فقيد الشعر / عبدالعزيز البراهيم السليم

[الهداد]

بسم الله الرحمن الرحيم

الاخوة أعضاء ومشرفي ومتصفحي منتديات سبيع بن عامر الغلباء

السلام عليكم ورحمة الله وبركاته وبعد ،،،

حياكم الله


من هو عبدالعزيز البراهيم السليم...؟

نقلا عن أحد الكتاب المبدعين:

" هو الشاعر عبدالعزيز بن ابراهيم بن عبدالعزيز السليم (رحمه الله) - من ال سليم امراء عنيزة -

ولِد في مدينة عنيزة ، وقد تضاربت الروايات حول تاريخ ولادته إلا أن المقربين

منه يعتقدون أنها كانت عام 1325 هـ . نشأ وترعرع رحمه الله في مسقط رأسه ..

إلا أن ضيق الحال كما هي حال الغالبية آنذاك أجبره على السفر إلى المنطقة الغربية

ليعمل في خفر السواحل لفترة زمنية ليست بالطويلة بحثاً عن الرزق ..

ثم عاد الى مسقط رأسه .

وسوء أحواله المادّية زامنها فجيعة بالغة الأسى في نفسه وهي وفاة زوجته

التي له منها بنتان وولد واحد .

وهذه الظروف التي عاشها شاعرنا أوجدت له معاناة بحجم شاعريته ومقتنيات تصويره ."

ويقول كاتب آخر عنه:

" رحمه الله شخصية مرحة جدا , وكان شديد العارضة , سريع البديهة

له تعليقات لاذعة , وانتقادات صارمة , وكان إضافة إلى ذلك شخصية

لها طابع مميز خاص , محبوبا من أصدقائه وزملائه وجلسائه ..

وله بالسامري (1) ولع شديد , وقال لي صلاح البسام إنه كان حريصا على

إجادة الأداء , ولم يكن يسمح بمشاركة المبتدئين وعدم المتقنين للطق والرقص

في السامري , لأنه لا يطيق ارتكاب الأخطاء .. وقال لي أيضا إنه كان

مشهورا برقصة خاصة به لا يجيدها أحد سواه .. فقد كان عندما يميل رأسه

إلى الأرض أثناء رقصة السامري , يرفعه بحركة قوية وسرعة مفاجئة خاطفة ,

لتنطلق على إثرها طاقيته إلى الأعلى , ثم يعدل رأسه فتسقط في مكانها !

وهذه مهارة عجز عن أدائها كل من شاهدها ..

أما شعره فإنه يرفعه إلى طبقة الفحول , ومصاف من المقدمين من شعراء نجد

فهو شاعر له إبداعات في مجال الوصف والغزل .. وغزله فيه عذوبة وجزالة

ولا تعارض بينهما في شعره .. وله سامريات تذيب المشاعر قراءة واستماعا

له ديوان يتداوله الناس بالتصوير , وقد نسخه بخطه الجميل صديقنا

الأستاذ الدكتورأحمد المحمد الدبيان رد الله غربته .. والدكتور أحمد خطاط

نسخه على ما أظن في النصف الثاني من ثمانينيات القرن الميلادي المنصرم

أي قبل ما يقارب عشرين عاما .."

رحمه الله رحمة واسعة واسكنه فسيح جناته

ويتبع

(1) الحوطي في عنيزة هو السامري المعروف في بقية مناطق نجد .. وسُمّي في عنيزة (حوطي)
تمييزا له عن السامري , وسامري عنيزة فن خاص بعنيزة , وإذا غنّي أو ذُكر
قيل له (سامري عنيزة) ولا يجيده ولا يؤديه ـ حسب علمي ـ إلا أهل عنيزة ..
ولذلك فإن الحوطي والسامري في عنيزة كلاهما سامري ..
ولكل منهما ألحانه الخاصة به , ويتميز سامري عنيزة برقصته الطربية الآسرة ..

