Untitled 1
 
  التجوال في كوالالمبور (اخر مشاركة : دعاء امين - عددالردود : 0 - عددالزوار : 19 )           »          عروض كويك نت تبدأ ب37 ريال شهريا (اخر مشاركة : دعاء امين - عددالردود : 0 - عددالزوار : 15 )           »          سعوديون في البرازيل مع سوا (اخر مشاركة : دعاء امين - عددالردود : 0 - عددالزوار : 38 )           »          كيف تحول من باقة الى باقة اخرى بكل سهولة؟ (اخر مشاركة : دعاء امين - عددالردود : 0 - عددالزوار : 34 )           »          العمل تدعو للمشاركة في مسودة قرار عمل المرأةبالمراكز المغلقة (اخر مشاركة : دعاء امين - عددالردود : 0 - عددالزوار : 79 )           »          نضحك وغزة تحت قصف الصواريخ (اخر مشاركة : جندب المالكي - عددالردود : 0 - عددالزوار : 18 )           »          كيف تستبدل نقاط قطاف؟ (اخر مشاركة : دعاء امين - عددالردود : 0 - عددالزوار : 75 )           »          زراعه الكلى (اخر مشاركة : فارس المكي - عددالردود : 1 - عددالزوار : 3936 )           »          زراعة الكلى بمصر (اخر مشاركة : فارس المكي - عددالردود : 0 - عددالزوار : 74 )           »          العمل تتيح للمنشآت نقل خدمات العمالة الوافدة بين فروعها شوال المقبل (اخر مشاركة : دعاء امين - عددالردود : 0 - عددالزوار : 79 )           »         
 

 
العودة   منتديات سبيع الغلباء > المنتديات الأدبية > منتــــدى القصائـــــد المنقولــه
 

منتــــدى القصائـــــد المنقولــه القصائد التي يكتبها غير شعراءها فهو شامل للقصائد المنقولة والمكتوبة لشعراء لا يكتبون في الشبكة

إضافة رد
 
أدوات الموضوع
 
غير متصل
 رقم المشاركة : ( 1 )
عاشق الوديان200
عضو نشط
رقم العضوية : 3083
تاريخ التسجيل : 30 - 05 - 2005
الدولة :
العمر :
الجنس :
مكان الإقامة :
عدد المشاركات : 39 [+]
آخر تواجد : [+]
عدد النقاط : 10
قوة الترشيح : عاشق الوديان200 is on a distinguished road
الأوسمـة
بيانات الإتصال
آخر المواضيع

التوقيت
Post من قصائد الشاعر الكبير / رشيد بن زيد الزلامي

كُتب : [ 12 - 07 - 2006 - 03:37 ]

هذي مجموعة قصائد لـ الشاعرالكبير رشيد بن زيد الزلامي

احببت المشاركة بها اتمنى تعجبكم





البارحه والناس غافيـن وهجـوع
جتنـي هجوسـي ورداً سارياتـي
والليل طال وخط الارسال مقطـوع
ياليل ياطولك متى الصبـح ياتـي
قزرت ساعاتك على ثومـة الكـوع
مالـي نديـم الا الثـلاث الخواتـي
صفر الدلال اللي بها الهيل مشموع
باشكـال وارناقـا معـه لايقاتـي
واصبحت من كثر الهواجيس مفجوع
وافكـار قلبـي شـرداً سارحاتـي
ياسائلاً تسأل ترى الصوت مسموع
وما نشر بالصفحه قريتـه بذاتـي
سويت لي مشروع من غير مشروع
والزمتنـي بالـرد دون شهـواتـي
اكيد عندك يا فتى الجود موضـوع
والا مسوي بـك زمانـك سواتـي
مسقيك من علقات الايـام قرطـوع
وتسمع صراعي فيـه ومغامراتـي
فان كان هذا الامر بالشكل والنـوع
خـل الامـر لمكـون الكاينـاتـي
ساير زمانك كان لك قلب وضلـوع
وارج الفـرج بايامـك المقبلاتـي
وان كان ما طاعتك خلك لها طـوع
ما انته بضاربها برمـح الزناتـي
اما سوالـك مـا جوابـه بممنـوع
ولو للحيـاه اسرارهـا الخافياتـي
اجاوبك لو ما معي منـك منفـوع
تحب تعرف كيـف قصـة حياتـي
حياة ذيباً عايـش الفقـر والجـوع
ليلـه يبـات وليلـة مـا يبـاتـي
اعيش عيشة ذيب والراس مرفـوع
وان قلّ مالي عـزّ نفسـي غناتـي



