المحاوره المحاوره المحاوره المحاوره المحاوره

[ابو سهم]

السلام عليكم

اولا اخواني جميع انا آسف على الانقطاع بلا سابق اشعار

موصاحي انا سمعت انك تبي تغيب عن المنتدى لفتره كل هذي روعه مني انا ولد عمك و حبيبك

ما ني ما كلك ما عليك خلك قاعد والوضع طبيعي انا خلاص كانك خايف انا ما اتعرضك:D:D




اما انت يا راعيها وانت يا سعود يا ويلكم مني

وابي منكم انتم يا الثلاثه تدخلون معي في محاوره انت يا موصاحي خواف وانت فالخيار بكيفك:D




اما انتم يا الفزاعه استلمو

سعود وراعيها تعالوا هنيــا ........ وهاتوا معاكم راعي الشور ذيا
تاتون ما تخشون قولة حميا ........ ولابتي فالمنتدى شامخ ورفاس

هاتوا جميع العلم هاتوه هاتوه ((())) وان كان تبغون السعد لا تجيبوه
انا ترى برقى و لو كم لـزمتوه ((())) حنا قرانيس الوحش يا لذبـــابين


ها ... ردوا يا ويلكم انا مندفع كانك بتصير معهم يا قرداحي تعال:D:D:D:D


وترى الدعوا مزوح يا الربع:p

[ابن شطيط]

تحياتي يالأمير

وشلونك بشرني عنك عساك بخير

والله اقلقتنا عليك

وحيلك فيهم وعندك اياهم

وتراني في صفك وانا اخوك

معاك ان رحت ومعاك ان جيت


وبعد معك ان جلست


تحيه

تعظيم سلالالام

[ابو سهم]

كفو والله يا ابن شطيط هذا خبري فيك




خل نشوف شغلنا مع هالجحلط والله غبنا يومين واستفرست القطاوه:D

لكن انا ساريك فيهم يا ساعدي الايمن

[موصاحي]

سعود وراعيها تعالوا هنيــا ........ وهاتوا معاكم راعي الشور ذيا
تاتون ما تخشون قولة حميا ........ ولابتي فالمنتدى شامخ ورفاس

هاتوا جميع العلم هاتوه هاتوه ((())) وان كان تبغون السعد لا تجيبوه
انا ترى برقى و لو كم لـزمتوه ((())) حنا قرانيس الوحش يا لذبـــابين
.................................................. ....



خل سعود وراعيها وتعال منيا **** انت ما ينفع معك الا ذيك وذيا

ان كان بتعقل فكيت عنك الحميا *** اصبح والا ترانى باجهز الفاس


هلا باللى ربعه بالفزعات شاتوه *** ما ينفع فيه طب ولا حميا

يا الربع ابلشنى هالصبى نعنبوه****عزالله انه قريبن للحبابين


ردها على ان استطعت

[ابو سهم]

مجنون والمجنون رايه عميـــــا ........ يا ليت ما رديت يـــالهيس بيــــا
ترى العرب تسقي ولو كاس ميا ........ وانا مثل سالم والا انت جساس

يا بجح موصاحي يا ناس راعوه ((())) هذا غبي بالحيل يا ليت ترموه
وفي خارج المنتدى كبوه كبــــوه ((())) كبوه لا يبهيك بعض البزارين


يا ويلك مني يا فارس المخيل والله لا اوريك نجوم الظهر بعز المربعانيه:D:D:D:D

انتا قيت والا الهوى قابك يا مقنون

[موصاحي]

مجنون والمجنون رايه عميـــــا ........ يا ليت ما رديت يـــالهيس بيــــا
ترى العرب تسقي ولو كاس ميا ........ وانا مثل سالم والا انت جساس

يا بجح موصاحي يا ناس راعوه ((())) هذا غبي بالحيل يا ليت ترموه
وفي خارج المنتدى كبوه كبــــوه ((())) كبوه لا يبهيك بعض البزارين


.................................................. ..........
مجنون بالحيل والحيول والحليا .... وقبيلى يقول يا ليتنى مو هنيا

اصبح عليه بالسيف بيديا .....وبرجلى اصيبه وان ما صاب لا باس


علام اللى من الاسر فكوه .... يبابى ويقول الباب افتحوه

ما يدرى ان كليب ذبحوه .... لا والله اللى ابتلشنا بالوراعين



:D

[ابو سهم]

مثلك ترى واجب على القوم كيا ........ مكوى على راسك وثاني يتهيا
لو كان ما وافق ولو كان عيـــا ........ نضرب صليب بين علباه والراس

هذا ولد خربان ياهوه شوفــوه ((())) شوفوا رويسه تقل جالون صــبوه
جالون مليان(ن) وكبوه حطوه ((())) ما حصلوا ياكود حبل( ن) وسكين (1)
______
المفردات
(1) ما فيه مخ


يالله رد يا الهيس انا ما ني فاكك ابدا:D:D:D:D:D

[موصاحي]

مثلك ترى واجب على القوم كيا ........ مكوى على راسك وثاني يتهيا
لو كان ما وافق ولو كان عيـــا ........ نضرب صليب بين علباه والراس

هذا ولد خربان ياهوه شوفــوه ((())) شوفوا رويسه تقل جالون صــبوه
جالون مليان(ن) وكبوه حطوه ((())) ما حصلوا ياكود حبل( ن) وسكين (1)

:D

هات اربعين من القوم وزود شويا ... والا انت يجيبك صبى وصبيا

يبا سعود وراعيها وجت فيا *** اشهد ان القراده معشعشه بالساس



يا سالم الزير واللى اتبعوه **** اشهدوا علمن يجيكم وافهموه

لا تتبعون الدشير وامسكوه **** هاتوه بكره وان حصل هالحين


:D رد

[ابو سهم]

يا بعدي انت لو انك ساكت و مخلي الطقه في روسهم كان احس




لكن كانك تبيهم قل تم وانا برد عليك هالحين وعلمني انت:D:D

[موصاحي]

ههههههههههههههههههههههههههههههههههه


والله بكيفك :D


سعود وراعيها حاطين رؤسهم هالحين وشبعانين نوووووووووم :D