطوفه
ذاك أبو ناصر إلى من قال يافي = المكارم و المدايح ما تطوفه
في مثل حثلان يصف ٍ القوافي = الكريم اللي ملكني بمعروفه
دام حي ٍ ما على ربعه إخلافي = يعطي الجزلات من راحت كفوفه
دايم جوده على الدنين ضافي = دون ربعه ملحق ٍ حاله كلوفه
أشهد انه وافي من رأس وافي = لا وقف في موقف يحمي وقوفه
ياسلايل متعبة درم الخفافي = أهل بيض بالمغازي و النكوفه
المجوخ يطرحونه بالرهافي = و القلايع لا نكفو كل معسوفه
آل ظافر تحتمي حم الشعافي = منهم الفرسان للحايم علوفه
لا قصر عن مستواهم كل هافي = الرخوم اللي ضمايرهم دنوفه
قلتها من خاطر ٍ منصح وصافي = فبن عمن شايع صيته ونوفه
الشاعر سعود بن فيصل السبيعي
في نبا حثلان محمود السلافي
بسم رب البيت علام الخوافي = الذي منه الرجاوي و المخوفه
الذي تحته عبيد الله ضعافي = هو قوي الحيل و عباده ضعوفه
عالم ٍ فوق الفقاها و الثقافي = جل عن توصيف من ياصف وصوفه
فاح ريح الهيل بحلوق المصافي = في كلام سعود بن فيصل طروفه
و الطروفه كلمة ٍ تصحي الغوافي = لا سمعت البيت لكنك تشوفه
عن فعول الطيب يعلن لاعترافي = وغترافن بالصنيع أكبر نصوفه
شاعر ٍ نسجه على الطرس الصحافي = تدخل الاسماع ما هي بمعيوفه
كل كلمة من مفاهيم النظافي = كنها في لب الألباب مهتوفه
هاض قاف سعود بن فيصل وقافي = مكرمة فرز الوغى مكرم ضيوفه
في نبا حثلان محمود السلافي = الذي تجري نعم في دم جوفه
كل من جا من بعيد الدار لافي = ناصي ٍ حثلان مفتوح ٍ مضوفه
أرجحن جوده على ناصيه ضافي = و مدة المحتاج للشهم مخلوفه
من ثقل حمله بالأيام العجافي = لا نصا حثلان شاله عن كتوفه
مثل ما يحيا من السيل الجفافي = حيت الناس الاجفا في كنوفه
تنشر له البيض في روس الشعافي = فوق راس طويق و لا راسه سوفه
من هل الغلبا موسعة الرفافي = في ليال الريف و لا بالحفوفه
كرم الله جانبه من كل هافي = أهل الغيبة و لا ألسنت الزهوفه
أحمد المحمود ما عندي خلافي = ما رجيت إلا من الله المروفه
و الرخوم ركابنا عنهم مقافي = و الوفي باعلن وقوفي مع وقوفه
الفتى لا صار قلبه معك صافي = و الشوايب من نواياه محذوفه
فالقبل لا بارك الله بالتجافي = و التجافي شمسه الظهر مخسوفه
كان ما نادمت في دنياي وافي = ما على الدنيا و لا أهلها حسوفه
سعد بن جدلان الأكلبي
ودمتم بخير ،،
.
غير متصل