الله على اللي شوحتـه تقطـع الـدار
يوصل غريب الـدار ديـرة ربوعـه
أبيـه والله ميـر مغليـن الاسـعـار
والبنك ماادلـه ولااعـرف فروعـه
وذي حالـة الدنيـا لهـا ادوار وادوار
يومـن تواصلنـا ويومـن قطوعـه
وكـل البشـر فيهـم فقـارا وتجـار
ونفوس تتحمـل والاخـرى جزوعـه
وحتى بنـوك النقـد تعجـز وتنهـار
ماهوب انا عجزي بعـاد(ن) رموعـه
بس المهـم ودون توضيـح الاسـرار
وضعي ووضع الجيب شكله ونوعـه
شريت لي جيب(ن)عسى ابـوه للنـار
بانـت عذاريبـه مـن اول اسبوعـه
مزعج مع الصحراء ومزعج مع القار
ومـن يركبـه لازم يسكـر سموعـه
مثل الشبـح ماينقصـه غيـر طيـار
شكلـه وتصميمـه وممشـاه روعـه
من خف دمـه مابقـى فيـه مسمـار
ولايركبـون عيـال الانـذال نوعـه
مايركبـون الا سفـاري وفكـسـار
آخر زمان(ن) جعـل بقعـا تصوعـه
خلا رجـال المرجلـه مالهـم كـار
الذيـخ لـو يبكـي مسحنـا دموعـه
الذيـخ يشبـع فالفضايـل والاسـوار
والذيـب مايـدرى بفقـره وجوعـه
وقت(ن) يخلي صاحي الفكـر يحتـار
ويشوف من هول الدهـر مايروعـه
تلقى الفقير وفزعتـه خمسـة انفـار
وتلقى الغني كـل الجماعـه فزوعـه
ياعاشق الدنيـا تـرى مالهـا جـار
كما واحد(ن) في حبها طـار شوعـه
اليوم تضحك لـه وتعطيـه الانـذار
وبكـره تلحويهـا محانـي ضلوعـه
خلك علـى صكـات الايـام صبـار
ويوم(ن) يفوتـك لاتمنـى رجوعـه
اقفى على مافيه مـن خيـر واشـرار
نجم(ن) هوى مايندرى عـن طلوعـه
وماهي على كيفـك تمنـى وتختـار
ابعد على المخلوق مـن حـب كوعـه
يخبرك من ذاق المتاعـب والامـرار
وحـاول ولاجالـه زمانـه بطوعـه
ومرت به الدنيا على بعض الاقطـار
في رحلة(ن) ماغيرت مـن طبوعـه
والله ماواطـن عيشـة الـذل والعـار
مـادام لـي شيمـه ونفـس قنوعـه
وقرش(ن) عزيز افضل من الفين دينار
من مصدر(ن) للذل يعلـن خضوعـه
ولو الوساده من صلافيـح الاحجـار
للراس اخير مـن التـرف والميوعـه



إلتحق الشاعر رشيد الزلامي بالجيش الكويتي وفي يـوم مـن الأيـام كـان

هو مع عدد من زملائه في ساعات العمل وكان رشيد الزلامي علـى مكتبـه


ويتصفح مجلة على غلافها صورة الملك فهد بن عبدالعزيز عندما كان أميراً

وكان زميله الكويتي ينتظر أن ينتهي رشيد الزلامي من تصفح المجلة ليقرأها

وأطـال رشيـد تمعنـه لصـورة الأمـيـر فـهـد بــن عبدالعـزيـز

و قال له زميله باللهجـة العاميـة ( ماشبعـت مـن شـو فتـك لمعزبـك)

فغضب رشيد الزلامي وأدخل المجلة بـدرج الطاولـة وقـال بـرد قاسـي

مـافـيـه مـجـلـة ، فـقــال زمـيـلـه هــــذه الابــيــات





حنا بدارٍ مددلهة صدر من ضـاق
بلّـغ سلامـي للزلامـي و قلّـه
ياعابد الصورة على بيض الأوراق
دارك عرفناهـا وعلتـك عـلـه
إن كان حبه محرق ٍ قلبك إحـراق
شد الرحـال ودرب عمـك تدلـه






فــــرد عـلـيــه رشــيـــد الــزلامـــي قــايـــلا






أنتم بدار مدلهـة صـدر مـن ضـاق
وانـا تخيّـل صورتـه مخلـص ٍلـه
ماتعرفـونـه يارديـيـن الأعـمـاق
هـذا فهـد ذخـر الفهـد فـي محلـه
اللـي لياشطـت و يبسـن الأريــاق
وأنته و انـا و معزبـك تحـت ظلـه
واهل الحسد ماهم علـى بـاب الأرزاق
رزقـي علـى كـوّن الكـون كـلـه
وحنّا سعودييـن ياشـرس الا خـلاق
أحـرار ماعشـنـا بعيـشـة مـذلـه
رجالنا لو هـو علـى مكسـر السـاق
حب الكرامـه والـو فـا عـادة ٍ لـه


البـارحـه يــوم الثـريـا تـويـق
ييـوم كـلٍ فـي لذيـذ الكـرى راق
وقفـت ليـن الشـوف جالـه بريـقـ
مثل السراب اللي علـى البعـد لهـاق
أخيـل بـرق صـوب واد العقـيـق
يماشفت مثلـه يفضـح الليـل بـراق
عـسـاه يسـقـي دار ذاك الفـريـق
يلو رغبتي ما عـاد بـاقٍ لهـا بـاق
وذيـك الديـر مانـي عليهـا شفيـق
يتطيب منها النفس وتضيـق الاخـلاق
قزرت عمـري فـي بحرهـا غريـق
يمتحمـل ٍ كـل المتاعـب والارهـاق
لين انكشف وجـه العـدو والصديـق
يوالرفقه اللـي حبلهـا رمـث ودقـاق
ولا كلفـت نفـسٍ بـمـا لا تطـيـق
يتبينت لـي كنهـا شمـس الإشـراق
وانـا ليـا شفـت الجفـا مـن رفيـق
يوصار الامل حبر ٍ على بيض الاوراق
قابلـت غلطـاتـه بـوجـهٍ طلـيـق
يونظرت له نظـرة محـب ٍ ومشتـاق
أعطيـه حتـى مـن منامـه يفـيـق
يلا كلمته سمّعـت ولا خاطـرٍ ضـاق
حتـى يعـرف انـي رفيـقٍ حقـيـق
يوليا انحرف ماهو على بـاب الارزاق
يروح في دربـه وانـا فـي طريـق
يمن خلقت الدنيا بهـا جمـع وافـراق
علـي بيبـان الفـرج مـا تضـيـق
يأسوقهـا فـي كـل ديـره وتنسـاق
وابعد عـن اللـي رفقتـه مـا تليـق
يمانـي علـى جنبـه معلّـق بمعـلاق
ياكثر مالي فـي الديـر مـن صديـق
يلا بـارت العملـه وشحّـن الاسـواق
صداقـةٍ تبـنـا بـسـاس ٍ وثـيـق
يلا عقربٍ تلـدغ ولا مـوس حـلاق


