ابوصالح جالس مع ابوراشد بعد صلاة العصر يسولفون ويقطعون الوقت
تنهد ابوصالح وقال: افكر في هالدين العظيم اللي طلع من مكة المكرمه وصل الى اخر الدنيا!!!
قال ابوراشد: ايه والله انك صادق يا بوصالح،
قال ابوصالح: بس لايهمونك دين اهل اسيا الوسطى واوربا والله مالهم من الاسلام الا اسمه!!
رد ابو راشد: والله انك صادق يا بوصالح!
واضاف ابو صالح ولا دين ها الاشوام والله دينهم ماهوب اللي انت تبي يا بو راشد!!!
فرد ابو راشد: والله انك صادق يا بو صالح!!
واضاف ابو صالح قال والا هالافارقه والمصاريه والسودا نيين متصوفه مبتدعه ماهوب والله هم والاسلام والايائف!!!
قال ايه والله يا بوصالح انك صادق!!
قال ابوصالح ان بغيت الاسلام في ها الديره (السعوديه)،
قال ابو راشد ايه والله انك صادق يا بوصالح!!
فرد بتنهد ابو صالح: والله ماهوب دين كل اهل هالديره على اللي تبي يا بو راشد!! اهل الجنوب اهل بدع وزيدية واسماعلييه مالهم من الدين الا اسمه!!
قال ابو راشد ايه والله انك صادق يا بو صالح!!
واضاف ابوصالح: والا اهل الشرقية رفضة وشيعة والله ما خذوا من الاسلام الا اسمه!!
واهل الحجاز مبتدعة صوفية ماهوب على اللي انت تبي يا بوراشد!!
قال ابو راشد ايه والله انك صادق يا بو صالح!!
واضاف ابو صالح: ان بغيت الدين والله في نجد والباقين خلهم على يسراك (شمالك)!!
قال ابو راشد ايه والله انك صادق يا بو صالح!!
اضاف ابوصالح والله بعد ماهوب كل اهل نجد دينهم على اللي تبي!! اهل الرياض واللي حولها شرابين للتتن ويشوفون الدش والله مادري عن دينهم يا ابوراشد!!! لكن لابغيت الاسلام تراه عندك بذيا بالقصيم!!!
رد ابو راشد والله انك صادق يابوصالح!!
فاضاف ابوصالح والله ماهوب كل اهل القصيم دينهم على اللي انت تبي اهل عنيزة واللي حولها يبعون التتن ويلبسون كبك والدشوش مليانه با السطوح!!! ان بغيت الدين والله تراه بذيا عندك ببريده!!
رد ابو راشد والله انك صادق يابوصالح!!!
واضاف ابوصالح والله ماهوب دين كل اهل بريده على اللي انت تبي!! طلعت هالاستراحات ومايندرى من اللي يشوف الدش ومن اللي مايشوفه ان بغيت الدين كما انزل ترى في حارتنا بذى!!
قال والله انك صادق يا ابو صالح!!!
قال والله بعد ماهوب كل اهل الحارة على اللي انت تبي اشوفهم يسحبون رجليهم للمسجد تقل انهم مغصوبين على الصلاة!! والله مابوه في الحارة الا انا وانت يابوراشد!!
رد ابو راشد والله انك صادق يابوصالح!!
اضاف ابو صالح: و! الله اني اشوفك منت حول الخشوع في الصلاة يا بوراشد..
رد ابو راشد : والله انك صادق يا ابوصالح!!
غير متصل