[خيَّال الغلباء]

أخي الكريم الفاضل / الهداد السلام عليكم ورحمة الله وبركاته وبعد : شكرا جزيلا لك على هذه الترجمة المقتضبة للشاعر الكبير / عبدالعزيز بن إبراهيم السليم رحمه الله وأسكنه فسيح جناته وجزاك الله خيراً ولا هنت وهل هو القائل :-

وأعذرت من دورة الغادي حسين الدل = واللي غدى بالدواء حبه تصدى لي
والحب لا حل في حال حمى واحتل = والله بحلمه يحيل الحب عن حالي
مشكاي للي كفل كون الملا والكل = الكامل اللي بحكمه كل الأشكالي
يرحم عيون تهشم دمعها واهمل = وأدمى مضيق المحاجر دمع الاهمالي
من خلي اللي تخلف بالخلا والخل = في خبة خالي خله من الخالي
والليل طبق طواريق الوطا وأطول =والطيف يطرق مع الطاروق طوالي

هذا والله يحفظكم ويرعاكم مع خالص التحية وأطيب الأمنيات واسلم وسلم والسلام .

[الهداد]

أخي الكريم خيال الغلباء... حياك الله وفي الحقيقة ليس لي علم بقائل القصيدة وقد هو يكون شاعرنا لأن له قصائد كثيرة لم تكتب ولم تنشر ، ومشكور على الاضافة والمرور الكريم بالموضوع وتقبل تحياتي

[الهداد]

نبدا بهذه القصيدة

يا مرحبا في ضيوف الخير والف هلا = وتحية كل من رام الهوى مـا قـواه
من روح روحي هلا والفين يا مسهلا = ما هلّ برقٍ سرى بالليل يوضي سناه
ينثر على وادي الهملان ليـن انتـلا = من جاريٍ طافح مثل العمايـم غثـاه
بوصالكم طارت الغبره وهمـي جـلا = اقفى وانا ارجي كريم الوجه يقلع مداه
يالله يـا كافـل المخلـوق رب عـلا = يا سامك السبع لا يطبق علينا سمـاه
بهداك ورضاك ترحمنـا بدفـع البـلا = من مدّّ حبل الرجا لا خيب الله رجـاه
ماناب اغبط الهبيل اللي بوقتـه سـلا = يتبع هوى النفس والشيطان يتبع هواه
دنيا زحف مرها لين اختلـط بالحـلا = ما سرّ به ضرّ والدنيا علـى منهـاه

ثم نذكر بعدها أشهر قصائد الشاعر ومن أشعاره المميزة

ياعنق ريم فريد وحـوش = توّه بسنّ الجهـل ناشـي
أقبل يدوش الضماير دوش = كنه يوطّي علـى جاشـي
وعيون نجل يهوشٍ هوش = دَهْشٍ وهو بالسِّكِر ماشي
يقود خيل الهوى وجيـوش = مهيب الاقـدار تنهاشـي
يازين لك ضامري مفروش = وارخص لك الروح ببلاشي
ياريحة العنبر المرشـوش = ياحصّـةٍ بيـد قمّـاشـي
ياليت حظي ينوشه نـوش = مثل المسجل على الماشي
عليه قلبي يديـره بـوش = حلِّه من العقل وانحاشـي

وهذه القصيدة يسنّدها على المرحوم (عبدالله العلي السناني)

