الشاعر عبدالله بن عبدالعزيز العليوي (2)

[ابن جـــــــراح]

السلام عليكم ورحمة الله وبركاته

كما وعدتكم اخواني بجلب قصائد الشاعر عبدالله بن عبدالعزيز العليوي

فسوف اضع في كل اسبوع قصيده للشاعر علها ان تجد رضائكم واستحسانكم

وهذه احد قصائد الشاعر ارجو ان تستمتعوا بقرائتها
البــارحه مــا ذاقــت الـنـوم عـيـنـي.......... فــكــرت بــاللـي بين ربـعـي وبينـــي
واحــتـرت واحتــار القــلم في يديني..........الى متى اصبر وارتجي راحت البــال

عــجــزت اميز صــاحبي من عدوي.......... يا رب ضاقت حيــلــتي ويش اســوي
وانــا عــلـى درب الغــرابيــل تــوي..........اخــاف زود الهــم يقضي عــلى الحال

على الوفا والصدق هــــلت دموعي..........مجبور اطيع الوقت واعلن خضوعي
ملزوم اطيعه غصب ما هو بطوعي..........احلامي الــسـودا رمتني على الجــال

يا ناس وين اهل الوفـــــا والصداقه..........الظـــلــم لـــو تــدرون مــر مــذاقــــه
قلبي غدا يــا نــاس منكــم حــراقـــه..........مـــلــيــت فــكــونــي من القيل والقال

يـا نــاس مــا فيني من الهم كـــافين.......... قلبي واعـــــرفه ما يبي من يواسين
اشــوف حــظي عـــاثر شوفة العين.......... والحـــل بين ايديـــك يا طيب الفـــــال

يـا نـاس انـا بـالحيـل صعبه ظروفي..........ابــي الامـــان الــلــي ينســيــن خوفي
ودي تـبـيــن مــا بقــــلــبي حــروفي.......... والمشكلــه قالــوا لهـــا الـف حـــلال

ابــكـي عـلــى ربـع نسـوني وراحوا.......... والـحــق معهم من شقاي استراحوا
مـا قصـروا يا ما الا اخطيت صاحوا.......... وانــا عــنـيـد وكـلـمــة الـحــق تنقال


ارجو ان تحوز على رضائكم واستحسانكم

وتقبلوا خالص تحيات اخوكم بن جراح

[البدر]

ابو عبدالله


لاهنت وبيض الله وجهك على نقل القصيده والحقيقه انك قلت وفعلت وصح لسان الشاعر عبدالله العليوي والحقيقه انه من ابرز الشعراء في المملكه وافضلهم حتى ولو كان مقل في الظهور الا ان كل قصائده مميزه


اكرر شكري وتقديري لك يابو عبدالله


اخوك البدر

[ابن شطيط]

لاهنت يابو عبدالله تقول وتفعل

وصح لسان الشاعر عبدالله العليوي وقصيده من اصدق القصائد

كلماته ومعناه يشدنا اليه

سلمت يمينك
وماقصرت

تقبل تحياتي

ابن شطيط

[خالد الشماسي]

الشاعر عبدالله بن عبدالعزيز العليوي شاعر كبير


وهذه القصيده من اجمل القصائد واظنك قد إنتقيتها من قصائده فهي تبدو رائعه صادقه



ألا أقول يا بن جراح :

ما نقدر ندعو الشاعر للمنتدى سواء عن طريقك او عضو يوصل له دعوتنا للتسجيل في المنتدى .

[ابن جـــــــراح]

البدر
ابن شطيط
ابوعمر

الف الف شكر لكم على المشاركه وبيض الله وجيهكم وسلمت يمين كلٍ منكم

مروركم دافع لتقدمي للامام فلولا الله ثم اشادتكم لما كتبنا

وتقبلوا تحيات اخوكم بن جراح

[الكوكب السيار]

ابن جراح


الله لا يهينك ياخوي على هالجهد الرائع

والحقيقه قصيده بما تعنيه الكلمه

وصح لسان الشاعر عبدالله العليوي

[سعد بن جراش]

اخوي ابو عبدالله

الله لا يهينك على الجهد الواضح للعيان

وصح لسان شاعرنا الكبير العليوي ولاتحرمنا من ما لديك من قصائده

فنحن دائما ً فانتظار ما تجود علينا به من هذه الروائع


تقبل تحياتي

[السبيعي الغازي]

سلمت يمينك ...وصح لسان الشاعر
جزل ولا تختار إلا الجزل .

تحياتي الصادقة يا أبو عبدالله .

أخوك/ السبيعي الغازي

[ابن جـــــــراح]

الكوكب السيار

لا هنت على المرور وصح بدنك نيابه عن الشاعر

مرورك هو الدافع للكتابه لا حرمنا منك

سعد بن جراش

لا هنت وابشر باللي تبي

وصح بدنك نيابه عن الشاعر ومرورك يكفيني فخر

السبيعي الغازي

سلمك الله من كل شر وصح بدنك ولا هنت على المرور

واجزل ما في القصيده وجود ردك عليها

اخواني جميعا لولا ردودكم لما كتبنا بيض الله وجيهكم على المشاركه

فتقبلوا خالص تحيات اخوكم بن جراح

[مخايل الغربي]

الشاعر عبدالله بن عبدالعزيز العليوي شاعر كبير
وهذه القصيده من اجمل القصائد واظنك قد إنتقيتها من قصائده فهي تبدو رائعه صادقه
ألا أقول يا بن جراح :ما نقدر ندعو الشاعر للمنتدى سواء عن طريقك او عضو يوصل له دعوتنا للتسجيل في المنتدى .بسم الله الرحمن الرحيم

المكرم الاخ الشيخ ابو عمر السلام عليكم ورحمة الله وبركاته وبعد الشاعر متوفى رحمه الله قبل ان تكتب هذه المرفقه وانت سالم والسلام

[خيَّال الغلباء]

بسم الله الرحمن الرحيم

الشاعر / عبدالله بن عبدالعزيز العليوي رحمه الله وأسكنه فسيح جناته اسم لامع في عالم الشعر ونجم ساطع فيه ، قد لا أكون مبالغا في الوصف إن قلت أن الشاعر / عبدالله العليوي يضم بين جنبات شعره الرقة والشجن والحزن وكان في الساحة شاعرا مبدعا وأديبا متميزا ، وإليكم هذه الأبيات من ديوانه :

عفت أنا الدنيا إلى جـار الصديـق
= كل واحد صار بالشكـوى يضيـق

من يدور لـه بـذا الغابـه رفيـق
= ينقضي عمـره ولا يلحـق منـاه

دمعتي تجري ولا أحـدٍ لـي بكـى
عندهم شكـواي ما تلقـى صـدى

يا وجيه الغدر ويـن أهـل النـدى
= أبعدوا عنـي تـرى عفـت الحيـاه

كم أنا مخدوع فيكـم مـن سنيـن
= عشت أنا المظلوم وأنتـم ظالميـن

لـي خفاياكـم ورا تـوه تبـيـن
= يوم دار الوقت وأظهـر لـي رداه

كنت أشارك في هموم الكـل منكـم
= كم تمنيت أحمل الضيقـات عنكـم

لو دريت إن الوفاء وهـم بنظركـم
= ما قضى عمري وأنا أزرع في صفاه

منقول وأنتم سالمون وغانمون والسلام .

[سبيعي3]

رحم الله هذا الشاعر الموهوب
واسكنه جنانه