المال غطى للردي كل عيبي = لو قال أنا بأبوق بيت اقصرانا

[السبيعي الغازي]

دوكم هذه القصيدة للشاعر/ مبارك بن فايز آل محمد.
منقولة من كتاب( سوالف الطيبين) [ج3]


يالله يا اللي طالبك ما يخيبي "=" يا ساتر العورات تستر عرانا
يا ربنا اللي للدعاء تستجيبي "=" يا قابل الدعوات تقبل دعانا
ويا الله دخيلك من رادات النصيبي "=" ومن هرجة يرمى بها في قفانا
يا فكرتي من شيء أشوفه غريبي "=" نامر على جهالنا وتعصانا
وصار أقرب العربان خصم طليبي "=" يا الله تصون أعراضنا وتحمانا
وصار الحصيني تالي الوقت ذيبي "=" والحر الأشقر صار مثل السمانا
وصار القريب بعيد لو هو قريبي "=" وكم نستغيث ولا يغيم سمانا
والسيل جنّب عن مجاري الشعيبي "=" ترعد وتبرق والمطر من ورانا
والمال غطى للردي كل عيبي "=" لوقال أن بأبوق بيت قصرانا
شيء يشيّب قبل وقت المشيبي "=" وقت حدا اللي قبلنا ويحدانا
وأشوف وأسمع وأكتمه ما دريبي "=" لوكان تخطي ربعنا وأصدقانا
ولا طاب فينا الوقت حنا نطيبي "=" وليا تردى الوقت بين ردانا
وكل على متنه عتيد رقيبي "=" وليا عطينا ما نبين عطانا
وصلاة ربي عد شمس تغيبي "=" على نبي للهداية هدانا

[ابن جـــــــراح]

السبيعي الغازي

بيض الله وجهك وسلمت يمينك على هذه القصيده الاروع من رائعه

وصح لسان شاعرها >>>>> مبارك بن فايز آل محمد

وتقبل تحياتي يا الغالي من القلب

[البدر]

السبيعي الغازي

بيض الله وجهك وسلمت يمناك على نقل القصيده الجزله وصج لسان الشاعر مبارك بن فايز آل محمد ملايييين والشاعر مبارك شاعر معروف





مع تحيات اخوك البدر

[ابن شطيط]

سلمت يمناك اخوي السبيعي الغازي

وعرفت تختار من القصايد جزالها

وصح لسان الشاعر مبارك ابن فايز

وننتظر جديدك

اخوك

ابن شطيط

[خالد الشماسي]

السبيعي الغازي

صح لسان الشاعر وسلمت يد الناشر والناقل

قصيده مفيده وفيها تجارب كثيره
لكم تحياتي

[سعد بن جراش]

سلمت يمينك يالغازي

وصح لسان الشاعر مبارك

قصيدة جزلة وراعيها جزل وناقلها جزل

الله لايحرمنا من اهل الجزالة

[السبيعي الغازي]

الأخوة / ابن شطيط و البدر وأبو عمر وابن جراح وسعد بن جراش والأخوة جميعاً
أشكر لكم مروركم وتعليقكم. والجزل للجزلين .

وتقبلوا جميعاً فائق تحياتي ودعواتي الصادقة للجميع بالتوفيق

[عواكيس]

أخوي / السبيعي الغازي صح لسان الشاعر وسلمت يمنى الناقل مع أطيب أمنياتي وخالص تحياتي .

[خيَّال الغلباء]

بسم الله الرحمن الرحيم



بعض العرب لا من هرج هرجه اكبار = وليا تكلم قلت وش ذا الوليده
وليا بخصته لينه أنجس من الفار = الحقد في قلبه ونفسه زهيده
يمشي على وجهين بـلسان مكّار = علم (ن) ينقص به والآخر يزيده
عنده علوم اطوال ويدينه اقصار = ويفرح ليا من حصّل اللي يريده
ويصور اللي باقي (ن) ما بعد صار = وكثر التَمدّح مالي (ن) به رصيده
الطِيّب راح يمين وهو دربه ايسار = متسلح (ن) بعقال ولّا جريده
وليا كذب له كذبة (ن) مالها عيار = قام ايتخطف مخرج (ن) يستفيده
وسط المجالس عنده لسان ثرثار = يالله عسى الثعبان الأسود يصيده
الطِيب ماله عند الأنذال مقدار = وأهل القلوب الميتات البليده
يالله عسى الأنذال بقصف الأعمار = وأهل النمامه والعلوم النكيده
من شان ما يحصل على العالم أضرار = اللي قريِّب دارهم والبعيده
والله يساعد كاسب الطِيب والكار = وأهل النوايا الطيّبات الحميده
اللي تعز الضيف وتقدر الجار = وقت المعاند بالمواقف عنيده
اللي يطبون الخطر وقت الأخطار = أهل العلوم الطيبات المجيده
ترا الردي غدار والوقت غدار = وترا الليالي لينات وشديده
الله يسترنا من الفقر والعار = وأجعل لنا يالله حياة (ن) سعيده
واستر علينا يا ولي وأنت ستَّار = وأجعل وفاة النفس عندك شهيده
والناس صارت تالي الوقت شعَّار = والفرق يطلع في معاني القصيده
وصلاة ربي عدّ همَّال الأمطار = على نبي (ن) نعتقد به عقيده

:::... الشاعـــر ...:::
:::.... مبارك فايز البخيت المحمدي السبيعي ....:::