مفخرة جديدة لقبيلة سبيع الغلباء ترمز إلى حسن الجوار

[ولد عزوان]

في بادرة إنسانية نبيلة قام فهد بن فراج بن دهيم العزة السبيعي بالتنازل عن حقه في قضية قتل ابنه الحدث سلطان من قبل ابن جاره ابتغاء وجه الله تعالى وحرصاً على علاقة الجوار والاخوة دون أي مقابل مادي أو معنوي ودون واسطة أو شفاعة من أحد.
وتعود تفاصيل هذه القضية إلى أنه في منتصف شهر رجب الماضي وقع خلاف بين الحدثين سلطان بن فهد بن فراج بن دهيم العزة السبيعي (12 سنة) وفهد بن عبدالله بن علي بن شيهوب القحطاني (14 سنة) إثر خلاف حصل بينهما نتج عنه مقتل سلطان إثر طعنة في ظهره أدت إلى وفاته.
وقد تبلغ صاحب السمو الملكي الأمير سلمان بن عبدالعزيز أمير منطقة الرياض من ناصر بن مهنا بن دغيمان السبيعي ببادرة والد القتيل فوجه سموه الكريم بالكتابة بسرعة إنهاء إجراءات توثيق التنازل وتم الكتابة للمحكمة لتوثيق التنازل شرعاً وتم توثيق التنازل شرعاً.
ولما عرف عن صاحب السمو الملكي أمير منطقة الرياض من حرص في السعي إلى الخير ومتابعة مثل هذه القضايا وإنهاء الخلافات بين المتنازعين وتأليف قلوبهم واحتساب الأجر، قام حفظه الله في يوم السبت 23-8- 1427هـ باستقبال كل من والد المتوفى فهد بن فراج بن دهيم العزة السبيعي، وأقاربه ناصر بن مهنا بن دغيمان السبيعي، وراشد بن دهيم العزة السبيعي، وثلاب بن مهنا بن دغيمان السبيعي، ونايف بن ناصر بن مهنا السبيعي، وأشقاء المتوفى كل من: عبدالله وناصر وسعد وراشد وبدر ومتعب أبناء فهد بن فراج بن دهيم العزة السبيعي، وشكرهم سموه الكريم على ما حصل منهم من عمل خير وأثنى سموه على هذه المبادرة الطيبة من قبل والد القتيل التي سيكون لها الأثر الطيب.
وهذه المبادرة الطيبة التي قام بها والد القتيل تأتي تمشياً مع الهدي الإسلامي الحنيف الذي حث على حسن الجوار وعلى العفو حيث يقول الله تعالى: {وَإِن تَعْفُوا وَتَصْفَحُوا وَتَغْفِرُوا فَإِنَّ اللَّهَ غَفُورٌ رَّحِيمٌ} سورة التغابن (14). كما أنه يحقق مبدأ التعاون على البر والتقوى الذي أمر به الله تعالى حيث يقول سبحانه: {وَتَعَاوَنُواْ عَلَى الْبرِّ وَالتَّقْوَى} سورة المائدة (2).
ويساهم العفو كذلك في ترسيخ مفهوم الاخوة وتوثيق روابط المودة والمحبة وتماسك أفراد المجتمع فقد قال المصطفى صلى الله عليه وسلم: (مثل المؤمنين في توادهم وتراحمهم وتعاطفهم كمثل الجسد الواحد إذا اشتكى منه عضو تداعى له سائر الجسد بالحمى والسهر).
منقووول



ولد عزوان

[مسلط 22]

بسم الله الرحمن الرحيم
المكرم الاخ ولدعزوان بعد التحيه جزاك الله خيرا على نقل الخبر وجزى الله اولياء الدم الاجر والمثوبة من الله وماهي غريبة عليكم يالعزة فقبل ابن دهيم دحيم بن برمان وانت سالم والسلام

[الزناجه]

الله يجزاهم كل الخير ويعينهم على بلواهم
فهذه البادره ليست بغريبه على سبيع اهل الصفح والعفو
فهي تذكرنا بشهامة من كان قبلنا امثال مفرج السبيعي وجاره المهادي
التي مازال ذكرها حتى الان لشيمة الجوار فعسى الله ان يخلف على والد المقتول
بالخير والصبر وان يرزقه بالجنه
هذا ودمتم

