العليل

[جزل العطايا]

حـــنّ العـلـيـل وهـــزّه الـشــوق لـلـولْـف=هــزّ الـهــوا لـغـصـون نـبــت الشّفـاشـيـف
صيـف وعلـيـه مــن الجنـوبـي هــواً صـلْـف=مـنـهـا دقـــاق الـنّـبـت عـــوجٍ مـهـاديـف
متمـكّـن بـالـجـوف جـــرح الـهــوا كـلْــف=سـهـرٍ بضـيـق وغمـضـة الـعـيـن تـخـريـف
مــن الولـيـف الـلّـي مشـاكـل هــواه ألْـــف=مكـتـوبـةٍ لالـــي ولالـــه عـلــى الـكـيـف
عـلـى طـريـق الـشّـوق عـكـس الـهـوا خـلْـف=ولافـــي يـديـنــي للـمـقـاديـر تـصـريــف
إلاّ الـوفــا ومـعـالــج الــيــاس بـالـحـلْـف=تجـديـد عـهــد أهـــل الـقـلـوب المـوالـيـف
لـوكـان هــذا هــو سـبـب حـالــي الـتّـلْـف=روحٍ نـصــوح ونـــوح مـعــدوم تـوصـيـف
مقـسـوم ضــرب سـهـوم بـمــزارق الـشـلْـف=بـيـن الخـصـوم الـخـوف مــن سـلّـة السـيـف

الشاعر/فلاح ابن مبرد المطيري

[خالد الشماسي]

حنّ العليل وهـزّه الشـوق للولْـف
هزّ الهوا لغصون نبـت الشّفاشيـف




رائع يا جزل العطايا ومختارات ذهب


صح لسان شاعرها ولا هنت على نقلها



لك اطيب تحية

[أبو يزيد]

الله الله ياجزل العطايا

دائمااا تفاجئنا بالروائع بيض الله وجهك وسلمة يمينك.

وصح لسان شاعر القصيده.

دمت ودام قلمك والى الامام,

[جزل العطايا]

مرحبابك يابو عمر ولاهنت على المرور الطيب سلمت

[جزل العطايا]

يامرحبا والله يابو يزيد ولاهنت على المرور الطيب سلمت يمناك على الردود وشهادتك وسام على صدري افتخر به دمت انت وردود الفذه