تسجيل الدخول

مشاهدة النسخة كاملة : طاروق بمناسبة اعمار المباركه

ربح السبيعي
07 - 10 - 2006, 23:53
حسبي عليك اعمار خيبت لضن=خيبت هقوات بمسماك يهقن

حسبي عليك انته وحسبي علىمن=الله يكافي منك تالي زمنا




ياللعجب وش حصل ياشركة اعمار = خنتي حساباً من اول حاسبينه


والكارثه كان بعد السوق ينهار = رحنا ضحية خبيثين الضغينه
ماضي المديري
08 - 10 - 2006, 00:56
الشاعر ربح طااااااااااااااروقً طيب

اتمنى اني شاعر كان ارد عليك يالذيب وشفي غليلي من اعمار

تحياتي
ربح السبيعي
08 - 10 - 2006, 04:25
هلابك عقيد القوم


شرفتنا بمرورك يالقرم
خالد الشماسي
08 - 10 - 2006, 04:40
استلم لاهنت

يا ربح هذا سوقنا إنك تعرفه = يحير في ممشاه راع المعرفه
للدر واللأماس ما فيه صرفة = الله يكافي منك تالي زمنا



خل الهوامير تملأ جعبة الفار = وتشوف مشيٍ يشوق ناظرينة
السوق تسعين يومٍ نار في نار = خلك مع اللي نجو فوق السفينة
أبو يزيد
08 - 10 - 2006, 07:25
ربـــــــح........ابوعمـــــر

رائعين ومبدعين......

واصلوا ونحن بابداعكم مستمتعين

لاهنتوا
راشد التوم
08 - 10 - 2006, 16:31
لاوخساره هقوتي فيـك يأعمـار
ضنيت فيك الخير وانتي رديـه
حسبت سهمك يرتفع فوق الاسعار
كنا نتوقع فـوق تسعيـن ميـه
ياليت ماصارت ولاذكرها صـار
والناس بلشت بين روحه وجيـه



والله ماني شاعر بس لطشتها على دربي وانا مار
ربح السبيعي
08 - 10 - 2006, 16:39
مرحبابك يابوعمر


استلم لاهنت


يابوعمر ماعاد منها استفاده=ماعاد فيها يالسنافي زياده

حصل لها حربٍ تسمى الاباده = والله يكافي منك تالي زمنا




هذا هو إللي حصل هذا الذي صار=لاكن ياقل والله مدركينه

صرنا كما إللي مابين النار والغار=والله يعلم بما تقبل سنينه
ربح السبيعي
08 - 10 - 2006, 16:47
ابويزيد


مرحبابك يالقرم ومتابعتك شرف لنا
مصلح ربح
08 - 10 - 2006, 19:30
ربح بن خالد

خالد عبدالله

عشتوا وعاش ابداعكم

واصلوا ونحنوا مشجعين
فـــالح السبيعي
08 - 10 - 2006, 21:13
]ربح السبيعي وأبوعمر[/size]
ننتظر الإبداع والصفوف والمه
شد الحيل يالصفوف
ربح السبيعي
08 - 10 - 2006, 21:19
ابو صامل


مرحبابك تشرفنا بمتابعتك لنا


ابوبندر


مرحبابك يالقرم ووجودك وتشجيعك يكفي عن الصفين
محمد بن كسران
09 - 10 - 2006, 03:04
السلام عليكم
ربح وابوعمر
واصلو الصفوف شبت نااااااااااار
الله لايهنكم
تحياتي
خالد الشماسي
09 - 10 - 2006, 03:25
استلم لا هنت


أصبر ووسع يا إبن الأجواد بالك = وترى العجول يطيح وسط المهالك
ويا جعل فال الخير يا ذيب فالك = الله يستر منك تالي زمنا



لا تسمع اللي يقولونه بالأخبار = هذي تسيس لبو متعب مدينه
يا راعي الأوله يمناك تختار = نبغي رجال مواقفهم رزينه




آسف جدا على التأخير ،، وإن احببت وضع وقت مباشر يكون افضل لنا
خالد الشماسي
09 - 10 - 2006, 03:29
عقيد القوم

أبو يزيد

التوم

مصلح ربح

أبو بندر

محمد بن كسران



شرفنا مروركم واسعدنا حضوركم

لكم اطيب تحية
ربح السبيعي
10 - 10 - 2006, 16:57
صبرت مير الصبر ياذيب طالي=ماعاد باقي صبر يابن الحلالي


وشلون ابا اصبربعد ماراح مالي=الله يكافي منك تالي زمنا




ماهيب باعمار هذي شركةإدمار=هذا الخبر وافهمو ياسامعينه

إليا نويت الامر فارسلي اشعار=ويجيك رداً يشوق طالبينه



الليله يابو عمر إذا فاضي من بعد الساعه 9:30 نكمل الطاوق بمشيئة الله
ربح السبيعي
10 - 10 - 2006, 17:02
مرحبابك يابن كسران


والوعد الليله انشاء الله وانت مدير الصفوف
محمد بن كسران
10 - 10 - 2006, 18:43
الله لا يهينكم
ابداع يسبقه ابداع
واالله انكم مبدعين
وابشروا بالصفوف
الليله الليه اجهزوا يا شعارنا ويا صفوفنا
تحياتي
محمد بن كسران