من قصائد الشاعر / عايش بن هاضل أبو ليل الغزلية اخترت لكم هذه القصيدة
:
ياصاحبي قلبي من الحب مجروح
وأنا الأسير اللي بحبك ملكته
لي مشكل(ن) عندك له سنين مطروح
الظاهر إنك في غيابي تركته
كانك علي أخطيت منته بمسموح
تحطي عليه بعد قلبي شركته
عالج صواب القلب يامتلف الروح
قلب عن قلوب الأوادم فلكته
قدام أعرفك خاطري كان مشروح
واليوم قلبي ضايق(ن)من حركته
كم واحدقبلي من الحب مذبوح
صابه من الضيقات والهم سكته
غربل وجاله من هوى البيض ساموح
لين اعترض لصدوف وقت فركته
راح الزمان اللي سعادات وفروح
وضده طلع وقت قليله بركته
يحول دون الرزق حاسد ومفضوح
وليا اعترض عرض المقفي حنكته
ناس تحسب الحب ضحكات ومزوح
يعطون من عرض غليهم وشكته
صاروا لنا من دون خلي كما الصوح
اللي تعجز الرجل تعطي دمكته
منه الضماير يابو صندل لها فوح
والحظ مقفي والليالي ضنكته
أنت الحكيم اللي مجرب وممدوح
قدمي طريق أهل المحبة سلكته
اختلافُ وُجهاتِ النظرِ يُفترض ألا يُفسدَ للود قضيةً
غير متصل
