الشاعر محمد حزام السبيعي

[اناحر]

بسم الله الرحمن الرحيم

السلام عليكم ورحمة الله وبركاته

هذا الموضوع موجود فيه بعض قصائدي


الحظ

الصحـيح الحـــظ لامن تعــثر مايقــوم
لويجيه الغيث مقبل ابرقه ورعـــــده


طايـحً في وســط بيرن بجمــتها يعـوم
من رداته طولها الفين قامه وقعــــــده


ياعســاها طيحتــن لاتعــوق ولاتــدوم
من سببها كن في خاطري شوك جعده


مايعــز الحـــظ لاطــاح يكــود القــروم
لو تعثـــر وقفــــوله يغـــني بـــســعده


والله ان في خاطري هم في ساقة هموم
كل ماخلصت همن يجــي هـم ا بــعده


ويطرب الخاطر ليامن ذكرت اني عزوم
وقدمي رجم المعالي لويكود صعده


ويتكـدر خاطــري لاتــرددت العــلــوم
وكل رجال يواعد ويخلف فوعده


والختم حظي لويقوم من طيحــته يوم
قلت صور يامصور على كيفك عده

[اناحر]

بعنوان//ياغزه



1_ياغـــــــــزه بسيف اليهودي تنحرين
وانا على شانك افضّل الانتحــــــار


2_لو هو حرام ازهق حياتي ذا العـــــين
اللي ملا غــــزه من انواع الدمــــار


3_وانا ويش اسـوي لو انك تـنـتـخــــين
لا رامي بمدفع ولا رافع شعــــــــار


4_واقول ياغــــزه ترى وش بالـــيـــدين
مقدر اقـد مـلك وسائل الانتصــــــار


5_وانتي بدون ايات شك/ن تعرفــــــين
من زود ضعفي مقدر اصدرلي قرار


6_صح اعربي محسوب ضمن المسلمين
لاكن من دونك مسنح بالستـــــــــار


7_مسكر احدودي واجاهد لاتجـــــــــين
خايـف من الـكـفار يـعـطونـي انـذار


8_ماكـئن يـربـطـني بك اعـروبــه ودين
مابي اعـترفـلك بالمخوه والـجـــوار


9_قـاتـلك يـامـرنـي وانـا اقـول لـه زين
اعوذ بك ياخالقي من الاحتقـــــــــار


10_صبرن جميل/ن بذ ن ربي تصمدين
حتى يجيك اجهار في وضح النهـــار


11_مثل صلاح الـديـن وانـتي تـعلمــــين
لاجا مثل صلاح بيطير الغبــــــــــار


12_مهـوب مـثـل الـلي تـخـفى مـايـبـــين
من ذلته قال السلام اطيب اشعــــــار


13_يـأمـتـي لازم لـنـا جـنـبـن مـتـــــــين
من شأن فن ظهر العداء نبقى اكبـــار


14_اذا تـوحـدنـا بـعـزمـن مـايـلــــــــين
مال للعدو فرصه اقوله بختصــــــار


15_قد قالها رشيد من ماضي السنــــين
يقول من الازمات للقوم اختبـــــــار


16_واقول انا اما مثل بدر وحنــــــــين
ولا عسى الاعمار قصاف الاعمار


17_يهل سمعتم النساء ألهنّ أنــــــــين
وعسكر بني صهيون تحرقهن بنار


18_وانّا ولا حـاجـه بقينا ساكتـــــــين
وش عذرنا من ربنا يـوم الــقــرار


19_وش يكتب التاريخ عنا بعد حــين
الحمره تاكل من افروخ الحــــرار


20_لاوالله الا طقتن فوق الجبــــــين
على طحاطيح الرجال تصير عار


21_والعذر ياغزه عسى عذري سمين
لو اقدر افزع كان بفك الحصـــار


22_لكن جهدي مثل غيري دمع عــين
رجال وابكي مثل ماتبكي الصغار


23_والختم يلأمه ترى الله المعــــين
الـيـا مـتى الـيـا مـتى الانـتـظــار

[اناحر]

