تسجيل الدخول

مشاهدة النسخة كاملة : الى سعد مع التحيه

ابن شطيط
12 - 06 - 2003, 17:26
بسم الله الرحمن الرحيم

هذه قصيده كتبتها اليوم وتعبر عن موقفي من اخوي الغالي سعد بن جراش والموقف اللي صار بينا واتمنى تحوز على رضاه ورضاكم واقول:



هاضني من لابتي بعض الكلام = لا مزعلهم ولانيب ازعلي
ياسلام الله عيهم ياسلام = من ضمير صافي لأبنا هلي
ارسم القيفان واكتب بانتظام= من همومِ لو تراكم تنجلي
اتمثل عند نابية السنام = في مناهي رماح في جوٍ خلي
البداوه في ضميري ماتنام = واتذكر كل يوم مدهلي
ياسعد يابن الحموله ماتلام = بنقى تعرف وحظك معتلي
مع كلامك هاضني ورق الحمام = والدلي دايم تغيض وتمتلي
انت من ربع ليا ثار العسام = فزعتلي في الزمان الأولي
من تعلق في نسبكم مايضام = يذكر ال جراش لامنه بّلي
ياهل الخرمه مقابيس الظلام = مالكم في وقتنا الماضي حلي
اذكر الله في المبادي والختام = والتحيه لرفيق الأمثلي




اخوكم ابن شطيط
العويد
12 - 06 - 2003, 22:14
اخوي : بن شطيط


صح الله لسانك مليون يالقرم .

قصيده جزله من جزل .

وسعد بن جراش يستااهل كل خير

ونعم فيك انت وسعد .

كفيت و وفيت .

اخوك مذكر
خالد الشماسي
12 - 06 - 2003, 22:44
صح لسااااااااااانك يا ابو بجاد


قصيده جزله وقافيه صعبه تدل على وجود شاعر كبير خلف هذه القصيده

تسلم يا شاعرنا الكبير بن شطيط
البدر
13 - 06 - 2003, 00:15
ابن شطيط


لاهنت يالقرم على القصيده الجزله وبيض الله وجهك وصح لسانك ملاين وابو ظافر يستاهل



تقبل تحيات اخوك البدر
عيسى السبيعي
13 - 06 - 2003, 03:44
الأخ ابن شطيط

السلام عليكم ورحمة الله وبركاته

قصيده جز له من شاعر جزل لشاعر (ن) يستاهل وكلكم من الرمو ز

اللتي يفتخر بها ولاهنت على هذه الأبيات وسعـد يستاهـل

تحياتي لكم جميعا ولاتنسونا من دعاكم

بالتوفيق والنجاح في الإختبارات جعلنا الله

وياكم من الناجحين في الأخره آمييييييييييييييييييييييييين


أخوكم الواسطــه ]:p:p:p
الكوكب السيار
13 - 06 - 2003, 04:05
ابن شطيط

لاهنت لاهنت لا هنت لاهنت لا هنت لا هنت لا هنت يالغالي


وابن جراش يستاهل وذيب ولد ذيب


صح لسانك ملايييييييييييييييين
سعد بن جراش
13 - 06 - 2003, 05:23
ماقول غير صح لسانك وبيض الله وجهك


وهذي ابرك الساعات اللي خلتنا نشوف شي جديد منك

والله لايهينك ولايهين جميع الاخوان اللي ردوا واللي بيردون


وماعليكم زود جميع


وابشر ياأخي العزيز بالرد

وانت راعي الاوله وراعي الاوله ماينلحق
ابن شطيط
13 - 06 - 2003, 07:48
اخوي العويد صح بدنك

وماقصرت على المشاركه





الأخ ابو عمر

صح بدنك ومشكور على مرورك وانت الكبير طال عمرك

ومشكور


البدر

صح بدنك وماتهون طال عمرك

ومشكور على المرور


الواسطه

صح بدنك والله يوفقنا وياك

الكوكب السيار

تسلم يالغالي وماتهون
واسعدني مرورك
smart
15 - 06 - 2003, 13:49
صح الله لسااانك مليووون ولايكفووون يااابن شطيط

ابيااات في قمة الروووعه والجمااال


تحيااتي وتقديري



http://www.nk1.net/f14.gif
المزاح
17 - 06 - 2003, 00:38
صح السانك مليوووووون اخوي بن شطيط

قصيده جزله وشاعرهااااااااا مبدع

تحيااااااااتي
ابن شطيط
21 - 06 - 2003, 19:45
الأخ الغالي والجار العزيز

smart

صح بدنك ومشكور على المرور والله لايهينك




الأخ الغالي

المزاح

صح بدنك وشهاتك وسام

لاهنت وبيض الله وجهك



اخوكم

ابن شطيط
نديم القوافي
23 - 06 - 2003, 09:38
صح السانك مليون اخوي بن شطيط
ومشكور يالغالي علي هاذي التحفه
الرئعه جدٍ تقبل فائق تحياتي
ابن شطيط
05 - 07 - 2003, 06:33
نديم القوافي

صح بدنك ولاهنت على المرور والمشاركه

تقبل تحياتي