ياهـن ابـن هـن مــاوالله ارداك
ومااردى نصيب اللي يسوي سواتـك
ومااردى نصيب اللي من البعد ينصاك
يبا العشا ويشوف بعـض احركاتـك
تحلق الشـارب مـن الديـن يـاذاك
ودك تخـدع المومنيـن بصـلاتـك
لكـن وش تكسـب بدينـك ودنيـاك
لا صار ترك الواجبه مـن صفاتـك
لا صار ضيـف الله تلقيـه علبـاك
باقي علومـك خشهـا فـي عباتـك
الجـود مافقّـرك والبخـل مااغنـاك
ولا تحسب انك مت من موت شاتـك
الخاتمه مـن يـوم هـاذي سوايـاك
بالله لا تعـطـي عتـابـه بنـاتـك
تكثر بنا الرديـان مثلـك وشـرواك
وتـروح تشمتنـا الرجـال بشماتـك



عجيـب ياقلبـي وعجبتـك دوبــك
ماشوف علم ٍجايـزاً لـك و معجبـك
ياقلـب حاسبنـي وحاسـب ذنوبـك
ماادري بخلان الرخـاوش مرغبـك
وش ولعـك فـي نـاس ماقلدوبـك
ولاثمنـوا حقـك وقامـوا بواجبـك
ربعـاً يذريهاالـذرى عـن هبوبـك
خسران لوتشكـي عليهـم مصايبـك
وان حصلـوا مقصودهـم ربعوبـك
سووا لك الخط الزلـق ليـن يقلبـك
وعندالنهايه برقـوا وضحكـوا بكـك
مـن ضحـوك ٍيستغيبـك ويشذبـك
اليـوم صدقانـك وباكرحكـوا بـك
وبعدالرجـا منهـم تكدرمشـاربـك
هراجـة المجلـس ليامالقـوا بــك
شيـاً يقولونـه حـداهـم تنكـبـك
ومالوبسـوق المهزلـه ونزلـوا بـك
ضعاف العقول اللي تسولف على الدبك
يحكي بك اللي عاجزاً عـن دروبـك
لافـاعـل ٍفعـلـك ولاهومجنـبـك



الزلامي كيف رمح الهوى صابه
والهوى ماصابنامن على اولنـا
ياهل البيت الخضرسكرو بابـه
سكروبيبانكـم ياعـرب عنـا
وامسكواورع الهوى اللي بلشنابه
كـل ماجينامـن الـزام قابلنـا
هزرمش العين والاضحك نابـه
ضحكـة ٍمنهاالنجـوم يتهاونـا
امسكوه ببيتكـم قبـل نبلابـه
وأن طلع لاتامنون العتـب منـا
لايكلمناولايطـلـع الـجـابـه
لوصبـاح الخيركنـه يلعـنـا
مايخاف الله ولايرحم اصحابـه
جاهـلا ًبعيونـه السوديفتـنـا
اتمناحـرب مـدفـع ودبـابـه
والعيـون السودعنّـا يصدنـا
بس ياهل الورع متنامن اسبابه
مايردالمـوت لاانتـم ولاحنـا
ورعكم يلعـب ودنيـاه لعابـه
مـادرى انـا قدلعبناوهـونـا
مالقينافي طريق الهـوى ثابـه
زتنافي بحرالاهـوال واهملنـا
ودنابيت الهوى نقطـع اطنابـه
ونطلب الوالي عسى العفويشملنا

الوقـت يامقـسـى عـنـاه وعـذابـه
حطاب ليـل ولـه معاويـن وفـزوع
احد (ن) منـه يمكـن يعالـج صوابـه
واحد (ن) يموت بعلته مـوت جربـوع
يروح مثـل مقـاط محـد (ن) درابـه
لاحبـل يرقـى ولاصـوت مسمـوع
بغـى يجيـب رشـاه ورشـاه جابـه
من عالي الشفه علـى ضربـه الكـوع
هـذاه مقـاط اللـى ارشـاه التـوابـه
واصبح مثل للناس في كـل موضـوع
قصـه مقـاط وقصـتـى ماتشـابـه
اسباب وقت وكـل قصـه لهـا نـوع
مقـاط صفـى فـي زمانـه حسـابـه
وانا بلشت في وقت طامـع ومطمـوع
كم واحـد (ن) وقـت اللـزوم تهقابـه
واليـا نصيتـه غيـر الطبـع بطبـوع
والصاحب اللى صحبته ضحـك نابـه
يبينى ابقى لـه علـى الـدوم مـزروع
ان شـاف وجهـي قـال يامرحبـابـه
وان غبت ينسانى على راس الاسبـوع
واليـا نسانـى منهـو حظـره جنابـه
انساه واجعـل دونـه الخـط مقطـوع
وعيب (ن) عليـه كـان طقيـت بابـه
لونى امسي بالخـلا ميـت (ن) جـوع
مـن خلقـه الدنيـا تجـوع الذيـابـه
بس المهـم تعيـش والـراس مرفـوع
وتكسب بعـز النفـس قـدر ورحابـه
وتمشى على خط (ن) سليم (ن) ومشروع