[عالي مقامه]

طيب وفعوله طيبه والله يخلف عليه بخير ويصبره على مصيبته

[ناصر المديري]

الله يعينه على ما ابتلاه الله ولكنه هذه البادرة تدل على ايمان راسخ وعقيدة قوية والله يرحم الولد ويخلف على اهله انشالله

[فتى العزه]

جزاه الله اف خير

وماهي غريبه على سبيع

وخاصة العزه ولايهونون باقي سبيع

[ابومنصور]

جزاه الله خيرا على هذا الفعل الطيب
وعوضة الله خيرا ممااخذ وجزاك اللة خيرا اخي ناقل الخبر على هذا الموضوع الجدير بالمتابعة0

[الحميدي السويدي]

أســــــأل الله أن يعوضهم خير منــه
وأن يلهمهم الصبر والسلـــــــــوان
والعزه سباقين على العلوم الغانمه
وكل قبائل سبيع ليس غريب عليهـم
العفو والتسامح لوجـــــه الله لاهنت
يا ولد عزوان على نقل الفعل الطيب

[أبو سليمان]

جزاه الله خير وماهي غريبه على العزه
والله يعوضهم خير

[عبدالله الحضبي]

بيض الله وجه ابن دهيم
وهذه مفخرة لقبيلة سبيع
ومشكور يابن عزوان

[عبدالله الحضبي]

هذه مفخره من مفاخر سبيع
وتعتبر هي الثانيه مع قبيلة قحطان
حيث الجوار والمعزه ومواقف الشهامه
والشيم والعفو ومكارم الطيب
وقد ذكر قصتها الزميل الغالي ولد عزوان في هذا المنتدى
http://www.sobe3.com/vb/showthread.php?p=73778#post73778
وفراج بن دهيم العزه يضرب المثل في موقف العفو والذي يعتبر
من شيم الرجال ومفاخرهم مع جاره عبدالله بن علي القحطاني
ولا شك بان العزه هل المجد والطيب وهم مفخره لقبيلة سبيع


يقول الشاعر الشيخ سحمان بن ملحم السبيعي بهذه المناسبه

ياسبيع في في كل المنازل والاوطان=من الكويت الى جنوب الجزيره
نهدي لكم فعل من سنين ماكان=فعل حصل من عقب قصه وسيره
فعل حصل قبل امس في قصر سلمان=ابن دهيم اعتق وحرر قصيره
هذا وتفصيل الخبر عند قحطان=اللي لهم معكم سوالف وجيره

ورد عليه الشاعر منير بن مسفر الثوري بالابيات التاليه

لاهنت واللي سطر الفعل ماهان = وماهان من فعله عجز عنه غيره
ابن دهيم اللي له الطيب عنوان= اللي عفا عن جار بيته واسيره
والطيب مانستغربه ياكحيلان = عاداتنا ياشيخ في كل ديره
واسلم وسلم لي على الشيخ سحمان= راع الفعول الطيبات الشهيره


ويقول أخوكم عبدالله بن سعد الحضبي بهذه المناسبه كذلك

افخروا يسبيع في مافعل ذرب اليمين =سجل التاريخ له سالفه عند اقحطان
عز جاره واعتقه كاسب دنيا ودين= بيض الله وجه من حط له علم وبيان
نال في الموقف جزا الصابرين الغانمين= وفاز بالمعروف والطيب في هذا الزمان


هذه مكارم المجد لقبيلة سبيع
مع جيرانها قحطان العزيزه

[أبن الجبور]

