منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
هذه القصيدة مهداه إلى الشيخ محمد بن نايف بن وليـد بن شويــه
كُتب : [ 24 - 10 - 2006 ]
بسم الله الرحمن الرحيم
إخوااااااني الكرااااااام
السلام عليكم ورحمة الله وبركاته
وكل عام وأنتم بخير
هذه القصيدة مهداه إلى الشيخ / محمد بن نايف بن وليـد بن شويــه بمناسبة أنـه قــدم فحل إبلــه الوضح والذي يبلغ ثمنـه أكثـر من خمسمائـة ألـف ريـال هديـه لفالح بن مطلق القصير القريشي السبيعي وهذه القصيـدة لا توفي هذا الرجـل الكريم حقـه من الثنـاء والمـدح ولكـنها نقطة في بحـر من قصائـد المـدح التي قيلت فيـه لما يتمتع به من صفات حميدة وكـرم زايــد وطيب وتواضع أرجو أن تجد لديكم القبول وتنال على رضاكم واستحسانكم
اثر الزمن ما يغبي كل رجال = وأهل المواقف تبينها جمايلها
=
والطيب له في قلوب سبيع منزال = يبدأ ويقبل وينزل في منازلها
تاريخهم من قديم الوقت ما مال = ينومس الرجل فعل أدنى قبايلها
هيض علينا فعل ماضين الأفعال = إخوان وعلة تميزها فعايلها
من دونها ما يحيل الوقت لو طال = دايم تجدد ولا تنسى فضايلها
لو غير الله من حال{ن} اليا حال = مثل السحابة تخيل من مخايلها
وصدورهم لأجزل الجودات منهال = يا حلوها يوم تطلع من مناهلها
من واحد{ن} ما يحسب روس الأموال = يقدم على النافلة عمداً ويبذلها
عرق الندى فيه من عمٍ ومن خال = تدري به الناس عاقلها وجاهلها
بالفعل يسطي على قوله اليا قال = يعطي العطايا ولا ينظر مقابلها
يا محمد أنت الجبل وربوعك جبال = سليل الأمجاد وأصلك من سلايلها
ووليـد جدك يروع كل خيال = لا طاعت القوم مخطيها وعايلها
وإنا سند من قديم الوقت وظلال = من ينكر الخيل والعزوة وقايلها
أنا قريشي ولي ما شرب فنجال = في ماضي الوقت عدلاها ومايلها
سلام ينصى شيوخ سبيع الأبطال = شيوخنا اللي تشجعنا صمايلها
غير متصل