بعنوان/ابوفارس



1-الا يأهل السطر وأهل العـــزاوي
//سبيع سبيع مخلفت الهقـــــاوي
2-الياضاقت على أحدن من حدينـا
//يجون سبيع كالسيل النحــــــاوي
3-لهم وقفات والتاريخ شــــــــاهد
//اليا منه انتخى راع النخــــــــاوي
4-يجونك فزعة/ن من كل ديـــره
//من رماح العذيه للعــــــــلاوي
5-ويناصر بنااعتز لايهمــــــــــــك
//معك ربعك مزبنت الجلاوي
6-بناقف وانت قل شعر مميز
//من التاريخ والوحي السماوي
7-الك عاده ياابوفارس تنومس
//الك شعر/ن مثل شعر الخلاوي
8-تفاخر ياابو فارس بنتفاخر
//ترى اسمك كنه البرق السناوي
9-تفاخر دامك سبيعي سعودي
//لك امنية/ن اخيار المناوي
10-مادامك تحت حكم اخوان نوره
//حرام انك على العد الرهاوي
11-شيوخ وقفت الواحد لحاله
//تساوي وقفت العالم تساوي
12-الايسعد من قاموا بعونه
//على شانه يحلون الدعاوي
13-شيوخ العرب في نجد المسمى
//من يقاوي سطرهم من يقاوي
14-تحت راية ملك كل العروبه
//تحت رايتك يالحر النداوي
15-ابو متعب حفضه الله قايد
//ترى شعبه على شانه فداوي
16-وتم وزبدة الموضوع هرجه
//سعوديون في الدار الرخاوي
17-عليك الشعر والباقي على الله
//ترى مثلك من العربان ناوي
18-ولكنك والله القرم الصميدع
//وحنا معك كالسيل النحاوي

[اناحر]

قصيده ...... غزليه .......



هيه ياغـض الصبـا ياقـايـد الـريـم الجفـول
ياسيد الترفات يالي غير والترفات غير


يالي قوامه مذهب/ن عقلي ومـذهبـله عقـول
كن الصبايا من خلافك جند ولا انتي مدير


عزالله ان الله عطاك من الحلا شي/ن يهول
فتانـتـن سبـايـتن للـعقـل يالـبدر المـنيـر


من يوم صادفتك وانا افكر بصعبات الحلول
وانتي بتعذيبي قويتي كن ماعندك ضمير


انتي ملاك الارض وش يقدر يقول اللى يقول
يحتار فاوصافن/ن خلقها الخالد الفردالقدير


ياشيخت الزينات ياسباب التشرد والذهول
ياحلمي المفـقود يالشر العـبوس القمطرير


يابسمت الفرحه يائلام البعد يالغر الخجول
ياقمت العفه ياحسن الخلق يالشان الكبير


ياوردتن فواحتن بالعطر في كل الفصول
ياريحة الريحان والعنبر وياريح العبير


يافتنت العاشق ياروح الولف ياكل القبول
يارق ماتلمس يادي يالذ من طعم العصير


ياسكرة اللى في حياته ماعرف طعم الكحول
من يوم مانظرتك بعيني وانا مثل الضرير


ياشبه صفرا/ن لاسمعت طق العصي فوق الطبول
يميل معها القلب لامالت عسى فالامر خير


عاشك من حبك مع العالم تقول انه مهبول
صحيح من قال المحبه تشبه النار السعير


لابارك الله في هوى الخفرات واعذال العذول
اللى يقول الهوى مايطرح الرجل الشطير


وهاذا وانا شاطر شركني في احباله يالخبول
واقف على سيبه ولا ادري ويش تحديد المصير

[اناحر]

