قصة الغزيلي الثوري مع ابن حثلين العجمان / دعوة للمشاركة

[كظيم]

8
8
8
طيب ياطويل العمر ليش كذب وافتراء هالحكي

عندك دليل او حجه ترد فيها على الرياجيل اللي جابو بيتين من القصيده

تحياتي للجميع

[عاشق النفود]

اخواني السلام عليكم القصه حقيقه وانا اعرف عيال ابن علوش الي عليه السالفه وكلمتهم بالموضوع وسوف يحضرون القصيده لي واقوم بنشرهااااا كامله في الموقع انشاء الله في القريب العاجل

[مسلط 22]

بسم الله الرحمن الرحيم
الاخوة المتحاورين حزام بن حثلين ما كذب يوم اجاب شيخ المنتفق لانه قد سجل ذلك شعرا في حربهم مع بني عمر اذ ان رجل من العجمان هزبه بقوله وراك تزل عن مواجه عجرش ابو اثنين فقال على السليقه
يالايمي جعلك لشلفى عجرش ويطاردونك من سبيع الجمالين
الى تعلوا فوق مثل المخرش مايرجعون الا برجح الموازين
وانتم سالمين والسلام

[عبدالله الحضبي]

قصة الغزيلي مع العجمان

دغش بن سعيد بن راشد الغزيلي الثوري وقصته المذكوره
مع الشيخ حزام بن حثلين عم راكان
يقول عندما اخذت ابله :

الوسم ياغثيان بكر شمامي= ياويش نرعى به ليال المخابير
ياسابقي قودك عليه ملامي= ياما حضرتي عند ذودن مغاتير
اما يرد الذود عجلن ولامي=ولا توطيني بصم الحوافير

و قالوا:

لازارنا المجرم تقازا ركابه= ينزل من الوطا في روس الاقذالي
نخطي وراعي الحق ماقال جابه=ونخطي ولا نقبل خطا كل عيالي

ومن قصيدته التي يذكر فيها ربعه بني عامر وشيخهم
ودورهم في حل قضيته السابقه :

ياحزام صل ودوك بالرجل طبلين= عقب الكرامه عفر الوجه بغبار
ذكرت ربعي يوم شفت الخطا الشين= ربعي بني عامر بعيدين الاذكار
عوامر يردون ورد المحيمين= عوامر دايم على الحرب صبار
يافاطري حقك على الراس والعين= وحقي عليك ليا تردن الاسعار
اروح واجيك من غير تدرين= وآجي على قافلن كنه من الطار
حلفت مااجلس في المجلس نهارين= ولا اقطع الارياء لعمسين الابصار

[عواكيس]

مشكور وما قصرت والله لا يهينك

[فهد علي السبيعي]

بيض وجهك يالنمر وجهك يا البارع


واناابعطيكم قصه عن فارس سبيع الي مات غدر


يقول احد الشيبان انه كان فيه فارس شهم يقاله عبدالله ... المهم هذا الفارس كان يغزي له ناس ويذبح الي يحاول يرده (المهم ومالكم بالطويله يالربع) هذا الفارس بغا يعتمر وهو غادي في دربه تعب وبغا يرتاح ويجونه رياجيل القبيله الي غزاها جاه منهم 17 رجال جوه 5 وبعدهم 10 المهم ذبح ال5 وذح 9 من ال10 وهو يتبارز مع الاخير ويجونه 2من وراه وغدرو به ومات طبعا الفارس عبدااله كان معه 8رياجيل وبفضل الله ثم فضلهم مات و الغدارين وعودو الرياجيل ال8 للديره والخبر وصل للشيخ المهم ولد عبدالله يقال له عامر يوم وصل عمره 17 رجع امجاد ابوه وقال فيه شيخ القبيله هالبيت

السحم الدحم الواد الواد طالع لبوه



دعابه دعابه

[سفير المجامعه]

سالفه الغزيلي معروفه ومن مبطي وان نسمعها

[ابن عبيدالغزيلي]

السلام عليكم جميعا ------ياربع هذي القصه على جد ابوي والقصه صحيحه وبيض الله وجهك يالبارع
على الموضوع الطيب الي انا افتخر فيه وبيض الله وجهك --يالنمر--على القصه وبيض الله وجهك ---تين --- على القصيده الصحيحه والي يبي يعرف القصه الي عليه السالفه يرفع فوق عند الردود موجوده عند --النمر الله لايهينك وبنسبه يالاستاذ ---مسواط العجاج--بنسبه الشيخ زيد المليحي نشد محمد ابن فهد الغزيلي لانه كانت عنده السالفه بتفصيل وذلك بحضور والدي رحمة الله عليه -----
والي يبي يستفسر عن الموضوع يعطيني خبر تقابلو تحياتي