بيض الله وجهك ورحم الله والديك وصح لسان الشعار

فيه قصيده لاخونا عبد العزيز الحمد العريني لنفس المناسبه

لقيتها في منتدى سبيع الثاني يقول في ابن دهيم

يارايح مني تبي الحايـر اعصيـر
من فوق جيب وارداتـه اجـدادي
مقصدك ديرة مرهبيـن الطوابيـر
عزه هل العـزه ليـوث الطـرادي
ديرة هل العادات والسقم والخيـر
خير الرفيق وسقم عين المعـادي
مني لهم طيبٍ وحشمـه وتقديـر
ارسلتها لاشك تمشـي اعمـادي
وانقل سلامي للوجيـه المسافيـر
اللابه الي عـن شرفهـا تفـادي
سلامٍ احلا من حليـب المصاغيـر
مرباعهن الصلب عقـب البـرادي
يرعن في روض زهت بالنواويـر
في جالها تلقـا النفـل والزبـادي
واختص راعي الطيب زبن المناعير
الي نزل بالعـز فـوق الشـدادي
هذاك ولد ادهيم ريـف المعاسيـر
من عاد فعل امفـرجٍ والمهـادي
عزالله انه عادهـا طيـب الصيـر
وانا نحسـب السالفـه ماتعـادي
العفو عند المقدره ياعـرب غيـر
لاشـك شيمـة طيبيـن المبـادي
مافكها من شـان جـاه ودنانيـر
يوم رقبة جـاره لـك الله تقـادي
يوم ان ابن جاره رمتـه المقاديـر
فكـه لوجـه الله رب العـبـادي
ماطول الدعوى وجـاب المعاذيـر
ولاردهـا للدفنسـه والــدوادي
هذا كـلام الحـق مافيـه تزويـر
تنشر له البيضا على كـل بـادي
هذي فعول الغانميـن المشاهيـر
نادى بذكـره فالجمـوع المنـادي
وسط الجريده طلعـو لـه تقاريـر
واخذ وسـام الطيبـه والسـدادي
من كف سلمان العرب راعي الخير
ابوفهـد لاشـك ماهـوب عـادي
تفخر به الغلباء من السيف للنيـر
وارض الحجاز وكل شعـبٍ ووادي
ويفخر به الي وسط راسه سعاطير
الي يعـد الحـق وسـط البـلادي
واختام هذي عـد ماغـرد الطيـر
صلوا على الي صار للحق هـادي





الشاعر
عبدالعزيز بن سعود ال حمد العريني


بيض الله وجهه ابن دهيم وهو من ربعن على العز ضارين

[أبن الجبور]

يالربع اسمحولى في التنسيق انا والنت مانا باصحاب الماخوذ

[أبن الجبور]

بيض الله وجه ابن دهيم علمه ينومس واثابه الله الجنه

[وافي السبـيعي]

أســــــأل الله أن يعوضهم خير منــه
وأن يلهمهم الصبر والسلـــــــــوان
والعزه سباقين على العلوم الغانمه
وكل قبائل سبيع ليس غريب عليهـم
العفو والتسامح لوجـــــه الله لاهنت
والله على نقل هذا الخبر

[سعد المحمدي]

أســــــأل الله أن يعوضهم خير منــه
وأن يلهمهم الصبر والسلـــــــــوان
والعزه سباقين على العلوم الغانمه
وكل قبائل سبيع ليس غريب عليهـم
العفو والتسامح لوجـــــه الله لاهنت
والله على نقل هذا الخبر

ــــــــــــــــــــــــــ

[ماضي المديري]

يارايح مني تبي الحايـر اعصيـر=من فوق جيب وارداتـه اجـدادي
مقصدك ديرة مرهبيـن الطوابيـر=عزه هل العـزه ليـوث الطـرادي
ديرة هل العادات والسقم والخيـر=خير الرفيق وسقم عين المعـادي
مني لهم طيبٍ وحشمـه وتقديـر=ارسلتها لاشك تمشـي اعمـادي
وانقل سلامي للوجيـه المسافيـر=اللابه الي عـن شرفهـا تفـادي
سلامٍ احلا من حليـب المصاغيـر=مرباعهن الصلب عقـب البـرادي
يرعن في روض زهت بالنواويـر=في جالها تلقـا النفـل والزبـادي
واختص راعي الطيب زبن المناعير=الي نزل بالعـز فـوق الشـدادي
هذاك ولد ادهيم ريـف المعاسيـر=من عاد فعل امفـرجٍ والمهـادي
عزالله انه عادهـا طيـب الصيـر=وانا نحسـب السالفـه ماتعـادي
العفو عند المقدره ياعـرب غيـر=لاشـك شيمـة طيبيـن المبـادي
مافكها من شـان جـاه ودنانيـر=يوم رقبة جـاره لـك الله تقـادي
يوم ان ابن جاره رمتـه المقاديـر=فكـه لوجـه الله رب العـبـادي
ماطول الدعوى وجـاب المعاذيـر=ولاردهـا للدفنسـه والــدوادي
هذا كـلام الحـق مافيـه تزويـر=تنشر له البيضا على كـل بـادي
هذي فعول الغانميـن المشاهيـر=نادى بذكـره فالجمـوع المنـادي
وسط الجريده طلعـو لـه تقاريـر=واخذ وسـام الطيبـه والسـدادي
من كف سلمان العرب راعي الخير=ابوفهـد لاشـك ماهـوب عـادي
تفخر به الغلباء من السيف للنيـر=وارض الحجاز وكل شعـبٍ ووادي
ويفخر به الي وسط راسه سعاطير=الي يعـد الحـق وسـط البـلادي
واختام هذي عـد ماغـرد الطيـر=صلوا على الي صار للحق هـادي

