ألحق الغلباء ملامه

[السبع 501]

صوت وصدى 2
ــــــــــــــــــــــــــــــــــــــــــــــــــ ــــــــ
ولعـت نارالحشاء والتساهـل مايـفـيد
والمراسيل انتهت وانكشف مضمونها

ياحسايـف مـهـرةٍ مالهـا عنـدي نديـد
ضيعـوها من يديـني وحالـوا دونـهـا

عزوتي يابوحمد مايبي الشاعر قصيد
عـلتـي ودواي مدري متـى تـلـقـونها

انتهى المفهوم الاول وجاء شي جديد
والمقـاديـر ارغمـتـنا علـى قـانـونـها

الصـراحـة مايفـل الحديـد إلا الحـديـد
وآردٍ حـوض المـنايـا وانا مجـنونهـا

وألحق الغلباء الملآمه وطارفهم سديد
لوتروح الروح فدوة من أجل عيونها
ــــــــ الصوت ــــــــ السبع501ـــــــ

ياهلا والـف ٍهلا بس تـكـفى لاتـزيـد
ماهقيت جروح قلبي تطيب طعـونها

قـلت لـك باليـوم الاول ولاودي نعـيد
الاصائـل عرفـها عـند مـن يغـلونهـا

عارفٍ بالعمر فرصه تسمى يوم عيـد
وأعـرف ان الله قسمها تجيك بهونها

قلتهـا بشرى وانا قلتها ساره رصيد
مـدري ان أهل النوايا لـنا يخفـونهـا

خلهـا من بـينـنا لا قـريـب ولا بعـيـد
مانـبي عـض النواجـد بحـد سنونها

ولاتصعبها تراني على اليمنى عضيد
وصفها عـندي عرفته وعارف لونها

محزم ٍ وقت اللقاء يثلم الجمع العنيد
لاهـوى في راس الأفعى يشل متونها

ــــــــــ الصدى ـــــــــــــ منقول ــــــــــ

[مسلط 22]

صح لسان الشاعر وبيض الله وجهك ولكن ماعلى الغلباء ملامه ان كان اللي ضيعوها من يدي الشاعر حجاجيرها بني عمها والسلام

[وافي السبـيعي]

الله الله

عليك يا السبع 501





ياحسايـف مـهـرةٍ مالهـا عنـدي نديـد
ضيعـوها من يديـني وحالـوا دونـهـا





رائعه


الصـراحـة مايفـل الحديـد إلا الحـديـد
وآردٍ حـوض المـنايـا وانا مجـنونهـا


ونعم بالغلباء


وألحق الغلباء الملآمه وطارفهم سديد
لوتروح الروح فدوة من أجل عيونها





مشكور رائعه


تحياتي لك وتسلم

[سلطان البرازي]

وألحق الغلباء الملآمه وطارفهم سديد
لوتروح الروح فدوة من أجل عيونها

ونعم باالغلباء وصح لسانك ياالسبع 501

[السبع 501]

الاخ مسلط 22 اولاً مشكور ع المرور ولاهنت

يالقرم ثانياً الشاعر قصد بالبيت المشار إليه

انه عند مايارد حوض المنايا من اجلها لوحده

هنا يلحق الغلباء ملامه بالثار وماشابه قول شاعر

وعالعموم الله يعطيك العافيه ولك تحياتي

[السبع 501]

الاخ وافي السبيعي والاخ سلطان البرازي

مشكورين على مروركم والرد المشرف تقبلوا

تحياتي والله يعطيك العافيه وعساكم ذخر