منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
السلام عليكم ورحمة الله وبركاته
اعظاء منتدى سبيع الغلباء الكرام
واحب ان اقدم لكم هذه القصيدة بعد الفترة اللي غبت عن المنتدى
وهذه القصيدة في شخص خدم وطنه ولايزال وخدم قبيلة بشكل خاص
وبيض الله وجهه ووجيه الجميع
سلام للي تكسب الطيب يمناه=سلام تسليمة معزه وتقدير
بديت قاف وزان للقاف مبداه=خصٍ ليا سلمت به للمشاهير
وأنا أشهد ان البيت بيزين مبناه=لامن قصدنا في زبون المخاسير
عبدالله ابن حسين والمدح ينصاه=سعدٍ لربعه باليالي المعاسير
اللي ليامنا نصيناه نلقاه=ومنصً لكم يا هل الوجيه المسافير
وانا شهد انه يمدح دوم شرواه=شهادةٍ منا ويشهد له الغير
المجد قمه والمناعير ترقاه=وعبدالله ابن حسين عدى من عصير
شيخٍ زها بالطيب والطيب يزهاه=رجلٍ على الامجاد ثابت كما النير
من لابةٍ تشفيك يوم الملاقاه=زحول الرجال اللي تفج الطوابير
ألاد علي أهل الفعول المسماه=عز القصير ومحتمين المظاهير
يوم انها بالسيف ورمحٍ وشلفاه=سجل لهم تاريخ مافيه تزوير
يالحر يابن الحر فزعتك بالجاه=اخير من صرف الذهب والدنانير
جيتك بعد عودٍ شكى جور دنياه=ولو أنتعذر ما تفيد المعاذير
يالله ياللي تقسم الرزق يالله=تستر على اللي فزعته للمناعير
والختم تسلم وستلم ما كتبناه=نرجوا السموحه كان بالقاف تقصير
وصلاة ربي عد نوون نثر ماه=على نبيٍ بشر الناس بالخير
أخي الكريم الشاعر / جفين الطويرش بعد السلام صح لسانك وسلم نبضك وبنانك وإعتلا شانك وعبدالله بن حسين يستاهل والله يحفظكم ويرعاكم مع خالص التحية وأطيب الأمنيات واسلم وسلم والسلام .
غير متصل
