ارجوااااا الدخول

[راكان الشنيفي]

بسم الله الرحمن الرحيم


السلام عليكم ورحمة الله وبركاته




السلام عليكم ....

في موضوعي هذا أريد تعريفكم بشاعر رائع قد لا يعرفه الكثير منكم وهو شاعر كويتي شاب استطاع الوصول بسرعه فائقه الى قلوب متذوقي الشعر من خلال قصائده الجميله التي تداعب الاسماع وهو الشاعر (شافي السبيعي) من الكويت....



اولا سأبدأ بقصيده شدا بها الفنان عبدالعزيز الضويحي بالكاسيت الحالي وهي شسولف لك؟؟

شسولف لك عن أخباري وش الدنيا عقب فرقاك ؟؟
حشا والله ما تسوى لا الدنيا ولا أخباري.
حبيبي كم تصبرني على الفرقا صدى ذكراك
وانا لا من ذكرت الحب يرد الحب لك طاري
احبك ايه وحياتك ولا يطري علي انساك
انا وشلون بانسى اللي رسمته درب مشواري
وما دام الايد تتمنى تصافح بالوفا يمناك
عليك الله خل ايدك تطفي بالحــــــــــشا نـــاري
حبيبي لك وعد مني بأجدد بالغلا لقياك
واحطم صمت هالغربه واسولف لك عن اخباري


وكتب:
حسافه كيف تجهل صدق قلبن كم فتح لك باب
غريبه كيف مايفهم شعورك رقة اسلوبي
رسمتك فرحة الدنيا وكتبتك اصدق الاحباب
عطيتك فوق حقك والعطا كان اول عيوبي
تقول انك جهلت احساس قلبن في غرامك ذاب
وحالي من هيامي في غرامك أثقله ثوبي
وقبل ذاك التفاهم والغلا والحب والاعجاب
وقبل ما كنت انا مبدأ قدرك وانت مكتوبي
وقبل ما كنت تحسب لي قبل ما اجيك الف حساب
اشوفك قمت تحسب لي وتعد اخطاي وذنوبي
وقدرت اللحين يا شاطر على الفرقا بدون اسباب
قدرت تقول بأن الشك والنسيان عذروبي
واشوفك قمت تلبسني من خيوط الخطايا ثياب
وبايادي شكك تفتش عن الغلطات في جيوبي
ترى واضح تناقضنا حبيبي ايش جاب لجاب
اراقب لحظة اشراقك وتنطر لحظة غروبي
حبيبي دام قلبك بالخيانه والغدر ما تاب
محال اقنع انا فيك المشاعر(بارجعي توبي)
انا يكفيني ما شفته وجاني من ألم وعتاب
ويكفي غلطتي وياك رضيتك يوم محبوبي
مصير الوقت يكشف لك حقايق حبك الكذاب
ومصير اقدامك بتمشي خطاوي تتجه صوبي
وحشا والله لو تندم وترجع تشرح الاسباب
حشا والله ما افكر احقق فيك مطلوبي
حبيبي شمسنا غابت وآسف لو قمرنا غاب
عسى الله يسمح دروبك وعساه يسمح دروبي

وكتب:
وعقبال العمر كله واشوفك كل عام بخير
واشوف الشوق لك يشعل شموع الحب من ذاتي
مساء الخير بعيونك ولعيونك مساء الخير
يا أصعب حب بالدنيا تكون في مداراتي
نعم والله واتمنى اصور فرحتي تصوير
لاخلي كل ذره بداخلي تهدي تحياتي
الا ليت الغلا يقدر يهز الشوق والتفسير
لعله بس لو يقدر يوصف لك طموحاتي
اعبر..لا..ماودي اخاف يخونني التعبير
واخاف ان شفت انا عيونك يطول الصمت واسكاتي
نعم يا شمعة الدنيا نعم يا النور والتنوير
نعم يا اقرب من عيوني على دربك مسافاتي
انا جيتك وانا كلي مشاعر تحمل التقدير
باقدم لك غلا يحمل معاني طيب نياتي
حبيبي لك انا بامشي وبارحل في سماك الطير
ابي توصل الى اخر مدى بالحب خطواتي
حبيبي لا يصيبك شك حشى ما يلحقك تقصير
انا لو حتى تجرحني اعيش اسعد معاناتي
وانا روحي معاك لوين مادربك يسير.. تسير
معاك بقلبي يا قلبي معاك بذاتي يا ذاتي
انا لما عرفت الحب عرفته يوم كنت صغير
وعرفتك صرت انا اكبر من الدنيا وهقواتي
واحبك ليش ما احبك وانا يكفي احب الغير
الى منه نطق باسمك مثل ما تنطق اشفاتي
وكتبتك بالشعر حتى بدت مني الحروف اتغير
كتبتك لين شفت الناس تردد فيك ابياتي
وحبيبي لا يجي ببالك انا وفيت ومهما يصير
ترى كل الكلام اللي قريته بعض كلماتي

