هلا يا مرحبا مليون في مليون في مليون

[ابن جدعان]

هـلا يـا مرحبـا فـي مرحبـا فـي مرحـبـا ملـيـون=تراحيـب[ن] تمثـل ماقـفـي مــا نــي بحاسبـهـا
بكل اللي حضـر فـي حفلنـا تشريف،قدر،وعـون=من اهـل العـرف والشعـار وارجـال[ن] نصاحبهـا
على وضـح النقـا نمشـي ولا طـري لنـا دنـدون=نــحــاول نـكـسـبـه وتـبـيــن الـدنـيــا تـجـاربـهــا
اخـذنـا مــن مـرازيـق البـقـوم وتـرثـة[ن] يثـنـون=لـيـا ثــار المـشـوك يــا خـسـارة مـــن يحـاربـهـا
واخذنا من سبيع اهل المهـار اللـي بهـا يركـون=علـى قلـب المـعـادي حربة[ن]تـعـرف مضاربـهـا
واخذنـا مـن مطيـر اللـي ليـا طـول طـراد الكْـون=حضـور الكـون يكفـي فعلهـا عــن فـعـل غايبـهـا
واخذنا من عطيه فـي شمـال المملكـه توحـون=فـعـول[ن]مْـكـده ومـــــدون الـتــاريــخ كـاتـبـهــا
واخذنا من سلاطين العـرب قحطـان مـا ينسـون=لـيـا حــل الـمـجـال وعـــادة الـطـالـه لصاحـبـهـا
هذا غير الزحول اللي علـى كبـد العـدا طاعـون=عتـيـبـه والـرجــال ارجـــال تـرفـعـهـا منـاسـبـهـا
وعطيـنـا غيـرنـا يـــوم القـبـايـل غـيـرنـا يـجـنـون=حـصـاد اهــل المـكـارم والكـرامـه قــدم طالبـهـا
مـدام انـا هـل التوحـيـد مهـمـا هـاتـر المجـنـون=علـى نهـج السلـف نمشـي ومـا قـالـو نقرابـهـا
ومــدام انــا عتيـبـه نـذبـح الحـايـل ونـاقــف دون=بلـدنـا مـثـل جدان[ن]تـحـارب مــن يـهــم ابـهــا
ومـدام انـا هـل الحـرشـا لـنـا بيـعـه لـنـا قـانـون=بحـكـم الله وعــن سـنــة مـحـمـد مـــا نجنـبـهـا
هذْي نبذه عن اللي صار واهل المعرفـه يـدرون=تناقـلـهـا الـــرواة وفالمـجـالـس يـسـتـدل ابــهــا
رست وأرست قواعدها رجـال[ن] بالوفـا يوفـون=عـلـى سـلـم الـجـدود الطيـبـه تقـضـي نوايبـهـا
تمـاري بالمراجـل والـعـدو منـهـا يـجـي مغـبـون=عـزاة[ن] بالوفـاء يمشـي ولدهـا مـثـل شايبـهـا
هــذا والليـلـه الـلـي جمعتـنـا خيـرهـا مضـمـون=بامـر رب[ن] بسـط سبع،ورفـع سـبـع بكواكبـهـا
وعسى حفلتك يا عايض تبارك والصعـاب اتهـون=يـعـم ابـهـا الـفـرح طــول الـزمــان ويستقـرابـهـا
وهـلا يـا مرحبـا فـي مرحبـا فـي مرحبـا ملـيـون=تـراحــيــب[ن] تـمــثــل مـاقــفــي مـــــا نـــــي بحاسبها

[اخو شما]

صح لسانك يابن جدعان مليون في مليون في مليون

والف مبروك زواج عائض

اسعده الله ورزقه بالذريه الصالحه

[ولدالوجيرب]

اخوي ابن جدعان



قصيدة رائعه مليون في مليون في مليون



وابيات رائعه

ومبروك زواج عائض


والله يجمعهم في خير


لاهنت يالغالي

[ابن جدعان]

اخو شما

صح لسانك

ونسأل الله ان يستجيب دعائك.

[ابن جدعان]

حياك الله يا ولد الوجيرب

وبارك الله فيك

[ابو تركي]

ابن جدعان .... مرحبابك



صح لسانك ولا هنت على قصيدتك الطيبه




ومبروك زواج عايض والله يوفقه ويرزقه الذريه الصالحه





ولا هنت

اخوك ابو تركي

[ابن جدعان]

اخوي ابو تركي

تبقا على الطاعه يا راعي مرحبا

وصح بدنك

والله يجزاك خير