طاري البعد .!؟

[خالد الجنيّح]

السلام عليكم ورحمة الله وبركاته ،،

مصافحه أولى يابنى عمّي وأربها تبيّض الوجه

يقول :




عيـد النظـر فاللـي تبيـه وتـروّى = ترى ( فراقك ) صعب ماهوب عـادي !
ماشفت طار البعـد وشلـون سـوّى: = فينـي وانـا قـدام عينـك وهــادي ؟
هلت دموعي!! وانت ( عينك ) تقـوّى = حبست دموعك .. مات جفنـك ينـادي
هذا مجـرد ( طـاري البعـد ) هـوّى = دموع عينـي ، وإنكسـارة فـؤادي ؟!
واليوم عزّمت و ( رحلـت ) وتلـوّى = حبل الامل .. والياس عمّـر بـلادي !!
صدقـت هـرج العـاذل اللـي تبـوّى = وصديـت عنـي يـا هنـاي ومـرادي
خليتنـي ل. الهـم ملـجـأ ومــأوّى = يزبن على صـدري وأعيـف الرقـادي
( مشتاق لك! ) والشوق فالصدر ضوّى = تشّعم من ضلوعي .. و واصل جهـادي
أيه اجتهد ف. الوصل من شان خوّى! = وشلون شخص ٍ منزلـه فـي فـؤادي ؟
يـا صاحبـي والشـوق لا لاح نـوّى = عوّد علـيّ وعيـد شبـك الأيـادي !!

وسلامتكم ،،

[خالد الشماسي]

صح لسانك يا بن جنيح



قصيدة رائعة لا هنت




وننتظر المزيدِ

[أبو يزيد]

صح لسانك

وسلم نبضك

رائعه بروعة حضورك يالغالي

بانتظار القادم

تسلم لاهنت,,,,,

[خالد الجنيّح]

أبو عمر

صح الله بدنك

ولا لك مهونه نفداك

التحيّه

[منصور الحري]

صح لسانك,, وما قصرت,, وابيض وجه يا خالد

حياك الله في منتداك

[ماضي المديري]

صح لسانك يا بن جنيح



قصيدة رائعة لا هنت




وننتظر المزيدِ