منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
العـين ماتروى من الزين ياشــوق = كل مانضرتك زاد فيني ضمــايه
تختال مابين المعاليق برفــوق = من فيـض حبك ماعرفت الكفــايه
ماشاقني غيرك من الناس مخلوق = وصلك مرامي وابتعادك بلايــــه
تطري علي مع هجعت الناس والموق= ويشوقني صوتً يهيض خفايـــه
باب الغلا في داخل القلب مطروق = كله سبب نجلاً تسبب غوايـــه
الناس قالت كل مطرود ملحوق = والعمر ينقص ماتحقق منايـــه
يفزله قلبً من البعد محروق = واجاوبه لبيه يومه دعايـــــه
وآغفي على طيفه إلا حل وآفوق = وتسري بي النجوى بليا درايــــه
يقايد الغزلان يامنبع الذوق = ياماخذً قلبي على كيف رايـــــه
ارحم محبً يوم تطري له يتوق = ويعود به شوقً بليا نهايـــــه
غير متصل