ياموزع النعم خل النعم لاصحابـه
ماينعطـي غيـر للـي يستحقونـه
النعم ينعطـي لرجـلٍ فاتـحٍ بابـه
للضيف وليا بغوه بحـال يلقونـه
اللي بوقت اللزوم يبيـن مضرابـه
سيـف تحـده لزومـه مايحدونـه
والاالردي لاتقول ونعم يظرى بـه
يرهي على نعم وهوه قاصر ٍ دونه
ليا قلت له نعم قـام يفتـل أشنابـه
يحسبك صادق ما يدري نعم وشلونه
يطمع بشيٍ يموت الخبل مـا جابـه
ثم قال أنا جبت نعم اللـي يقولونـه
بعض البشر يحلمون احلام كذابـه
ومن لاعرف قدر نفسه عدّ طبلونه
يجيك مسرع مايدري ويش يبلابـه
من قلة العرف ما يمشي علىهونـه
اما على الاقربين اشتـال مشعابـه
والابعرض المقفي سـلّ مسنونـه
تناول الغايبين و كثـروا أحزابـه
اللي علـى قلـة الخيـره يدفونـه
واهل العقول سكتوا ماقالوا الجابـه
لا ينقصونـه بشـي ولا يزيدونـه
قالوا هذا فيه عاهـة وابتلشنـا بـه
والا هذا فيه شـي ٍ مـا يعرفونـه
وخلوه يسرح ويمرح خاب من جابه
ما نومس اللي من الصغر يترجونه


البخـل طبـع مستحيـل عـلاجـة
والجود طب لكل الأمراض وعـلاج
جيت الرفيق اللـي بشـوش حجاجـة
اللي بحـزات الرخـاء مثـل هـداج
قال العلـوم وقلـت طـلاب حاجـة
حاجة يسر ماهي تكاليـف واحـراج
ان كلفـت يكفـي العـذر والمواجـه
وان كان جت من يسر صاحبك محتاج
واومى براسـه مثـل راس الدجاجـة
وهز المتون وراح وجهه كما الصاج
واقفيت مـن عنـده مطفـي سراجـه
ولي حاجة ماعطيتهـا كـل هـراج
عرض العلوم لغيـر اهلهـا سماجـة
والصاحب الطيب له الـدرب ينعـاج
وكم ضيقـة ياتـي بعدهـا انفراجـة
ياليت كـل اصحابنـا مثـل سهـاج
الصاحـب اللـي مايعكـر مزاجـة
ولا حطلـه كثـر المعاذيـر منهـاج
ولا الردي صيـده يضيـع بعجاجـة
ماتسبقه في سرعـة الـروغ ميـراج


اكتب ويكتبلي وانا اقول حتى ايش
حبراً على قرطاس ماهوب كافـي
والوضع ماهو قابـلاً للمطاريـش
يا امير بشرنـي عساهـا عوافـي
سجيت يوم غصون قلبي مواريـش
واليوم يا فرز الوغى شـاب قافـي
وعروق قلبي يالسديري معاطيـش
امشي وانا مقفي واعايـن خلافـي
رافقت حجاج الهنـود الدراويـش
وسريت مسرى الذيب رجلي وحافي
وطال المسير وصار بالجو تشويش
متى على الله يصبح الجوّ صافـي
شياّ يخدش ثومة القلـب تخديـش
وسره يعود الى القلـوب النظافـي
يكفيك لايـح كلمتـي دون تفتيـش
وعندك خبر ما قال صقر النصافي
مادام انا قلبي جزوعـا ليـا نيـش
حساس من كلمه سريـع العيافـي
ارضاً خلا لو مابها لقمـة العيـش
اخير مـن رزق عليـه اختلافـي
والرمز يكفي الحر والخاتمه ويـش
اقبل تحياتـي وانـا شـاب قافـي


يا ونتي يا ما بصدري من الضيـق
من حسة لا جت بداخـل ضميـري
كنيتهـا فـي مغلقـات الصنـاديـق
لين انكسر منها الضليـع القصيـري
قالوا قدرت الصبر ما فيـه تبريـق
قلت اه من يقدر على الصبر غيـري
مير انتهى واليا انكفى الميّ ما حيـق
سود الليالي عرقلـت خـط سيـري
والله لو اشرب ماي سحب غداريـق
ما ظنتـي يبـرد ظمـاي الغديـري
ولو اشرب الذوب المصفّى على الريق
زاد السعير اللـي بكبـدي سعيـري
خط لفانـي حـرّق القلـب تحريـق
امحق بشـاره جبتهـا يـا بشيـري
انا على عهـدٍ واظـنّ العهـد بيـق
اخر زمان وكـل شـيء يصيـري
راحوا هل النمات مثـل الزواريـق
يسعـون عدوانـي بقرقـا عشيـري
الله يجازي مـن سعـى بالتفاريـق
عن جنـة الفـردوس بالزمهريـري
يا راكب اللي مع خطـاة الطواريـق
ينـوز نـوز الجافـل المستذيـري
مـن وارده مالوعـوه السـواويـق
ولا داج للعبـري وشـال الاجيـري
اخـر طـراز مغلـق الفـن تغليـق
اسبق من الاصوات عبـر الاثيـري
هـافٍ يهيـف بمجرهـد الرقاريـق
يطوي الفيافي طي سلـك الحريـري
عجل ليا دنَّـي وعجـل ليـا سيـق
والطير مـا يمديـه قدمـه يطيـري
عليـه منـدوب ليـا نشـف الريـق
قرم ليـا سـال العـرق بالنظيـري
داس الخطر من دون عهد ومواثيـق
يوم ان ولد الـلاش فكـره يحيـري
خذلي كتاب منسـق القيـل تنسيـق
مكتوم مـا يقـراه غيـر السديـري
محمـد الاحمـد مهـدي الصعافيـق
ليا عدوا اهل الطيب قاضي واميـري
وان حلّـق الدخـان بالجـو تحليـق
اميـر فـي قـود السرايـا خبيـري
وان صار بالجرعات كنّه وتشريـق
قاضي يحل العسـر حـلاً يسيـري
وان جو وبيبـان المنـازل مغاليـق
ريفـاً لهشّـال الخـلا والقصيـري
وسلم عليه وشلـق الهـرج تشليـق
واشرح له الموضوع حالي خطيـري
يعطيك راياً مـا عطـوه المطافيـق
وانا بلشت ومـن بلـش يستشيـري
وتراي بادي لك على الرجم ومويـق
عطشان شفقـان لشـوف السديـري