جَرّيـت عشريـنٍ تتـالا وصبّيـت = صوتٍ يحطْم القلب من عبـرةٍ لـي
حَطْم الهشيم اللي على منبته ميـت = لاهزّتـه ريـح الهبايـب يهـلّـي
حَرقٍ تشيله هوج الاريـاح ويهيـت = من كثر ماشـاف الهوايـل وملّـي
غـدا مـزارٍ للهوا مِشِّتِـه بـيـت = يخجّهـا عـرضٍ ويظهـر معلّـي
ومخرّقِه مع كـل وجـهٍ مصاليـت = مايسْتَعَمْـل البـاب غِلَّـق وخِلّـي
ياتـلّ قلبـي تـلّ عَـزرِ بتمتيـت = تلّ الغصون اللـي ورقهـا مضلّـي
من يد غشيمٍ جاه في حيل عفريـت = والـى طشيـرِه بالخضيـرا معلّـي
غديت مقضـاة الهـوى وسْتذلّيـت = لاهوب عاذرني ولا سامحـن لـي
غصب علـي انقـاد لـه ماتبرّيـت = كله على شـان الحبيـب المسلّـي
اللـي ينبّـت حبّـه القلـب تنبيـت = باقصى الضماير رقعتن صابغٍ لـي
سيد البنات اللي يشيّع لـه الصّيـت = ايضا وانا من ضمنهـن سيـدٍ لـي
ياقصر وين اللي بك العـام مرّيـت = وين الحبيب اللي هروجه شفاً لـي
وانا على خبرك من العـام ماجيـت = لاعـاد يـومٍ ذكّـرن عشقـةٍ لـي
ياقصر من قـلّ التوافيـق خِلّيـت = مِخلٍن جوانبك الونَس عقـب خلّـي
وش فايده من عنوتي يـوم ردّيـت = أروح فـي عـزّي واعـوّد بذلّـي
مسموح ياحظّ النـدم لـو تزرّيـت = سقتن على نار الهوى حابـلٍ لـي
تحدّنـي لمـا وقـعـت وتبـرّيـت = وانا أحسب إنك ناصحَن صافطٍ لـي
ليت الحبيب يشوف حالـي وياليـت = إنـه يـزورن ساعـةٍ مِصْخرٍلـي
حيثي اطْبِع قلبي على الحبّ وبْليـت = وَتْلفت روحي والمصايب قضًا لـي
ماظن تبرى سطوتي لـو تداويـت = واللي يعرف يعالجن ماحِصـل لـي
واشن جرالي عقب ماشفت وشْفيت = مَرْض الحزين اللي ثمانـه دوًا لـي
لو ينعشـن رابـع شفايـاه قرّيـت = هو مانقص عمره وانا جايـزٍ لـي
يابو محمـد طـار عقلـي وفرّيـت = أشكي عليك الحـال يامسنـدٍ لـي
يابن السناني شفت وشْرفت ووْحيت = لاتذخر المجهود عـن غايـةٍ لـي
لاشكّ مايكتب علـى العبـد تثبيـت = يالعين هاتي من دموعـك وهلّـي
طعمي ومشروبي على الكبد حلتيـت = مع مرّهـا ومرورهـا مِعقـدٍ لـي
عزّ الله انـي مابِْريـت وتشافيـت = بالنقص يوم ان المصايـب تحلّـي
وصلوا على المعصوم ماطاف بالبيت = واعداد ماحبّ الحجر مـن مصلّـي

اللهم صل على محمد وآله وصحبه وسلم


ويتبع

[خيَّال الغلباء]

الهداد جزاك الله خيراً ولا هنت

[الهداد]

خيال الغلباء حياك الله وشرفت

[الهداد]

نستكمل معكم بقية القصائد...

ذيب ياللي عوا لعـواه ذيـب = جاوبنـه سبـاعٍ مــن وراه
طوحنه لمـا غـاب الرقيـب = يعولن مثـل محـال الوطـاه
والله اني من عواهن مريـب = ما بعد راح عن قلبـي بـلاه
يا طبيب الهوى ليتـك لبيـب = تنعشن شربـةٍ تطفـي لظـاه
كودي أركد من اسبابك واطيب = ما تخلين لـو قلبـك صفـاة
يوم اقول وظنـي مـا يخيـب = كان حق الصداقه مـا نسـاه
وان تناساه فالمخطي مصيـب = حجته من هـواه الـى هـواه
ويش رايك الى عمي النصيب = و اوذم الدلو بيدينـك رشـاه
يا خيال الهوى وين الحبيـب = وين ريـم تعثـر فـي حمـاه
وين عنق الوحش عين الربيب = عقب خبري وخبرك ويش جاه
ما لصوت الهوى حي امجيب = يا حياة النـدم ذيـك الحيـاة
يا طبيب الهوى ضيفك غريب = دار حظـك ولقّـانـا قـفـاه
من يداوي الى عمي الطبيـب = ليـت والليـت مجهـول ادواه
يا منازل هـوى يـم المغيـب = ما بقا غيـر رسمـه والميـاه
والحصى والغضا فوق الشعيب = ليت الايام مـا يبتـل خطـاه
يا وكيل علـى خلقـك رقيـب = تامر الغيث ينزل مـن سمـاه
سبعة ايام والماء لـه صبيـب = ما تعزل ربابـه مـن طهـاه
لين يجي الزبد مثـل الرويـب = مزيد عقب خضه مـن سقـاه
هم ابا اقف على حد الجذيـب = فوق هاك النثايل مـن حصـاه
واتحسب وهو نعـم الحسيـب = آه يــا ونــةٍ ونـيـت آه

