يقول :
احـسن الله عـزاكـم ياقبـيـلـة سبـيـع = في سليل الفخر والمجد زين الطبـوع
واحـسن الله عزا كل القـبايل جـمـيـع = يـوم قالوا توفـى الـشيــخ يوم الربـوع
الـخـبر و الله انه فــوق مانـستـطـيـع = والفـقيـدة تـلـوع الـقـلـب فـرقـاة لــوع
راح شيــخ على الدنـيا مـقامـه رفـيـع = مات نسل الشوخ اللى تـقـود الـجمـوع
شيخ قوم على الـشدة بطانـة وسيع =ذاك ضـيـدان ريـف الاجـنـبي والـربـوع
ولـو تفـيـد القـصـايد فـيه قمـنا نـذيــع = ولــو يـفـيـد الكـلام ولـو تـفـيـد الـدمـوع
كان شفت المدامـع سيـلت كـل ريــع = مـيـر مـن راح مـن دنـيـاه مـالـه رجـوع
امـر ربـي وحـنـا لامــر ربـي نـطـيــع = وكـل مـؤمـن بـمـا يقسـم له الله قـنوع
ومايـسوى بن آدم من عمل مايضيـع = ولا لنا كـود ندعـي فـي سجـود وركـوع
ياإله عـلـى خـلـقـه بـصـنـعـه بــديـع = يوم بعـض القـبور تضيـق فـيها الضلوع
يالله اغـفر ذنوبه يالـبصـيـر السمـيـع = وارحمـه مـن عـنـا قـبـر عـذابـه يـروع
وثـبته في نهـار به يـشـيب الرضـيـع = يوم الابصار تشخص و الخلايق فجوع
بـجـاه مـنهو للامـه عـند ربه شـفيـع = ارحـم الـلى رحـل عــنا نهـار الـربــوع
الشاعر / نواف بن حبلوص بن عميره العتيبي
( القصيدة تلقيناها بالبريد من الشاعر )
غير متصل