الشاعر
عبدالعزيز بن سعود ال حمد العريني

[أبن الجبور]

رحم الله والديك ياعقيد القوم وبيض الله وجهك على تنسيق قصيدة

اخونا العريني اشكرك واسم على مسمى ياعقيد القوم

[محمد بن سلطان]

والله ومليوون نعم ..

فراج بن دهيم العزه .. مثل رائع للجيره والاخوه ..

بي

[محمد بن سلطان]

والله ومليوون نعم ..

فراج بن دهيم العزه .. مثل رائع للجيره والاخوه ..

بيض الله وجهه على فعله الطيب ..

وماهي غريبه على آلآد عزوان ..

ويستاهلون قحطان ..

لا هنت استاذي تين على كتابة هذا الموضوع .. فهو مفخرة لسبيع كلها ..

[وافي السبـيعي]

لا هنت والله يا تين على طرح مثل هذه المواضيع المفيد بيض الله وجهك
تقبل تحياتي لك وجعلك تسلم

[عبدالله الحضبي]

بيض الله وجه الجميع
ابيات جزله يابو حمد وشكرا لابن الجبور
وبودنا نشر جميع القصائد التي قيلت
في ابن دهيم في هذا المكان

يقال ان هناك قصيده لقحطاني يمدح سبيع
من وجدها يرشدنا لها
تحياتي لكل من ساهم في قراءة هذا الموضوع

[راعي الذود]

القصيده قالها الشاعر سيف بن كليفيخ القحطاني في فهد بن فراج بن دهيم العزيزي السبيعي عندما عفاء عن ولد جاره القحطاني الذي قتل ابنه والقصه كما يلي حسب ما سمعتها
يقولون ان الورعان يلعبون وحصل بينهم مشكله وقام ولد القحطاني وطعن ولد السبيعي وقتله وكان فهد بن فراج ماهو موجود وعندما اخبروه ذهب الى مكه واعتمر وصلى ركعتين الاستخاره ورجع الى الحايرثم اتصل على القحطاني وقال تجيني للقهوه ويم جاه وبعد ماتقهوى ركب هو وجاره وراحوا للمحكمه وتنازل فهد عن القحطاني وهذي عادة الرجال الطيبين اللي فيهم خير عندما سمع الامير سلمان بالسالفه قال نادولي فهد ويوم جاه في مجلسه يوم الثلاثاء لمجلس طويل العمر مليان بالرجال مثل العاده واكثرهم شيوخ القبايل وجلس في المجلس وقام الامير يعلم اللي عنده بالسالفه وبعد ماانتهاء من السالفه قال يافهد بيض الله وجهك واطلب اللي تبي قال ياطويل العمر لي عندك طلب قاله اطلب قال فهد ابيك ياطويل العمر تعفي ولد القحطاني من الحق العام وهو السجن قال الامير جاك طلبك يافهد وطلعه معه ويوديه اهله وهو يجي القحطاني ويتقهوى عنده قال يابو فلان لي طلب عندك قال جاك قال انك ماتشد عن بيتك هذا وتبقى فيه قاله تم يابو فراج!!!!!!!!!!!!!!!!
انتهت القصه


