بداية

[محمد الرفاعي]

سلام يا سبيع تسليم يسر الصدور
تسليمة تشرح الخاطر وغنيتها
من هاجس في مجال المعرفه ما يبور
من بحر جزل المعاني ينبني بيتها

[فـــالح السبيعي]

يامرحبا مرحبا يامرحبا بالحضور ترحيبةٍ في محل سبيــــع سويتها
لاصرت سباح مايغرقك موج البحور بعض الهواجيس لوتجيك ماجيتها

[أبو يزيد]

محمد الرفاعي....... بدايه رائعه

ابوبنـــــــــــــدر......دائماااا مبدع


واصلوا.....ابداعكم ونحن لنا الاستمتاع

لاهنتــــــــــــوا

[فـــالح السبيعي]

أهلا سعادة الريس أبو يزيد
مرورك وتشجيعك تاجٍ على روسنا

[محمد الرفاعي]

خلك على شدة الأيام رجل صبور:::ما كل صعبة تصلها لو تهقويتها
االـ بن الاشقر على اهل الطيب كيفه يدور:::احكم عل الشاذليه لا تقهويتها

[فـــالح السبيعي]

من يقطع إشارة المرور جاه المرور
ترحيبةٍ طيبه وأنته تعديتها
يامحمد الوقت شالك لاتلف وتدور
ماهمنا الأرض لوتطلع عفاريتها

[أبو يزيد]

محمد الرفاعي

سلام
يا سبيع تسليم يسر الصدور=تسليمة تشرح الخاطر وغنيتها

من هاجس في مجال المعرفه ما يبور=من بحر جزل المعاني ينبني بيتها

أبوبنــــــــــــدر


يامرحبا مرحبا يامرحبا بالحضور=ترحيبةٍ في محل سبيــــع سويتها

لاصرت سباح مايغرقك موج البحور=بعض الهواجيس لوتجيك ماجيتها


محمد الرفاعي


خلك على شدة الأيام رجل صبور=ما كل صعبة تصلها لو تهقويتها
االـ بن الاشقر على اهل الطيب كيفه يدور=احكم عل الشاذليه لا تقهويتها
أبوبنـــــــــــدر


من يقطع إشارة المرور جاه المرور=ترحيبةٍ طيبه وأنته تعديتها

يامحمد الوقت شالك لاتلف وتدور=ماهمنا الأرض لوتطلع عفاريتها



الله يرعاكـــــــــــم واصلـــــــوا

وازهلوا الصفـــــــــــــــــــوف

[محمد الرفاعي]

انته ترحب بعد سلمت وانت معذور:::دام البقاء يا رجالٍ ذايعٍ صيتها
ترى الجبال الرواسي مرسية والقصور:::يومن قوم النصارى في حوانيتها

[مشعاب]

محمد الرفاعي....... بدايه رائعه

ابوبنـــــــــــــدر......دائماااا مبدع


واصلوا.....ابداعكم ونحن لنا الاستمتاع

لاهنتــــــــــــوا


<<< ما اخذها من ابو يزيد

[برق الشمال]

الله وش ذاسلوب الطيب الحقيقه انا من جما هير ابو بندر

[فـــالح السبيعي]

الصقر ممشاه دايم مع مماش الصقور
هات العلوم الجداد اللي تحريتها
خل الصواريخ تطلق والقنابل تثور
وتبقى الرواسي رواسي كان عديتها

[فـــالح السبيعي]

الأخــــــــــــــــــــــــــوه الأعـــــــــزاء
أبويزيد........مشعاب.......برق الشمال
يسعدني ويشرفني مروركم وتشجيعكم لكم أطيب تحيه

[محمد الرفاعي]

يشرفني تواجدي في هذا المنتدى الرائع ويشرفني مداخلاتكم جميعاً واستلم يا بوبندر:


مقيم والا يا بوبندر مجرد عبور:::اجازتك هالسنة ياوين قضيتها
ما عندنا الا رماحٍ يفلجن النحور::::والبارجة يم دار القوم رديتها

