يالعزوه اللي تحدر من سلالة عامر لصعصعه

[مشهور*قطر]

بسم الله الرحمن الرحيم
ارحبو ياسبيع ويازوار اشارك معكم من الاندلس دار جدانا اللي شهد لهم التاريخ بالمجد
واللي قومي على المشاركه غلاكم
واستلم ياشاعر
سلام من هاجسن بين الضلوع العوج صال وقنب== للعزوة اللي تحدر من سلالة عامر لصعصعه
الليله العلم ياهل العلم حرب وسلم لابوشنب == يوم النداوي فلاح يحوم والداب الموصف معه

[فتى العزه]

مرحبا في مرحبا ترحيبة(ن) كلها توت وعنب***ياشاعرن تحكم الابيات واللحن دايم تــبــدعــه
الليله العلم يامشهور قـــطــر راس ولاذنـــب***عطني علوك يامشهور قطر واسمع العلم اسمعه

[مشهور*قطر]

ابك البقا ياعميل الخير مير القاف خشمه خنب== خلك معا الدرب والنيشان واضح كيف ماترمعه
ابو شنب مع نداويكم تبارو لين صوته طنب== هذا الخبر وانت تم العلم يارجال والا اجبعه

[فتى العزه]

تـــراني ابواردي لكن خلك جالسن عـــالـكــنــب*** اصوب الاهداف يامشهور في ضيقن ولا سعه
ابوشنب عن دربنا الواضح ياصحيبي ترى جنب*** ليا من جانا غدت علومه دندنه مع قربـــــعـه

[أبو يزيد]

مشهـــــور قطر........فتى العزه

واصلوا.......

متابــــــــــــــــــــــع

[مشهور*قطر]

حاولت افسر كلام اللي يقرمش يوم غنى ونب== قال التحدي لسكان الجزيره ضرب بمجمعه
مايصلح الا الصليح ومايكف الغزو كون الجنب== حكمه قديمه ولاهي من كلام الزور والمعمعه

[فتى العزه]

مشهور على وزن نب قفلت ونا اخوك

كلام الي يقرمش هو من العجم ولامن العرب*** نرد ضربته في نحره وحبله تــرانــا نــقـطعه
مايفلح الا الفليح الي لفنجال المبارز شرب*** يقولها شاعرن سوى في كل الشعار زعزعه

[الرايق]

رائع يالعزيزي
بيض الله وجهك

تحياتي

[فتى العزه]

رائع يالعزيزي
بيض الله وجهك

تحياتي



ووجهك ابيض

وحضورك اروع يالرايق


لاهنت على المرور

[وافي السبـيعي]

الله الله الله


مشهور قطر :

فتى العزه :

واصلو واصلو .


متابعين لكم

[الأملح]

وانت تم العلم يارجال والا اجبعه

منتب سهل يا مشهور قطر الله يكفينا شرك.

ويا غلي هالشطر غلياه ( للعزوة اللي تحدر من سلالة عامر لصعصعه)


تحياتي لك ولفتى العزة.

[مشهور*قطر]

يامرحبا يالرايق ويا وافي ويالاملح ماعليكم زود ويشرفنا تواجدكم
واستلم يافتى العزه
ياللي تهوم البحور الطاميه بين الرضا والغضب== من قبل لايهرج التلميذ يرفع للكلام اصبعه
يوماح يالاح يوم البرق لاح وفاح صدري لهب== بين الجبال الرواسي والمثل مطبوع بالمطبعه

[عيسى السبيعي]

الله الله فتى العزه ومشهور قطر
طاروق منتاز بالحيل واصلوا
ياشعارنا وانا متابعين
الصفوف يالعيال
تحياتي

[فـــالح السبيعي]

تسجيـــــــــــل إعجــــــــــــاب

متابع

[فتى العزه]

الي كتب ماقرا والي قرى ياصاحبي ماكتب***واثنين في اثنين قال التلميذ يامشهور اربعه
عسى الله يكتب لنا الخير ويخلف عنا التعب*** ولا صارت الهوشه نفزع مع مشهور والله مانفرعه



تشرفت باللعب معك يامشهور

ودي اكمل معك

بس انا امعزوم في رماح

ولاني جاي الا الجمعه

وانعوضها انشالله

[مشهور*قطر]

فتى العزه
لاهنت يالسنافي على الطاروق والله يحفضك
وانشالله متواصلين معا الاخوان في المنتدى
سلم على روحك وعلى اهل رماح
تحياتي