الاولى من الثنتين بابداء بذكر الله
الهٍ رفع سبعن وسبعن موطيها
سبحانه جليل الملك مامفر من قضاه
وهو يعلم اسرارنفسي ومافيها
وبعدها يافكري رتب الشعرفي معناه
باسوق القوافي يوم نادى مناديها
اريد اجزل المعنىواريد اعذبه واغلاه
واريد البيوت اللي تجمل مغنيها
باغني باسم قحطان قاف اليا قلناه
يجيب الحقايق كن عينك تراعيها
وارفع رايةٍ بيضاء تعم الوطن وارجاه
ابنيهاعلىروس القمم وفتخرفيها
تخص الكريم اللي تنازل لوجه الله
وتعم الرجال اللي طوالٍ يمانيها
سبيع العزيزه ذات نخوه وجه وجاه
يشهد فعل حاظرها علىفعل ماضيها
هل الشلف واهل الرمح والبندق الموشاه
واهل النايفات اللي على العز نبنيها
سبيع العزيزه طرقهم بيض ومخلاه
قليلٍ من العربان يقدر يجاريها
لهم فزعةٍ تنقذ من الموت للحياه
ولهم ثارةٍ فالحرب محدٍ يناحيها
ولهم جيرةٍ يخرجبها الجار من بلواه
ولهم ديرةٍ يدله غريبٍ سكن فيها
يجودون لا شح الزمان وعطىقفاه
ويصونون ميثاق العهود ومباديها
كفاةٍ تقاةٍ كلهم اهل ولاء ودهاه
الغلباء يقال ونعم لا حل طاريها
وكرر وعود المدح للي رفع مبناه
فهد والفهد نفسه عن العيب حاميها
حرٍ صيرميٍ فذ ماخاب من رباه
يطوف الجبال وماكره فوق عاليها
عفاء عن ولد جاره ولاهمته دنياه
ماتابع معاملته ولا ارسل محاميها
كريمٍ تنازل عن قصيره ولاجلاه
يبي الباقيه والفانيه مايدانيها
وبعدها طلب عفوه من السجن لين اعفاه
من حق الحكومه والقضيه وقاضيها
ماقبله سواء الشيخ المهادي حشا لله
اللي سيرته بالخير محدٍ بناسيها
وقف مع مفرج موقفٍ لاحصل طرياه
ترجح كفة الميزان من ثقل مافيها
عبيدي عبيدي وقحطان العرب مجناه
رجالٍ تبيع انفوسها دون عانيها
وختام الكلام ارفع يديني وسال الله
تحفظ مملكتنا والرعيه وراعيها

وسلامتكـــــــــــــــــــــــــــــــــــــــــــ ـــــــــــــــــــــــــــــــــــم

[ماضي المديري]

الاولى من الثنتين بابداء بذكر الله =الهٍ رفع سبعن وسبعن موطيها
سبحانه جليل الملك مامفر من قضاه =وهو يعلم اسرارنفسي ومافيها
وبعدها يافكري رتب الشعرفي معناه =باسوق القوافي يوم نادى مناديها
اريد اجزل المعنىواريد اعذبه واغلاه واريد البيوت اللي تجمل مغنيها
باغني باسم قحطان قاف اليا قلناه =يجيب الحقايق كن عينك تراعيها
وارفع رايةٍ بيضاء تعم الوطن وارجاه =ابنيهاعلىروس القمم وفتخرفيها
تخص الكريم اللي تنازل لوجه الله =وتعم الرجال اللي طوالٍ يمانيها
سبيع العزيزه ذات نخوه وجه وجاه= يشهد فعل حاظرها علىفعل ماضيها
هل الشلف واهل الرمح والبندق الموشاه =واهل النايفات اللي على العز نبنيها
سبيع العزيزه طرقهم بيض ومخلاه =قليلٍ من العربان يقدر يجاريها
لهم فزعةٍ تنقذ من الموت للحياه =ولهم ثارةٍ فالحرب محدٍ يناحيها
ولهم جيرةٍ يخرجبها الجار من بلواه =ولهم ديرةٍ يدله غريبٍ سكن فيها
يجودون لا شح الزمان وعطىقفاه =ويصونون ميثاق العهود ومباديها
كفاةٍ تقاةٍ كلهم اهل ولاء ودهاه =الغلباء يقال ونعم لا حل طاريها
وكرر وعود المدح للي رفع مبناه =فهد والفهد نفسه عن العيب حاميها
حرٍ صيرميٍ فذ ماخاب من رباه =يطوف الجبال وماكره فوق عاليها
عفاء عن ولد جاره ولاهمته دنياه =ماتابع معاملته ولا ارسل محاميها
كريمٍ تنازل عن قصيره ولاجلاه =يبي الباقيه والفانيه مايدانيها
وبعدها طلب عفوه من السجن لين اعفاه =من حق الحكومه والقضيه وقاضيها
ماقبله سواء الشيخ المهادي حشا لله =اللي سيرته بالخير محدٍ بناسيها
وقف مع مفرج موقفٍ لاحصل طرياه =ترجح كفة الميزان من ثقل مافيها
عبيدي عبيدي وقحطان العرب مجناه =رجالٍ تبيع انفوسها دون عانيها
وختام الكلام ارفع يديني وسال الله =تحفظ مملكتنا والرعيه وراعيها

