الاش لاش لين يفنى وهو لاش = لوكان راسه صار فوق النجومي
لاهو بشواش ولاهو ابشاش = ياويش ابي بمقابلي للرخومي
حتى حديثه يدبل الكبد واجراش = الهيل يثمر هيل والثوم ثومي
مايعرف القاصي لياجاه طراش =ولايستتر من ناقلين العلومي
اما تفشل عندك والا صد وانحاش = ماهوبطبع له يسد اللزومي
التبع لا يعجبك لوكان معتاش = لوكان يلبس من جديد الهدومي
مظاهر تلمع وهيكل على ماش= ماغير مخيول به الريح تومي
دايم كما الطاؤوس تزهاه الارياش = ومع الطيور الجارحه ما يحومي
مثل الطيور اللي توقع على الطاش = عوج مناقرها كبار الجرومي
لوحط له خادم وسايق وفراش = بسلم الفلوس اللي تزيح الهمومي
تمضي حياته كلها مايسواش = وما شوقوه أهل البخت والعزومي
متعلق بيديه تقول خفاش = وشلون ينهض بالثقال ويقومي
ومثل السراب اللي على البعد غشاش = كنه غدير وهو يباس وسمومي
زعال لوجيه القريبين خماش = والعرف والتمييز فيه معدومي
ان ضاعت الحيلات ماهوب بهواش = وان جا المخاصم مايخيف الخصومي
غير متصل
