اقتباس:
المشاركة الأصلية كتبت بواسطة مصلح ربح
هذه القصيده بمناسبة زيارة المجامعه وعدداً من قبائل سبيع لنا في الخرمه
بتاريخ 18-10-1427ه
خير البدايه ذكر رباً كون الكون العظيم =رباً خلقنا للعباده نلتزم با احكامها
هوالذي يهدي عباده للصراط المستقيم = وفضله وتقديره يحقق للرجال احلامها
فى الليله اللي نورها يجلى دجا الليل البهيم= يضفي على الارض وفضاها والسماء واجرامها
يامرحبا في مرحبا ماهب ذعذاع النسيم = المستكا والعود الازرق فايحاً با انسامها
اعداد من حج وسجد من جال زمزم للحطيم = واعداد من زار المشاعر والشعائر قامها
يا مرحبا ترحيب مخلص من معاليق الصميم= يرفع ويسمؤ للرجال اللي وجوب اكرامها
يرفع من الخرمه ليا رنيه ليا حد القصيم = ويضفي من العارض ليا شرق الديار وشامها
يا مرحبا يا عزوتي يا سبيع والجمع الكريم= سموا رجالاً من وفاها عالياً مقامها
يرفع بسم ربع ابن جروه مقبس الليل العتيم = بسم بني صامل وراجح شيخها مقدامها
راجح ولد شباب بن ماجد ولد ذاك العديم=شيخاً خذ وسام الجمائل والمراجل رامها
يا مرحبا وان جيت اعد اسما مطوعت الغريم= يصعب علي عد الرجال اللي عريباً خامها
الاسم واحد والمفاخر فى الجديد وفى القديم =للعزوه اللي عزها رب العباد ودامها
هذا وانا قلبي على مدح اهل الغلبا يهيم= وغيري شواعيراً مشاعرهم يزيد اهيامها
نفخر ونكتب عن فعول مشيبة راس الفطيم= نذكر مفاخرها وشعار الرجال اعلامها
حنا هل التاريخ الاول واهل المجد المقيم= اهل المفاخر والمراجل ماسكين ازمامها
حنا هل الغلبا سبيع موطيت راس الخصيم = قوماً بسالتها تطوع فى القتال اخصامها
تشهد لنا وقت المعارك شذرة السيف الحسيم= وتشهد لنا داراً خذينا جلها واجسامها
حنا معسفة المهار وجارنا دايم حشيم = الجيره اللي فى الملا خذنا رفيع وسامها
وحنا هل المثلوثه اليا عد ماجوب الكريم= نعرف بها بين القبائل لابخل نحامها
امجادنا في وقتنا الحاضر وفى الوقت القديم = تتعب مسطرة التواريخ وتجف اقلامها
من دون نقصاً فى القبائل مجدهم ماهو عقيم= المملكه فيها صناديد العرب واعظامها
واليوم حنا فى امن واستقرار والخير العميم= فى الدوله اللي تحكم بهدي النبي حكامها
وصلوا على خير العباد اللي جباه الله كليم= بلغ وجاهد فى البسيطه لين اباد اصنامها
|
صــح لسانك يا مصلح وبيض الله وجهك
شاعر جزل والجزالة والابداع لاتستغرب
على مثلك وفيت ولاهفيت يالقرم,,,,,
غير متصل