بيض الله وجهه ماقصر والله يخلف عليه

صح لسان الشاعر سيف القحطاني

[راعي الذود]

شكراً ياعقيد القوم على تنسيق القصيده بيض الله وجهك

[البحر الأحمر]

بيض الله وجهه ابن فراج على العلم الغانم ومن عفاء وصلح اجره على الله ونسئل المولى عز وجل ان يوفقه

[جزل العطايا]

مرحبا اخي راعي الذود والقصه بدايتها ان ولد القحطاني طعن ولد فهد بن فراج وانت يافهد ما كان يدري ولما اتصلو عليه ودراء اتصل على القحطاني وقالت وينك قال ان ماعاد لي قعده في ذا الديره عقب اللي حصل اطلبه انت يافهد انه يجي ولما تقهوى عند فهد طلبه فهد انه ما يرحل من الحاير وانه جاره اللي اول وانه غالي عنده مثل اول ولما راحو عند الامير سلمان وتكلم الامير سلمانوشيوخ القبايل عنده قال هذا فهد بن فراج بن دهيم العزه السبيعي وهذا ما فعل وكذا وكذا وقام انت يافهد وطلب من الامير سلمان قانا طالب ياطويل العمر قال اطلب قال انك تسقط عن ولد قصيري الحق العام وتظهره من السجن وقال لك اللي طلبته يابن فراج وهذه هي لسالفه وسلمتو

[مدهــــال]

لاهنت باراعي الذود.... وبيض الله وجه فهد والله يصبره ويصبر اهله معه.....ويسكن ولده فسيح جناته

[ولد عزوان]

لا هنت اخووي

وبيض الله وجه ابو فرااج ماهي غريبه عليه




ولد عزوان

[مخايل الغربي]

بسم الله الرحمن الرحيم
صح لسان الشاعر عبد العزيز العريني

يارايح مني تبي الحايـر اعصيـر من فوق جيب وارداتـه اجـدادي

مقصدك ديرة مرهبيـن الطوابيـر عزه هل العـزه ليـوث الطـرادي

ديرة هل العادات والسقم والخيـر خير الرفيق وسقم عين المعـادي

مني لهم طيبٍ وحشمـه وتقديـر ارسلتها لاشك تمشـي اعمـادي

وانقل سلامي للوجيـه المسافيـر اللابه الي عـن شرفهـا تفـادي

سلامٍ احلا من حليـب المصاغيـر مرباعهن الصلب عقـب البـرادي

يرعن في روض زهت بالنواويـر في جالها تلقـا النفـل والزبـادي

واختص راعي الطيب زبن المناعير الي نزل بالعـز فـوق الشـدادي

هذاك ولد ادهيم ريـف المعاسيـر من عاد فعل امفـرجٍ والمهـادي

عزالله انه عادهـا طيـب الصيـر وانا نحسـب السالفـه ماتعـادي

العفو عند المقدره ياعـرب غيـر لاشـك شيمـة طيبيـن المبـادي

مافكها من شـان جـاه ودنانيـر يوم رقبة جـاره لـك الله تقـادي

يوم ان ابن جاره رمتـه المقاديـر فكـه لوجـه الله رب العـبـادي

ماطول الدعوى وجـاب المعاذيـر ولاردهـا للدفنسـه والــدوادي

هذا كـلام الحـق مافيـه تزويـر تنشر له البيضا على كـل بـادي

هذي فعول الغانميـن المشاهيـر نادى بذكـره فالجمـوع المنـادي

وسط الجريده طلعـو لـه تقاريـر واخذ وسـام الطيبـه والسـدادي

من كف سلمان العرب راعي الخيرابوفهـد لاشـك ماهـوب عـادي

تفخر به الغلباء من السيف للنيـر وارض الحجاز وكل شعـبٍ ووادي

ويفخر به الي وسط راسه سعاطير الي يعـد الحـق وسـط البـلادي

واختام هذي عـد ماغـرد الطيـر صلوا على الي صار للحق هـادي

والشكر موصول للشيخ تين والسلام

[بن الغلبا]