الله مـن قلـب بـه النـار تشتـب
هبـت وشبـت واستمـرت شبوبـه
قلـبٍ غـدى للهم مـا رد ومشـرب
وما ضاع من هم العرب راح صوبه
همٍ على ربـع وهـمٍ علـى غبـب
اليـوم والساعـه همومـه تلـوبـه
والله من عينآ تصب العبر صبصـب
القليـب اللـي تـدالـج غـروبـه
يا عبيد انا ما نيب ضبٍ ولد ضـب
يصبر لمـا يسمـع وينفـخ ذروبـه
انـا عتيبـيـآ عـريـبٍ مـعـرب
لي ما قفٍ كل الجميـع شهـدو بـه
من سب داري قلتله كـب ثـم كـب
وارخصت روحي دون داري جلوبه
لـو أنسجـن بسبابـهـا واتـعـذب
صبرت من شـان الوطـن للعقوبـه
والسجن ما هو عيب شـئ مجـرب
يعلـم المسجـون مـا هـي ذنوبـه
يلومنـي خبـلٍ إلا مــا تـغـرب
ينسى الوطن خسروا هله يوم جو بـه
فوده مع الضفـران صفـر مكعـب
فطيس قلـب و لـذة النـوم دوبـه
وانـا علـى كـل الجنـوب اتقلـب
ما ذقت حلو النوم يـوم اهتنـوا بـه
اقنب قنيب الذيب فـي راس مرقـب
من حر ما به قـام ينهـش جنوبـه
يحينـي الغربـي عصيـر إلاهـب
وريح الديار الطاهـره فـي هبوبـه
ريحة هواها مكسبـي يـوم نكسـب
اخير من ريـح البحـر والرطوبـه
عسى السحاب اللي من العصر ينصب
هلـت هماليلـه وهبـت انصـوبـه
يسقى وطن راعي العقـال المقصـب
نجد العزيز وغـرب نجـد وجنوبـه
ياديرتي مـا تقبـل الشتـم والسـب
يـا منبـع الإسـلام دار العروبـه
يفوز مذهبهـا علـى كـل مذهـب
وعلـى مقلبـت المذاهـب عقوبـه
يحكم بشرع الله وبالسيـف الأرقـب
ولا شق فيها طالـب الحـق ثوبـه


قالوا تعلمـت قلـت عنـاد وفراسـة
أعاند النفـس والدنيـا وأصارعهـا
ودرست في مدرسة من شيبت راسـه
دنيا العنا اللي قصيفـات مطامعهـا
تلميذهـا دايـم تكتـب بقرطـاسـه
وتعطيه جملة دروس مـا يضيعهـا
والله عطانا نظر وشعـور حساسـة
ناخذ علوم المعرفـة مـن مراجعهـا
ونساير الوقـت ونقيسـه بمقياسـه
ونمشي مع النفس بالواقـع ونقنعهـا
وترى حياة الفتى مهما قـوى باسـه
محفوفة بالخطـر والمـوت تابعهـا
من مبتدى العمر لاما يلفـظ أنفاسـه
يمر فـي مرحلـة تكثـر زوابعهـا
أول حياة الفتـى تدريـب ودراسـة
تكثر ظروف الحياة وينشغل iiمعهـا
وثاني حياة الفتى مشـوار وعساسـة
مسيرة في عجـاج الوقـت يقطعهـا
وآخر حياة الفتى يرجع على ساسـه
النقطة اللـي بـدا منهـا يراجعهـا
يرجع لسن الهرم ويضيـع الطاسـة
ويمشي مع الأرض ويخطط شوارعها
والا تلاقت متونه وارتخـى راسـة
ضاعت جميع العلوم اللـي يجمعهـا


أليا جهلت انشد ترى مابهـا عيـب
لا تنخدع للجهل وأنـت السبايـب
عيب الفتى مافيـة شـك ولاريـب
ترك الفروض وقطع وصل القرايب
والعيب ترك ملازمات المواجيـب
وتبع الردى ومجالسة كـل خايـب
فالتجربة برهـان مافيـة تكذيـب
واليا جهلت انشد من القـوم شايـب
ولا قول يوجد شايب يعلـم الغيـب
الغيب يعلـم بـه مديـر الهبايـب
لاشك يوجد شايـب لـه تجاريـب
ومن الدهر شاف الفكر والعجايـب
بيض النواصي جبهته كلها شيـب
من كثر ما مرت عليـة المصايـب
قد صارع الدنيا على الخبث والطيب
فالغوص وإلا فوق عوص النجايب




ولكم خالص تحياتي:
حمـــــود الصـميـلــي

رد مع اقتباس
 
 
غير متصل
 رقم المشاركة : ( 2 )
شاعر نجد
عضو
رقم العضوية : 8529
تاريخ التسجيل : 07 - 07 - 2006
الدولة :
العمر :
الجنس :
مكان الإقامة :
عدد المشاركات : 28 [+]
آخر تواجد : [+]
عدد النقاط : 10
قوة الترشيح : شاعر نجد is on a distinguished road
الأوسمـة
بيانات الإتصال
آخر المواضيع