الصبر

الذكريات الموئلمه تؤلم اسواتي لو صبر
وانا تجرعة المراره من الصبر والصبر ضاق
احيان اقول انسى مع احلى ذكرياتي وتعبر
واحيان اعيوني تنهمر واقول لايمكن يطاق
الصدر يملاه الحزن والعمر قافيه القبر
وانا معا نفسي فقدة التضحيه والاتفاق
يالعبي الهاجوس مابين الدفاتر والحبر
واكتب مواجع نفسي التعبه على هذا السياق
اسرح معه واشوف ماقد مر عبره من العبر
مسكر/ن قد م النظر كل المنافذ والافاق
قضيت عمري من الطفوله لين دهمه الكبر
وانا معا نفسي ومعا ذكرى زماني في سباق
يانفسي الرحمه من الله وانتي اعطيك الخبر
لايمكن استسلم رضى حتى لو يضيق الخناق
انا قوي بئيماني الخالص وانا وافي شبر
اصمد صمودك يالعراقي لجل تحرير العراق
اكتابي القرآن واهل الزبر تقراء في الزبر
مـاهمنـي مــردده راعي المـجامل والنفاق
اشهر على العلّياَ وقسمي من الفقاره والهبر
واترك الامور الجانبيه للذي سلكه ادقاق
من شان مايلقا عليه لو كبر دق الإبر
انا وبعض العالم الوجعه غدينا في شقاق
لاكن يامشكا صبور/ن حظه العاثر ثبر
كل امنياته في ثرى الذكرى تلاحقها لاحاق
الخاطر المكسور من كسرة زمانه ماجبر
حتــى لونــه مــثل انــه ريــق مايوم راق
صحيح مؤمن لاكن السابر بعينه وش سبر
يسبر اشفاه الناس تضحك والقلوب بها حراق
من حزني الطاغي عيوني ماتفارقها العبر
تهمل هميل المزنه اللي من مناشيها حقاق
صحيح نوب اقول بنسى واتذكر وانجبر
عــلى تذكــر لحـظة الفـرقا بعد ذاك العناق
وشلون بنسى بنيتن وضعتها جوف القبر
ومن بعدها اخوها الصغير الله يامقساء الفراق
راضي بحكم الله لوّن الحزن في افوادي زبر
زبرة اجيوشن للقاء ماهيب تخشى الانطلاق
وياكيف بنسى قسوت الايام وسنينن غبر
تمر مثل الطير من قبل الشفق ولا الشعاق
لاكن على الله يامجاري حن اسواتي تصطبر
تخفي اعللها عن كثير الناس في وسط الاعماق
ولا انا شاعر عادياته مايولن الدبر
مــدربات/ن يضــربن الــجــمع مـاهــو لسبـــاق
من لابتن تفعل نهار الكون والناس تخبر
الاسماء الشهيره يومها بســيف قطــاع الاعناق
ومنـهم تـعلـمة اـلرجلـه ماتعـلمة الكبر
ومنهم تعلمة الــصبر وقت الـلـقاء ولا الفـراق

[اناحر]

مطاليق الوجيه

احترم نفسي واقدر مطاليق الوجيـــــه
واترك الأقشر يهندم ابغضيه واقشـــــــره


مانواخذ كل جاهل بحكيه يالنبــــــــــيـه
ندمح الزله لواحد لجل قدر عشــــــــــره


ودوبك الي قيل ياصاح في عرض النزيه
لايهمك لاعترض قدمك الجرف اطــــمـره


ودك ان العالم اتصير مثل الي تبيــــــــه
مستحيل الي يبي يعدل الضلع اكســره


لاتحاول ترشد الناس بالراي الوجيــــــه
محدن يمك من الناس رجال ومـــــــــــره


لو حكا الجاهل وقامت توامالك ايديـــــه
كـل ذعذاعن يهزه كما غصن اشــــــــجره


والجمل عن مشربه لو يطوّل مايتيـــــه
والله ان يرد لون حملته فوق ظهـــــــره


وزبدة الموضوع اقدر مطاليق الوجـــــيه
وادمح الزله لواحد لجل قدر اعــــشره

[اناحر]

