بسم الله الرحمن الرحيم
يالله يا رحمن يا محصي الكواكب والنجوم
= من سمع مبدى كلامي سبح الرب ودعاه
أسألك في المغفره حيث إنك الرب الرحوم
= عبدك المذنب لجالك يطلبك تدمح خطاه
وبعدها يالمستمع بعد لك بعض العلوم
= وأخبرك في واحد (ن) حضه على الغربه حداه
في تبوك وصار من بعض القرابات محروم
= وإن تذكر ديرته يزداد قلبه في عناه
ولا يحل ظروفه إلا واحدن ينشي الغيوم
= البشر ما تنفعه حتى لو ظرفه شكاه
عارف الدنيا مصالح وانتهت بعض السلوم
= أصبح اللي يملك الأموال يسعى في رضاه
فو الله إنه ما يخفف لي كثيرات الهموم
= كود خوة طيبين (ن) تاقف وجهاً وجاه
أخويلي في السريه تعرف بوقت اللزوم
= من يخاويهم نسى الأحزان وهموم الحياه
وأبو ساره قايد (ن) يالله عسا عمره يدوم
= ما خسر من هو يقوده ما خسر من هو نصاه
دين وأخلاق وعلى الشدات رجال (ن) عزوم
= العدل عنده شعاراً واضحاً من مبتداه
والفصيل بقايداً من روس شيخان البقوم
= أرحمان أهل الكرم والجود القوم الدهاه
يشهد التاريخ في طيب الطحاطيح القروم
= طيب لأهل الطيب وإلا المعتدي تلعن ثواه
نعم يا ساس القروم اللي يضدون الزحوم
= الدخيل إليا زبنهم محدن يفتك ذراه
تم قولي يالنشاما وأدعي الله كل يوم
= ينصر أهل الدين ويسلط على القوم الطغاه
هذي قصيدة لشاعر الكبير /مثيب بن فريج الصندلي السبيعي ( أبو راكان )
كاتب القصيده / عبدالله عجلان المكحلي السبيعي
أخي الكريم الشاعر / مثيب الصندلي السلام عليكم ورحمة الله وبركاته وبعد : شكرا جزيلا لك على هذه الرائعة في الخوة وصح لسانك وسلم نبضك وبنانك وإعتلا شانك والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق شكري وامتناني مقرونا بجزيل محبتي واحترامي والله يحفظكم ويرعاكم مع خالص التحية وأطيب الأمنيات واسلم وسلم والسلام .
غير متصل