التوقيت
رد : مجموعة من قصائد الشاعر: رشيد الزلامي

كُتب : [ 12 - 07 - 2006 - 04:26 ]

صح لسان قيلها وراويها
أشكرك يا عاشق الوديان على هذه المشاركة التي أنارة الموقع بأبيات رشيد الزلامي العتيبي
شاعر نجد

رد مع اقتباس
 
 
غير متصل
 رقم المشاركة : ( 3 )
عاشق الوديان200
عضو نشط
رقم العضوية : 3083
تاريخ التسجيل : 30 - 05 - 2005
الدولة :
العمر :
الجنس :
مكان الإقامة :
عدد المشاركات : 39 [+]
آخر تواجد : [+]
عدد النقاط : 10
قوة الترشيح : عاشق الوديان200 is on a distinguished road
الأوسمـة
بيانات الإتصال
آخر المواضيع

التوقيت
Thumbs up شـــــــكـــــــــــــر عـــــــلـــــــــى رد

كُتب : [ 12 - 07 - 2006 - 05:01 ]

أخـــــــــــــــوي شــــــــــاعـــــــــــر نـــــــــــجــــــــــــد مـــــــــــــشـــــــــــكـــــــور
عــــــــــــــــــــــــــــلــــــــــــــــــى الـــــــــــــــــــــــــــــــمــــــــــــــــ ـــــــــــــــــرور

رد مع اقتباس
 
 
غير متصل
 رقم المشاركة : ( 4 )
جعد الوبر
وسام التميز
رقم العضوية : 15612
تاريخ التسجيل : 06 - 09 - 2007
الدولة : ذكر
العمر :
الجنس :
مكان الإقامة : المملكة العربية السعودية
عدد المشاركات : 3,069 [+]
آخر تواجد : [+]
عدد النقاط : 25
قوة الترشيح : جعد الوبر is on a distinguished road
الأوسمـة
بيانات الإتصال
آخر المواضيع

التوقيت
رد : مجموعة من قصائد الشاعر: رشيد الزلامي

كُتب : [ 05 - 08 - 2008 - 06:51 ]

صح لسان الشاعر الشيخ / رشيد بن زيد الزلامي العتيبي ويا عاشق الوديان لا هنت ومشكور .

سبيع ضد (ن) للحريب المعادي = أهل الرماح المرهفات الحدادي
مروين حد مصقلات الهنادي = سقم الحريب وقربهم عز للجار

مدلهة الغريب - موردة الشريب - مكرمة الضيوف - مروية السيوف


رد مع اقتباس
 
 
غير متصل
 رقم المشاركة : ( 5 )
خيَّال الغلباء
وسام التميز
رقم العضوية : 12388
تاريخ التسجيل : 01 - 03 - 2007
الدولة : ذكر
العمر :
الجنس :
مكان الإقامة : نجد العذية
عدد المشاركات : 20,743 [+]
آخر تواجد : [+]
عدد النقاط : 49
قوة الترشيح : خيَّال الغلباء is on a distinguished road
الأوسمـة
بيانات الإتصال
آخر المواضيع

التوقيت
رد : من قصائد الشاعر / رشيد بن زيد الزلامي

كُتب : [ 05 - 08 - 2008 - 07:52 ]

بسم الله الرحمن الرحيم

أخي الكريم / عاشق الوديان السلام عليكم ورحمة الله وبركاته وبعد : فإن منطقة نجد ملهمة الشعراء ومولدة الأبطال وفيها عواصم للعرب البائده كجو عاصمة طسم وجديس أبناء عم زرقاء اليمامه والخضرمة ( الخرج ) وغيرها لذا تجد أعز القبائل العربية هي من تسيطر على جزء من نجد وعلى طرق التجاره المارة بها من الجنوب إلى الشمال ومن الشرق إلى الغرب ويكفي من فخر نجد أن بعض الفاتحين من العرب قد مرض على شاطئ نهر الفرات وكان شاعرا فقال بعد أن تطبب به الأطباء :

قال الأطباء ما يشفيك قلت لهم
= دخان رمث من التسرير يشفيني

والتسرير واد في نجد تقطنه قبيلة عتيبة الهيلا حاليا وقد الشاعر الهلالي حنينا إلى نجد :

يا نجد وإن جاك الحياء فازعجي لي
= مع الطير وإلا موميات السفايف

وقول الشاعر الاّخر المعاصر :

ما مثل نجد إلى عطت بالمقابيل
= الله يثبت بالمعزه ارجاله

حيثه لدسمين الشوارب مداهيل
= صبيان نجد أهل الثناء والشكاله

وقد قال شاعر قبيلة عتيبة الهيلا / رشيد بن زيد الزلامي العتيبي ردا على من أساء إلى نجد :

