تسجيل الدخول

مشاهدة النسخة كاملة : والله إنك ماتضايـق وبالكـون سهلـي

سلطان البرازي
13 - 08 - 2006, 11:20
قصيدة الشاعر الـكويـتي المعروف ذيب الشمري
في مدح ناصر بن ضبيب البرازي وقبيلة السهول






امتثل ياهاجس الشعر مطلـوب المثـول =عبر اللي نامرك فيـه واسمـع مايلـي
سامعٍ قرع المعاني مثل قـرع الطبـول =من هجوسٍ في ضميري تغيض وتمتلـي
ارتفع ياهاجس الشعر عن مدح الثعـول =للأسود أهل الشهامـة وحظـك يعتلـي
الاسود اللي تفـك الصعايـب والقفـول =نارهم في ساحة الطيـب نـارٍ تصطلـي
يوم زادت فوق متني ثقيـلات الحمـول =صحت انا في عالي الصوت ربعي ياهلي
قالوا ازبن صوب حرٍ من حرار السهول =والله إنك ماتضايـق وبالكـون سهلـي
أبشر برفة حجاجك ترى همـك يـزول =أوصل ابن ضبيب ناصر وليلك ينجلـي
قلت والله لاصل الحر يانعـم الوصـول =وجيت ابوراكان عاني وعقلـت جملـي
في محلٍ قام ساسه على طيـب الفعـول =عز طـلاب المعـزة وحـرز المبتلـي
ياعظيمين المواقف عريبيـن الاصـول =مانشف هداج تيمـا مـن كبـار الدلـي
حاجتي دلـو صغيـر وحبلـي مايطـول =والولاة انتم علـى الامـر والله الولـي
كاسبين المجد الاول على ظهور الخيول =كم سقيتوا شذرة السيف والـدم يغلـي
والقلم اصبح كما السيف لاصحاب العقول =من يقول المجد وقف الزمـان الاولـي
والفخر باية وسيلة ينولـة مـن ينـول =حظ من طالت يمينـه وعزمـه مابلـي
مسلط 22
13 - 08 - 2006, 12:25
الاخ سلطان السلي بعد التحيه بيض الله وجهك على هالقصيده الرائعه وصح لسان ذيب الشمري وناصر بن ضبيب ماوجهت له القصيده الى انه كفو ويستاهل والنعم بالسهول كلهم وانت سالم والسلام
أبو يزيد
13 - 08 - 2006, 14:40
الاخ/سلطان البرازي

بيض الله وجهك على النقل الرائع
وصح لسان الشاعر /ذيب الشمري

قصيده جزله وفي رجل يستاهل ووالله ونعم يابني عمنا
فتى العزه
13 - 08 - 2006, 17:11
الاخ/سلطان البرازي

بيض الله وجهك على النقل الرائع
وصح لسان الشاعر /ذيب الشمري

قصيده جزله وفي رجل يستاهل ووالله ونعم يابني عمنا
سلطان البرازي
20 - 08 - 2006, 02:34
الاخوان الأفاضل هل الغلباء
الاخ مسلط
الاخ ابويزيد
الاخ فتى العزه
مرحبابكم مليار يردف مليار ياالوجيه الخيره ونورتو متصفحي ياالمطانيخ ووجيهكم بيضا وابركها ساعه الموضوع اللي اطرحه والا القصيده والا الوقعه اللي اطرحها باالمنتدى ماتزين الا بمرور منهم مثلكم


كونو بخير ياابناء العمومه
الهلالي2
20 - 08 - 2006, 11:42
الاخ سلطان البرازي المحترم :
تحيه ود وتعارف
أطلعت على موقعكم الشامل ودفعني ان أتصل بكم كوني من الاعلاميين في المواقع على شبكه الانترنيت وهي :


1الكاتب العراقي
2الفنان العراقي
3بنت الرافدين
4الهدف الثقافي_تحياتي
5ناصريه نت
6سومريون نت
7منتدى واتآ_جمعية المترجمين العرب
8منتدى شروق الاعلامي الادبي_ الننلكه العربيه السعوديه
وكل هذه المنتديات انا عضو ناشط فيها
الاختصاصات:
1الفن التشكيلي الكتابه فيه
2الكتابات الادبيه والكتابات التراثيه
المخلص
حسين الهلالي
عالي مقامه
21 - 08 - 2006, 21:02
والله ونعم بالسهول وصدق فيهم الشاعر
الكوكب السيار
02 - 09 - 2006, 22:13
ونعم ومية الف نعم
السهول بني عمنا والجد واحد والحمية واحده
ومن لا يشوش لهم ما فيه خير
سلطان البرازي
22 - 09 - 2006, 22:11
الهلالي
عالي مقامه
الكوكب السيار
حياكم الله وماعليكم زود
خالد ال شيخ
24 - 09 - 2006, 01:44
مشكور الاخ سلطان على نقل هذه القصيده الرائعه وصح لسان الشاعر ويستاهلون السهول ونعم في المرسله له والقبيله عامه
سلطان البرازي
24 - 09 - 2006, 01:57
حياك الله ياخالد وشكر لمرورك واطرائك العذب ولاعليك زود
العويد
24 - 09 - 2006, 04:21
عزالله ماظلم حظه الشمري

صح لسانه والقصيده مهيب غريبه الا الغريب ان مثل هالقصايد ماتنقال في السهول

لاهنت اخي الكريم وبيض الله وجهك

وهلا بك بين بني عمك

اخوك
سلطان البرازي
27 - 09 - 2006, 23:36
العويد حياك ياغلاي ووجهك ابيض لاهنت على المرور والتعليق
صياهد رماح
28 - 09 - 2006, 00:56
بيض الله وجهك يالسهلي






وانتم كفو يالخوال












وصح الله لسان الشمري










ووويستاهلون السهول كل علومهم طيبه كرم و شجاعة وفاء وخوة





وعدم تكبر!!! ووواللي يخاويهم كنهم منهم ونفوسهم عزيزة






ومايقربون الامور الدنفسة !!!!!
أبو سليمان
28 - 09 - 2006, 01:06
الاخ/سلطان البرازي

بيض الله وجهك على النقل الرائع
وصح لسان الشاعر /ذيب الشمري
وافي السبـيعي
28 - 09 - 2006, 17:16
الاخ/سلطان البرازي

بيض الله وجهك على النقل الرائع
وصح لسان الشاعر
سلطان البرازي
03 - 10 - 2006, 16:10
صياهد رماح ــــــ ابوسليمان ـــــــــــــ رياض السبيعي
لاهنتو على المرور والتعليق