الله يرحم الميت ويحسن عزا فراج وجماعته


وبيض الله وجه الشيخ فهد الدهيم ووالله انه بيلقاها عند ربه

اولها فخر له في دنياه

وتاليها اجر وخير له في الاخرة



تحياتي ياسبيع الغلبا يارجال يامصابيح الدجى

[مخايل الغربي]

بسم الله الرحمن الرحيم

قصيدة الشاعر عبد الله بن حمير ال سابر الدوسري في فراج بن دهيم العزه

ماقـوم الشعـر وانشـا نـو ودانـه والقح سحابه ببـرق زلـزل رعـوده

امطر بعذب البيوت اللـي لهـا خانـه في واجب هزنـي فعلـه ومقصـوده

شـاده واجـاده كريـم ربنـا عانـه عفو عن النفس جود كالجبـل جـوده

مـن نـادر وفقـه بالعفـو سلطانـه تنازل عـن زلـة ماهـي بمقصـوده

شهم عفى عن ولد جـاره ولا هانـه ياجعل في الجنة الخضراء نزل عـوده

عزالله انه رفع عنـد العـرب شانـه رفعة فخر نالها المنعـور مـن فـوده

متحمـل ضيمهـا مـن قـوة ايمانـه كضم على غيضها من عادة اجـدوده

وافرح بها جاره نعم الذرب واحسانـه وخفف مصيبة وهي كالنـار موقـوده

الحي بالحايـر نومـس كـل سكانـه في بـادرة نـادرة ماهـي بمعهـوده

لله جلـل بـهـا ربـعـه وخـلانـه والطيب من الطيب ذا حقه ومـردوده

فالجود بين عريب السـاس برهانـه وادروبه من رادها بالجـود ممـدوده

فهد السبيعي الى من شام عـن دانـه ما والله لـه ضايـم وسبيـع زنـوده

ادى حقوق الجـوار برفعـة انسانـه يتبع وصاة النبي في الجـار وابنـوده

ماهوب عيب شجاعة منطـق لسانـه بالعفو لكن شـرف يمتـاح بحـدوده

يفوزبـه طايـل مادامـت ازمـانـه فخر يماري به كـل العالـم شهـوده

جددسلـوم العـرب واسلـوم جدانـه اللي فعايلهم فـي التاريـخ مرصـوده

والعفوفتـح لكـل النـاس بيبـانـه ماهي بمـن راد للنامـوس مـردوده

طبق فعول مضت من مثـل جيرانـه بين المهادي وجاره صارت شهـوده

فهـد سمـاح وذرب طـاع رحمانـه كسب ثناها مـع اجـر فـاز بـردوده

فلوارتكز بالقضاء في الربـع شيطانـه تفارقـوا فرقـة ماهـي بمحـمـوده

لاشك طفى السبيعـي ضـو نيرانـه حب لحفظ الجـوار سنيـن معـدوده

اخذ العوض فالله وولد الجار مادانـه خـلاه حـر طليـق واطلـق قيـوده

ماهي غريبه علـى فهـد وعفوانـه من قوم في نيلة الطـالات محسـوده

سبيع في الحرب هم لطمه وفرسانـه وفي السلم هم من رجال العقل وافهوده

سبيع عامرهـل الفزعـاة والعانـه ياسعد منهم بيـوم العجـة اعضـوده

خيالة الغلباء الـى مـن ثـار دخانـه مثل البحـر لاتلاطـم فجـر اسـدوده

وفي الجودهم منتدى للجود ظفرانـه جيرانهم ماشكوا من الضيم وانكـوده

امدح على فعل لاجاء الصـدق بيانـه وانفال كل العـرب ماهـي بمجحـوده

وانتم سالمين والسلام