الله من قلب به النار تشتب
= هبت وشبت واستمرت شبوبه

قلب (ن) غدى للهم مارد ومشرب
وما ضاع من هم العرب راح صوبه

هم (ن) على ربع وهم (ن) على غب
= باليوم والساعه همومه تلوبه

والله من عين تصب العبر صب
= صب القليب اللي تدالج غروبه

يا عبيد أنا مانيب ضب ولد ضب
= يصبر لما يسمع وينفخ ثروبه

أنا عتيبي عريب معرّب
= ولي ماقف كل الجميع اشهدوا به

من سب داري قلت له كب ثم كب
= وأرخصت روحي دون داري جلوبه

لو انسجن من شانها وأتعذب
أصبر على شان الوطن للعقوبه

السجن ما هو عيب شئ مجرب
= تعلم المسجون ما هي ذنوبه

يلومني خبل إلى ما تغرب
= خسر الوطن خسروا هله يوم جوبه

فوده مع الظفران صفر مكعب
= غطيس قلب وفرصة النوم دوبه

وأنا على كل الجنوب أتقلب
= ما ذقت حلو النوم يوم اهتنوا به

أقنب قنيب الذيب في راس مرقب
= من حر ما به قام يمزر جنوبه

يجذبني الغربي عصير إلى هب
= ريح الديار الطاهره مع هبوبه

ريحة هواها مكسب وي مكسب
= عن ماقع نفسي عليه مغصوبه

عسى السحاب اللي مع الصبح نصب
= ودلى هماليله وركز غصوبه

يسقي وطن راع العقال المقصب
= نجد العزيز وشرق نجد وجنوبه

ولو كان بعض الناس مني تعجب
= واللي بقلبي خافي ما دروابه

حب الوطن ماهو بعيب إلى حب
= والله أحب الدار واللي ربوبه

حب من الإيمان وهبه من الرب
= وأحب دار للجميع محبوبه

يا ديرة ما تقبل الشتم والسب
= يا منبع الاسلام دار العروبه

يفوز مذهبها على كل مذهب
= وعلى مقلبت المذاهب عقوبه

تحكم بشرع الله والسيف الأرقب
= ولا شق فيها طالب الحق ثوبه

وشكرا جزيلا لك على هذه القصائد المعبرة للشاعر الشيخ / رشيد بن زيد الزلامي العتيبي وفقه الله وحفظه وجعلها الله في ميزان حسناتك يوم لا ينفع مال ولا بنون إلا من أتى الله بقلب سليم والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام مع خالص التحية وأطيب الأمنيات . منقول واسلم وسلم والسلام .


رد مع اقتباس
 
 
غير متصل
 رقم المشاركة : ( 6 )
خيَّال الغلباء
وسام التميز
رقم العضوية : 12388
تاريخ التسجيل : 01 - 03 - 2007
الدولة : ذكر
العمر :
الجنس :
مكان الإقامة : نجد العذية
عدد المشاركات : 20,743 [+]
آخر تواجد : [+]
عدد النقاط : 49
قوة الترشيح : خيَّال الغلباء is on a distinguished road
الأوسمـة
بيانات الإتصال
آخر المواضيع

التوقيت
Post رد: من قصائد الشاعر / رشيد بن زيد الزلامي

كُتب : [ 28 - 06 - 2009 - 01:06 ]

بسم الله الرحمن الرحيم

قال الشاعر الكبير الشيخ / رشيد بن زيد الزلامي حفظه الله ورعاه :-

يا صاحبي درب العلاء عسر بالحيل= ودونه مسافه جرهديه وجردا
وقدمك لعكفان الشوارب مداهيل= قطاعة الفرجه على كل سردا
وإن كان ما تقدر دروب الرياجيل=عود وتلقاء واحدٍ منك وأردا

وقال أيضا :-

لا يا طيور (ن) على رجم الهوى طيري=خليني أبدي بصوتي في نهابيره
أمشي مشاوير ما تحسب مشاويري=وأطرد ورى الحب لين أقفت مظاهيره
تعبت وأتعبت مع دربه مداويري=نبا نرده وأثر ما حولنا ديره

وقال أيضا :-

وين الذي يعرف حقوق الصداقه=عرفٍ على معناه وإلا بلاشي
يا شين أنا ماني بقطاع ساقه=وكلمت شرف عندي تساوي معاشي
وإن كان تزعلك العلوم الدقاقه=وجنبك جزوع (ن) ما يداني الرشاشي
لا تعتبر بيني وبينك علاقه=إلا سلام ومرحبا وأنت ماشي

وقال أيضا :-

قالوا نبي رايك بشعر الحداثه=قلت إنها بدعه ومضمونها سي
أنا بدوي ما يعشق إلا تراثه=وشعر الحداثه شي وتراثنا شي
تراثنا اللي وارثينه وراثه=وما قاله الميت يسولف به الحي

منقول مع خالص التحية وأطيب الأمنيات وأنتم سالمون وغانمون والسلام .


رد مع اقتباس
 
 
غير متصل
 رقم المشاركة : ( 7 )
خيّال العرفا
وسام التميز
رقم العضوية : 30814
تاريخ التسجيل : 27 - 08 - 2008
الدولة : ذكر
العمر :
الجنس :
مكان الإقامة :
عدد المشاركات : 1,784 [+]
آخر تواجد : [+]
عدد النقاط : 11
قوة الترشيح : خيّال العرفا is on a distinguished road
الأوسمـة
بيانات الإتصال
آخر المواضيع

التوقيت
رد: من قصائد الشاعر الكبير / رشيد بن زيد الزلامي

كُتب : [ 01 - 07 - 2009 - 09:50 ]

مشكور وما قصرت ولا هنت

إنا لقوم أبت أخلاقنا شرفا = أن نبتدي بالأذى من ليس يؤذينا
قوم إذا خاصموا كانوا فراعنة = يوما وإن حكموا كانوا موازينا
تدرعوا العقل جلبابا فإن حميت = نار الوغى خلتهم فيها مجانينا
إن الزرازير لما قام قائمها = توهمت أنها صارت شواهينا
بيض صنائعنا خضر مرابعنا = سود وقائعنا حمر مواضينا