جيب فكسار


الله اكبر مفخرة الارض الجديــــد ** جيب فكسار يفوق الطايــــــــــرات

وارد اليبان من النوع الفريــــــــد ** ماش مثله لاخوان ولاخــــــــــوات

صانعه يباني/ن ماهو بليـــــــــد ** اختصاصه في الجيوب الفاخـــــرات

لامشا يقربها الدار البعيـــــــــــد ** وان وقف على رسول الله الصلات

الغريبه وش حديده من حديــــد ** كن جنوبه بالذهب مطـــــــــرزات

كن لونه عقد لولو بجيــــــــــــــد ** جيد بنت فارعه بين البنـــــــــات

وداخليه كنك بمجلس عقيــــــد ** فارشينه بالزوالي الغاليـــــــــات

لاو نقول مميزاته ثم نعيـــــــــــد ** كله الفكسار صار ممزيــــــــــات

اومن يجيبه على حسابه رصيد ** تاجر كاتب له المولى غنـــــــات

اومن يخوي على حضرة وليـــــد ** والله ان تصغر عليه الكايـــــدات

والنهايه مفخرة الارض الجديــــد ** الثمانيه ثامن للمعجـــــــــزات

[اناحر]

رد على مانع ابن شلحاط




هيـه يامـانع سقــيمً وغرربك سـقــيم

مادريت انك تبى تيهه في وسط الظلام

تـبت أيـديكــم غشـيم يقديلــه غشــيم

لاعليكــم لاتحــيــة ولا رد الســـلام

ماصفح وجة ابن شلحاط من وقت قديم

غير ما يعذر لسانه من ضعيف الكلام

يفتل اشنابه ويرقص كما رقص الحريم

مابقاله غيــر يلبــس خمــاخيم وزمام

ياضــعيفين المقاصــد تشــبون الهشيم

بالتمــلق والتــستـر ورى اسام الكرام

لابتــك عجمـان من يام ماهم من تميم

عند غير اهلـك مضيع وتنبح يالـخمام

الشعر وش عرفك فيه يالخــبل الذميم

تكفر النعمة وتونس على خشمك اعرام

والله ان نطـق خشـمك وتلبــخ يالبـهيم

لانك اصلا ماتقــابل ليــا ثار العسـام

تحسب ان الشعر مكياج والوان ونديم

في الشعر مالك علاقة ولا لك به مقام

فاسـق يلعـبك الخـبل لان منت بحـشيم

لاوصل من عبرك لغايته ساقك لــيام

تحسب ماقلت في اسبيع بيحطك عظيم

والله ان تبقى كما كنـت ماتاخذ وســام

ماخذلك نهج عكس الصراط المستقيم

انشد العجمان حماية اطراف الجهام

ابك حنا اسبيع نسقي السقطري للغريم

سيفنا لامن ضربنا كسرنا صم العضام

مير ابن شلحاط كانه يدورله خصيم

يعتزيله عزوةً تذهل افروخ الحمام

يعتــزي بلي قـبل عدة اشهر منه تيم

يعقب ماهو تمــيمي ولايسوى جرام

ولا ابن شلحاط ماخذا الدرب السليم

والله ان يجيه شي يصحي من المنام

وان زعل مانع يبرد بواحد عسكريم

وان رضي يرخي رويسه كما روس النعام

ياردي الرابعة منت للعالم كليم

كيف من بين المخاليق تخلقلك خصام

مثلك وشرواك ماهوب رجال سليم

تقبل الهينة ولالك عن العلياء مرام

اسمعوا ياهل السطر ياهل الراي الحكيم

اسمعوا ياقوم ركان يالقوم الحشام

اعقلوا الجاهل وطفوا مشاهيب الجحيم

ولكم مني تحية قبل مسك الختام

والا ابن شلحاط ماهوب لسبيع بخصيم

لان ابن شلحاط مهوب قد للمقام

مادرى ان زمزم قريبة من اركان الحطيم

مادرى ان المعرفة لها باب ومقام

كل ماواجة خدينة وذعذع لة نسيم

قام يجمع من الخثاريد ويلم القمام

راكب من فوق كتفينه ابليس الرجيم

مثل ذاك اللي على مقدم اكتوفه سنام