وكتب ايضا قصيدة تحبينه:

تحبينه..؟على بالك مثل هذا يحطمني
على الله بس اهو يحبك مثل ما انتي تحبينه
توقعتي بيجي هذا الخبر منك ويصدمني
بعيده حيل عن عينك مثل قلبي توطينه
انا لي قلب لامنه عرف مثلك يعلمني
اكون اكبر من اسلوب الغرام اللي تعرفينه
وليش آخذ على الخاطر لخاطر كان يوهمني
صغيره صرتي بعيني وكبيره حيل في عينه
وانا لو كنت بتضايق واذا به شي يألمني
يخليني اهين الحب واذله والعن سنينه
الى مني ذكرتك في بداياتك واى مني
ذكرت شلون كنتي جاهله بالحب مسكينه
نسيتي يوم قلتي لي عليك الله علمني
باحب شلون؟فهمني؟حكاياته وعناوينه
وعلمتك معاني الحب وقلبك صار يفهمني
ومعقوله عشان الغير قدرتي بلحظه تنسينه
ورغم هذا بعد كله تجين بقلب ظالمني
وصحيح ان الجمل لا طاح تتكاثر سكاكينه
واذا همك تبين اللي تغير فيني ومني؟؟
انا بدلت حبك في حبيبة من تحبينه..!!


وكتب قصيدة دايم طقتي عوجا..!

انا مالي معك ذكرى ولكن داخلي كابوس
يصحي الليل بعيونن بكت في يوم من شانك
وكثر ما هو البخت مايل لعنت بحظي المنحوس
على انه فيك اوهمني وتوهمني بعنوانك
ولكن هالزمن عبره وحكمه هالسنين دروس
وش اللي يمنع اني ما اتعلم كذبة احزانك
مادام ان الوفا طبعي ومحله داخلي مغروس
عسى تكسرني الفرقا.. ولا صدك وحرمانك
عيوبك للأسف تفضح بقايا همك المحبوس
وضميرك انعدم حتى جذورك تقتل اغصانك
اناني حتى مع نفسك وهمك داخلك ملبوس
عليك الله علمني وش اللي فيك ما خانك؟
الا ليت الكرامه والمحبه صمتها محسوس
لاوضح لك عدالتها لجل يختل ميزانك
وعلى فكره ترى قبلك يا ما انحنت لي روس
واخذ مني الدليل اللي يحطم ذل نسيانك
اذا كان الحكي يثبت ويكرم عزتن بنفوس
فانا لي عزتن تسوى ابوك وجد جدانك



وكتب صعب تنساني:

كثير عيون مرتني ولا غيرك ملا هالعين
ولا اذكر احد قبلك قدرلي وهز وجداني
وانا ولخاطرك يكفي ولا ادري بحالتي لوين
تعال وشوف بعيونك غلاك لوين وداني
تعال بقلب لا يمكن لغيرك يفتهم له زين
تعال وادري انك في غيابك صعب تنساني
تعال وشوف وش سوت صراحة قلبي المسكين
وانا مشكلتي ان اللي على قلبي على لساني
انا من غابت عيونك وانا اصفق على الكفين
واتوه بخطوتي ضايع ولا ادري وين عنواني
حبيبي شفت هالدنيا حلاها لا اجتـــــمع قلبين
تعال بشوق هالدنيا وخلــــــصني من احزاني
وبحبك جرح لا والله بــــــحبك داخلي جرحين
وانا لو البا بحبك عسى الله فيــــــــــك يبلاني
وانا والله لو انه انكتــــــب لي عمري بيومين
لأحبك يومي الاول واحبــــــــــك يومي الثاني
حبيبي لو يضيع العمر ابصبر في هواك سنين
ومصيرك يوم بتشوفه غلاك ان الله احــــياني


وشكرا....ان شالله تعجبكم