وهذه أيضا من جزل شعره كسابقتها

يا حلو براقه ينـوض العشـا = اقبل من المنشا علينا يهـوش
هلت ثعوله فوق وادي الرشـا = ما حدرّ الوادي لحزوا ينـوش
من حد ساره للمهامـل غشـا = يزيّ مداهيل الظبا والوحـوش
لعيون مجمول صخيف الحشـا = يفدى عيونه كل طرف رموش
اهلا وسهلا يا بعد مـن مشـا = العنبر الغالي يجيبه رشـوش
طفل تعرض للهوى من نشـا = ياطا على قلبي برجله يـدوش
يا زين تضحك بي على ما تشا = ما هوب وجهك للمولع بشوش

وإليكم قصيدة أخرى

يا عاذلين المبتلـى عـن نويـه = قلتوا وكثر القول ما فيـه ثابـه
هرج على قدر العقـول الرديـه = ما حسب القايل خطاه وصوابـه
راع الهوى له بالمـوده تحيـه = وانشد عن اللي جربه وش لقا به
ياخذ بعزمه لين ركـب اردعيـه = في ساعة مـا يسترنـه ثيابـه
ينسى هواجيسه وروحه وحيـه = مع صفقة الموج المعلي جرا بـه
يا طول ميدانه ويا عسـر شيـه = احدٍ عرف مجراه واحـدٍ غدابـه
يا محرمين الزين ويش الدعيـه = وين الحديث اللي ورد عن كتابه
قالوا حرام وقلـت والله خطيـه = اللي يعد مـن الحـرام السبابـه
جنيّه يـا عظمهـا مـن جنيـه = حسبي على من هج للظلم بابـه
ناس تغيـر بمذهـب الجاهليـه = والدين مثل الليل مع من عدابـه
ما ضاع من جوّد طريقـة نبيـه = صلوا على خير الملا والصحابـه
يا عاذلين القلب نفسـي أمعيـه = يا مرحبا بالزين واللي مشى بـه
يا مرحبا بالزيـن والـف تحيـه = والف تكمل ما نقص من حسابـه
لك يالطيف الروح متلف خويـه = والزين ما يحظى به اللي شقا به
ياللي تعرف الريم خلـي حليـه = له بالجوازي مـن قديـم قرابـه
يا عود بردي شرع فـي جريـه = ما لمس الخراف ناعـم شبابـه
في ظل بستان حصونـه قويـه = بالماقع اللـي كـل حـي يهابـه
عليـه قلبـي حايمـات اضميـه = ليته نعشني بـارد مـن شرابـه
يطفي لهيب مثل حـر الشويـه = لو حطوا الخبز الفطير استوى به
يالله ياللـي عـالـم بالشكـيـه = عن حال مجروح يضيع الدوا به
يـا عالـم بالبينـه والخفـيـه = يا مطفي حر الهـوى والتهابـه
قالـوا وجيـع وعلتـه داخليـه = قلت آه مابي غير جالي عذابـه
لا صاحب ينفع ولا مـن دنيـه = مالي حذا اللي ما يخيب الرجا به
وصلوا على المختار خير البريه = ما هـل بـراق تنثـر سحابـه

اللهم صلي وسلم وبارك على محمد وعلى اله وصحبه أجمعين


ويتبع ان شاء الله

[خيّال العرفا]

مشكور وما قصرت ولا هنت

[خيَّال الغلباء]

الهداد جزاك الله خيراً ولا هنت

[الهداد]

خيال العرفاء .. حياك الله أخي الكريم وشرفت