[خالد الشماسي]

رااااااااااااااائع يا محمد الرفاعي
رااااااااااااااائع يا أبو بندر




محاورة راقية من شعراء كبار



واصلو وحنا معكم

[فـــالح السبيعي]

النمر ذا ياعرب يشبه عيال النمور
قام يتحدى رجالٍ ماتحديتها
يمكن يطيح الجبل وألاتطيح الصخور
وأهني العالم ولامت عزيتها

[محمد الرفاعي]

اابو عمر إشادة أعتز فيها واستلم يا بو بندر:

النمر يفرسك ويخليك زاد النسور:::أنته وقود الجحيم إن كان شبيتها
انا غناوي وغيري مبتلى ومعسور:::يا ليتها تفهم المقصود يا ليتها

[فـــالح السبيعي]

بعض العرب ماحداني معه حب الظهور
اللي يعكس الحكايه لاتحاكيتها
أنا معك في السوالف وأنتبه يامعثور
زكيت نفسك غريبه كيف زكيتها

[فـــالح السبيعي]

]الأخ الغالي أبوعمر [/size]
شكراً على تشجيعك وإشادتك بجميع الشعراء

[أبو يزيد]

الله الله الله

كلام كبير وكر وفر من الطرفين..........
منكم الابداع ومنا التشجيع والاستمتاع.....

[محمد الرفاعي]

ارتعت وأنا احسبك في الدرب قلبك جسور:::تبرالها في الطريق ولا تعديتها
الميته للرحام وتندفن في القبور:::مدري صلاة العشاء ياكيف صليتها

[فـــالح السبيعي]

أول شي (تعديتها) سرت يمكن ما دريت ومعذور على كل حال وأستلم لاهنت
أنته رفاعي رفاعيٍ من أي الطيور
روعتني روعةٍ لاماتناسيتها
والله مأفكك مأفكك غير وقت السحور
وكم لحيتٍ في وغا الهيجاء توطيتها

[مصلح ربح]

ابداع متميز

[فـــالح السبيعي]

الأستاذ القدير مصلح ربح من طول الغيبات جاب الغنايم
ممكن نعذرك إذا أنت مشغول بروحانية الشهر الكريم
هنيئاً لك
وشكرا على المرور

[محمد الرفاعي]

حنا القرانيس نشهر في جميع العصور:::كم روس قوم تحت الاقدام دكيتها
ما كل من يعتزي يقدر يسد الثغور:::هيباتنا تحتميك ويدك شليتها

[فـــالح السبيعي]

قلي بأسم ربعك المشهور لا لا تخوروش فيك خجلان ماتعرف عناتيتها
]حنا سبيع العريقه مكثرين الكسور[/color]
تشهد لنا صفحة التاريخ لأمليتها

[محمد الرفاعي]

من روس غامد حماة الدين طول الدهور:::افعالهم في سجل المجد ما حصيتها
والنعم في سبيع قومٍ ما عليهم قصور:::الأقدام من شأنهم في الدرب عنيتها

[فـــالح السبيعي]

حياك ياغامدي على العشاء والفطور
عزيمةٍ من سبيعيٍ لك أصخيتها
ونهاية العلم عطرتك بزين العطور
ياشاعرٍ في المواقف رجلك أحفيتها

[فـــالح السبيعي]

سعدت باللعب معك يامحمد الرفاعي
فبرغم المد والجزر الذي صار بيننا إلا إن الإحترام هو الحاضر في النهايه
تعجبني شاعريتك لك مني كل الإحترام والتقدير وحياك الله في منتدى سبيع الغلباء نيابةً عن ربعي
ومشكوووووور والله يعطيك العافيه

[محمد الرفاعي]

الله يبقيك ويعافيك ويشرفني تواجدي معكم وشهادتك افتخر فيها

[ربح السبيعي]

الرفاعي وابوبندر


صحت السنتكم على هالمحاوره الرائعه

[فـــالح السبيعي]

يامرحبا ياربح ومشكور على المرور والإطراء