بعد بكره بادخل الكليه الجويه لا تنسون ولد عمكم من الواسطات يا سبيع الغلبى [الأرشيف]

مشاهدة النسخة كاملة : بعد بكره بادخل الكليه الجويه لا تنسون ولد عمكم من الواسطات يا سبيع الغلبى

هكر سبيع

26 - 10 - 2006, 14:02

السلام عليكم ورحمه الله وبركاته حي الله السبعان ومنهو ظيف على السبعان في هالموقع انا يا طويلين العمر بادخل الكليه الجويه(كليه الملك فيصل العسكريه) اللي بالرياض سادس العيد وزي منتو عارفين الكليات العسكريه فيها كرف وتعب ونفسيه وخاصه في اول خمسه واربعين يوم واللي يعرف احد بالكليه في ثالث سنه(يعني اللي بيدربوننا هم طلاب ثالث سنه) لا يبخل علينا بالواسطه ومالنا غنات عنكم ياسبيع الغلبى والله لا يهينكم...

اخوكم: محمد عبيد السبيعي

واضح

26 - 10 - 2006, 14:12

الله يوفقك ويسر امرك
بس انتبه تهكر على الضباط والله يكرفونك كرف ماشفته
عموما التعب اول الأيام حتى يعرفون الصامل من اللي بيهون
يعني اللي فيه ريحة تهوينه يدحدر ويحطون واحد مكانه
لذلك نصيحة لاتترك الكلية لو تحبي من التعب
ماعليك شر انشالله
المستقبل امامك بأذن الله
بالتوفيق

مخــاوي الليل

26 - 10 - 2006, 14:21

المفالحه

26 - 10 - 2006, 15:45

لا يااااا رجاال ما عليك .. أنت راعي واسطات ..

من يوم شفت أخطاءك الإملائيه وأنا داري أنك دخلت بالواسطه وصدقني اللي دخلك بيدبرك ماعليك بس عاد لا تشيخ عليهم يعنني عندي واسطه أعقل وأصبر مع الرياااجيل ..

ماعاد عندي كلام غير هالكلام

بس والله العظيم يادخولك للكليه انه ينومس

بس يازين الواسطه

انا هالسنه جبت نسبه وقدرات وكل شي اوكيه بس ماعندي واسطه !!!

بس يدخلها سبيعي بواسطه ولا يدخلها غير سبيعي بواسطه لان الكليات العسكريه كلها واسطات في وسطات الا ماندر

بس ياهكر سبيع انا مستغرب دورتكم مابدت مع الكليات العسكريه الي بدت اول ايام الدراسه !!!!

الله يوفقك وين ماتروح

تقبل اعز تحياتي

فـــالح السبيعي

26 - 10 - 2006, 17:35

أقول حلق زيرو وأصبر ياوحش سبيع
وأحمد ربك هالحين براد وعلومٍ زينه
ومبروك لك كل واحد يتمنى الجويه

عالي مقامه

27 - 10 - 2006, 00:34

مبروك والله يوفقك وخلك وحش والاخ المفالحه التوفيق من الله والكليه فيه ازين منها مثل الجامعه وانا اخوك

الزناجه

27 - 10 - 2006, 02:12

اخوي المفالحه ماحسن من تسحيب الجوالين
والواسطه لابد منها
واحب اقولك اخوي نسبته الثانويه 93 علمي والقدرات 86 او قدم عليهن كلهن او في الاخير
قبل في شركة الكهرب والله يعين كرف او في الاخير كهربائي لابد من الواسطه حتى لو النسبه 60
واصبر يالمفالحه فاصبر مفتاح الفرج باذن الله
واخوي هكر سبيع الله يوفقك او يصبرك على طاعته
ودمت

المفالحه

27 - 10 - 2006, 12:10

اخوي الغالي عالي مقامه واخوي العزيز الزناجه انا اول ماتخرجت كنت

متحمس ونسبتي الحمد الله عاليه فا على طول قدمت على الكليات العسكريه

بس بعدين عرفت ان الجامعه والكليه افضل من الكليات العسكريه بكثير

واقصد بكلامي ان كل ماتدرس اكثر تامن مستقبلك اكثر بعد الله

بس الحمد الله انا في كليه وخلاص قررت اكمل دراستي الى اعلى قدر

ممكن ان اصل اليه !!

وتقبلو اعز تحياتي

القريشي1000

28 - 10 - 2006, 14:48

http://gallery.7oob.net/data/media/102/najdyh-najd-al7oob143.gif

إبن عجيان

01 - 11 - 2006, 16:32

يارجال احمد ربك ان في الجويه

نبيك توسط للربع اللي ماقبلوا انت ضابط وطيار وتبى مناء بعد واسطه

الله يوفقك

وعلى العموم النهائي اكيد فيه سبعان والسبعان ابشرك عندهم حميا السبيعي مايبيله واسطه عند ابن عمه

الله يعين راعي الددسن انت ذلحين راعي طياره ماشاء الله

الدفاع الجوي

13 - 09 - 2010, 06:30

أقول حلق زيرو وأصبر ياوحش سبيع
وأحمد ربك هالحين براد وعلومٍ زينه
ومبروك لك كل واحد يتمنى الجويه