رد مع اقتباس
 
 
غير متصل
 رقم المشاركة : ( 8 )
حزم الجلاميد
وسام التميز
رقم العضوية : 13329
تاريخ التسجيل : 02 - 05 - 2007
الدولة : ذكر
العمر :
الجنس :
مكان الإقامة :
عدد المشاركات : 1,642 [+]
آخر تواجد : [+]
عدد النقاط : 10
قوة الترشيح : حزم الجلاميد is on a distinguished road
الأوسمـة
بيانات الإتصال
آخر المواضيع

التوقيت
رد: من قصائد الشاعر الكبير / رشيد بن زيد الزلامي

كُتب : [ 03 - 07 - 2009 - 01:38 ]

مشكور وما قصرت ولا هنت

غلباء إليا عاف الرخاء بارد الزول = هل البخوت ولا دخلهم هلايم
عقال ما دام الردي يسمع القول = ومجن (ن) لا نطلـوا بالعـمايم



[ سبيع الغلباء - متيهة البكار - معسفة المهار - مدلهة الجار ]
رد مع اقتباس
 
 
غير متصل
 رقم المشاركة : ( 9 )
خيَّال الغلباء
وسام التميز
رقم العضوية : 12388
تاريخ التسجيل : 01 - 03 - 2007
الدولة : ذكر
العمر :
الجنس :
مكان الإقامة : نجد العذية
عدد المشاركات : 20,743 [+]
آخر تواجد : [+]
عدد النقاط : 49
قوة الترشيح : خيَّال الغلباء is on a distinguished road
الأوسمـة
بيانات الإتصال
آخر المواضيع

التوقيت
رد: من قصائد الشاعر الكبير / رشيد بن زيد الزلامي

كُتب : [ 07 - 09 - 2009 - 06:41 ]

بسم الله الرحمن الرحيم

= :: [ قصيدة في الرجاء للزلامي ] :: =

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبعد : إليكم هذه القصيدة الجميلة والمعبرة من قصائد الشاعر الكبير الشيخ / رشيد بن زيد الزلامي وفقه الله وحفظه ويقول فيها :-

ألا يا الله إن طالبك طاعتك ورضاك=وعلم ليا ذكروا أهل الخير نذكربه
أنا في رجاء عطفك وأنا ملتجي لحماك=تفرج هموم القلب يا فارج الكربه
ليا نسنس الغربي وحرك غصون الراك=وتلاحى الحمام وعالي الصوت يجهربه
أجاوب حمام الورق يالايمي عساك =يحدك زمانك يم من لا تبغي قربه
ذليل ليا جيته وحيداً تعد إخطاك=خجول وقلبك وهاج الثار تسعربه
ألا يا حمام الورق هيضني بغناك=مع الهم والغربال والبعد والغربة
ألا يا حمام الورق ما شفت وإلا جاك =ترى ينفع المهوم علم يشربه
عن الدار وأهل الدار والسر ما يخفاك=غريب تولاه الزمان وقلع شربه
من أول يجوز العذر للي يروح هناك=وأنا اليوم مالي عذر ويش أتعذربه
مسكها حكيم الرأي وإن دارت الأفلاك=وقاد السفينة وأشرق النور مع دربه

هذا والله يحفظكم ويرعاكم منقول مع خالص التحية وأطيب الأمنيات وأنتم سالمون وغانمون والسلام .


رد مع اقتباس
 
 
غير متصل
 رقم المشاركة : ( 10 )
lion1430
وسام التميز
رقم العضوية : 33225
تاريخ التسجيل : 12 - 12 - 2008
الدولة : ذكر
العمر :
الجنس :
مكان الإقامة :
عدد المشاركات : 2,431 [+]
آخر تواجد : [+]
عدد النقاط : 24
قوة الترشيح : lion1430 is on a distinguished road
الأوسمـة
بيانات الإتصال
آخر المواضيع

التوقيت
رد: من قصائد الشاعر الكبير / رشيد بن زيد الزلامي

كُتب : [ 07 - 09 - 2009 - 17:34 ]

مشكور وما قصرت ولا هنت

[size=4][align=center]يقول أبو زيد الهلالي سلامه = أدعى سو بقعاء مقدم الراس شايب
أخاطر بعمري في ذرى كل هيه = مر (ن) سلامات (ن) ومر (ن) مصايب
الإجهاد عدّى اللايمات عن الفتى = والأرزاق ما تأتي الفتى بالغصايب
رد مع اقتباس
 
إضافة رد

مواقع النشر (المفضلة)


الذين يشاهدون محتوى الموضوع الآن : 7 ( الأعضاء 0 والزوار 7)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
مجاراة الشاعر/رشيد الزلامي ناصر المحمدي منتدى الشعر الشعبي والنبطي ( شعراء الشبكة ) 3 26 - 01 - 2009 10:54
عبدالله العير * رشيد الزلامي ماجد الشماسي منتدى المحاورة والعرضة 4 15 - 07 - 2008 17:31
مجموعة من قصائد الشاعر الكبير // ناصر الفراعنة (( فيديو )) عطيب المضاريب منتدى المسابقات الشعرية 13 15 - 02 - 2008 23:44
مجموعة من قصائد الشاعر الكبير // ناصر الفراعنة (( فيديو )) عطيب المضاريب منتــــدى القصائـــــد المنقولــه 6 26 - 11 - 2007 05:30
الشاعر الكبير والراوي رشيد بن مساعد يرد على سعد بن ثلاب صــقــرالسهــول منتدى التاريخ والأنساب 6 27 - 08 - 2004 15:20


الساعة الآن 23:51.


Powered by vBulletin® Version 3.8.7, Copyright ©2000 - 2014, Jelsoft Enterprises Ltd. www.sobe3.com
جميع المشاركات تعبر عن وجهة كاتبها ،، ولا تتحمل ادارة شبكة سبيع الغلباء أدنى مسئولية تجاهها