السلام عليكم ورحمة الله
ابحط هالبويتات من كم يوم بس اشتراكي في المنتدى ماتفعل
يابوفارس يابعدي يوم خسخست العلوج
يابوفارس يابعدي حي والله ذا الحجاج
مادرا إنا ناخذ الحق جعل امه خلوج
ونشرب من الماء زلاله وهو يشرب هماج
وانت سبع من سباع تبوج الدرب بوج
ماتضيق بك الوسيعه ولاريع الفجاج
والمسامه من ركبها نسى ركب الحدوج
ومن يدوج بالفيافي يقولوا عنه داج
يابعدي ياصلب جدي رقيت اعلا البروج
والله انك ترفع الراس لاكثر اللجاج
والشجاعه طبعنا من زمن شد السروج
لاركبنا الخيل وانقاد دخان العجاج
وسلامتكم
وسامحونا على القصور والأخطاء المطبعيه