لما كنا صغار كانت الدنيا علوم ، لكن لما كنت صغير أي نوع من الأطفال كنت ..
الطفل البريء
في البيت تلاقيه حبوب وطبيعي 100 % ، لكن مع دخوله المدرسة تنمحي شخصيته ، فتكثر الإصابات في وجهه .. لأنه مايدافع عن نفسه .
الطفل العنيد
يطبق نظام البيت بالعكس ، يسوي اللي برأسه ، مايخاف من الماما أو البابا ، لو قلت له هذا خطر لا تقربه عناد فيك يسويه ، ياكثر مايضرب في طفولته ، ومع ذلك عنيد مايغير راية .
الطفل الحنّـان
يستخدم وسيلة الحنة لتلبية رغباته ، له نغمه خاصة في البيت ، تلبى رغباته غصب عنك ، يعانون أهله من الصداع المستمر .
الطفل المادي
هذا الطفل مايرد السلام إلا بفلوس ، تعامله مع أهل البيت مادي بحت ، يستخدمونه لتوصيل طلبات المنزل ، ونقل السوالف وكل شي بحسابه .
الطفل الفتّــان
تلاقي عند هذا النوع جميع أخبار البيت ، يلاقي المتعة في إذلال غيره بالفتنة عليه ، ماله خاتمه ، هذا الطفل حتى لو شريت سكوته بفلوس ، توقع تلقى أخبارك ثاني يوم في الصفحة الرئيسية في الجريدة الرسمية .
الطفل الدلوع
هذا دلوع ماما وبابا ، يكرهونه باقي الأطفال لأنه مرفه وشايف نفسه عليهم ، تلبى رغباته قبل ليطلبها ، شخصيته اتكاليه جداً .
الطفل العله
يزعجك بأسئلته إلي ماتنتهي ، يستفسر من كل شي ، حتى لو عطست ، قالك شلون عطست ، وليش عطست ، وشلون تكونت العطسه ، يحرجك أحياناً ، ويمكن دائماً بأسئلته مره تجاوب عليه ومره تسفهه ، وأكثر الأوقات ماتلقي إجابة لأسئلته لأنك في الحقيقة تجهلها .
الطفل الداج
هذا الطفل مستحيل يجلس في البيت ، يعيش في الشارع أكثر من بيته ، خبره ودليل في كل ممر وطريق ، يعرف طول الشارع بالسنتيمتر ، من الممكن أن يصبح إذا كبر مهندس طرق .
الطفل الملسون
يستانسون أهله على سوالفه ، فصيح جداً ، ويلقط العبارات والمفردات بسرعة مذهله ، يسبب إحراج دائم لأهله ، يمكن يقول كلمة بالغلط للضيوف أو الأقارب ، يتميز أحياناً بقلة الذوق والوقاحة إذا انفعل ، لاينصح باستفزازه أبداً .
الطفل اللزقه
تلقاه مسنتر عند باب البيت ، محد يطلع إلا وهو لأزق معاه ، حتى الضيوف من الممكن تلقاه يلزق فيهم ويطلع معاهم ، ياكثر ماينضرب وخاصه من أخوانه اللي اكبر منه أو أخواته ، لأنه عبارة عن رادار على طلعاتهم ، أحياناً يضطرون يطلعون من شباك البيت للهروب منه ، ولكن للأسف يلاقونه بانتظارهم في السيارة ..ويسألهم ليش تأخروا عليّ .
الطفل الهادي
هذا الطفل ماله صوت ابد ، وين ماتحطه تلقاه ، أحياناً يهملونه أهله لأنهم ناسينه ، وأحياناً يلقى اهتمام زائد من أهله ، لو يموت من الجوع ماتكلم ، في كثير من الأحيان تلقى أهله ناسينه بالسوق أو عند الأقارب أثناء الزيارات .
الطفل القوي
أهله دائماً في إحراج ومشاكل مع الناس ، هرمون الأجرام مرتفع بنسبة عالية في جسمه ، في كل جبهة طفل في منطقتهم تلقى له أثر وتوقيع ، يمثل القائد والفتوه ، يهابونه الأطفال ، يتقرب منه الكبار ويتوددون له حفاظاً على سلامة أطفالهم .
بسم الله الرحمن الرحيم
السلام عليكم ورحمة الله وبركاته
الله يعطيك العافية على هالموضوع الجميل جدا وبالنسبه لي ما يحضرني لاكن عندي ماشاء الله عليهم وعد 4 سنوات وعهد 1 سنه بالنسبه لوعد طبعا من النوع القوي تخيل بنت ومن النوع القوي وش تسوي انت ابوها او امها يعني ما نروح لاحد الا اضربت بزرانهم فشلتنا ولاحد جانا بالبيت بتكون مجزره ههههههههه والله مشكله بس مو كذا عندي عهد سنه تتحرش الحين يعني يابابا بفشلك بالمستقبل الله يهديهم ويصلحهم بس احبهم اكثر من نفسي الصراحه وبكره يكبرون ويعقلون ان شاء الله وتقبل مروري
بسم الله الرحمن الرحيم
السلام عليكم ورحمة الله وبركاته
الله يعطيك العافية على هالموضوع الجميل جدا وبالنسبه لي ما يحضرني لاكن عندي ماشاء الله عليهم وعد 4 سنوات وعهد 1 سنه بالنسبه لوعد طبعا من النوع القوي تخيل بنت ومن النوع القوي وش تسوي انت ابوها او امها يعني ما نروح لاحد الا اضربت بزرانهم فشلتنا ولاحد جانا بالبيت بتكون مجزره ههههههههه والله مشكله بس مو كذا عندي عهد سنه تتحرش الحين يعني يابابا بفشلك بالمستقبل الله يهديهم ويصلحهم بس احبهم اكثر من نفسي الصراحه وبكره يكبرون ويعقلون ان شاء الله وتقبل مروري
: أخي : مساعد الرويشد : بارك الله فيك :
هههههههههههه
الله يعافيك طال عمرك
وعد وعهد الله يخليهم لك ويتربون في عزك
ومن طبيعة الاطفال بعضهم شقي عادي تعود
الله يصلحهم لك يارب
شرفنا وجودك يالغالي
اشكر مرورك الكريم لاهنت
حقيقة لااتذكر اي نوع لكن اللي اعرفه اني كنت بالنسبة لجيلي اعقل واحد فيهم ودائم التلزق مع الكبار احب اتعلم جميع الاشياء كما كنت اظن اني رسول على عبادالله لكن فالاخير اقتنعت ان عبد من عبيد الله ويالله تسامحني على اعتقاداتي الي حقيقة لاذكرتها اقول وشلون فالعمر هذا وافكر فالامور الكبيرة
تحياتي لك اخوي ابن جعوان واوصلك سلام اخونا س ب ع 7 7 7
اللهم صلي على نبينا محمد
قاطعوا الدنمارك الى الابد حتى لو اعتذروا وطلبوا الصلح
ان كنتم حقا مسلمين
غير متصل
ابن جعوان
