موت الشجـــر

[أبو يزيد]

[
على حد الهيار اختار لامعطى ولامحروم=أدور في طريقي لوعلى ماطا قدم راسي

يغربلني زماني وامتلي غيظ وكدر وهموم= وبالي من علومااا مرمسه ضايق ومنحاسي

غدت حالي مثل حالة الغريب الغادي المنجوم=ضرب جوااا خلا وابطى وغابت عنه الارماسي

الى منه بغى يصفي سماه اركت عليه غيوم=طواه الياس ماله كود ضرب اخماس باسداسي

تهون اكبر مصيبه في عيون الراضي المظلوم=ولايقدر يقول لضالمه ماعندك احساسي

عليه الحق وارد مير حقه دائمااا مهضوم=يقدر موقفه من مر فيه وذاق الافلاسي

وهوسيله حدور ولالتفسير الهوى ملزوم=شروق الشمس ميلاد الامل وغروبها الياسي

على رجوى وعد قبل امس وامس وكل يوم اليوم=يناظر غايبااا عذره معه مشغول متناسي

مشاويره تطول ويحسب ايام الشباب تدوم=بذرها واعتبرها من ضحايا وقته القاسي

وهو حاله مثل حالة غريقااا مايعرف العوم=يبي شم النفس ويغوص ويقولون غطاسي

يموت بصمت تحت اسم الكرامه لاعتب لالوم=(مثل موت الشجر واقف جذع وعروق يباسي)


الشاعــــر

ماجــــــــد الشــــــاوي

[يســ الصمت ــود]

يموت بصمت تحت اسم الكرامه لاعتـب لالـوم
(مثل موت الشجر واقف جذع وعروق يباسـي)


آخوي ابوو يزيد قصيده رائعه بيض الله وجه ناقلها وصاحبها


لاهنت وبيض الله وجهك



تحياتي