عطونا علوم الأمطار يالنشامى [الأرشيف]

مشاهدة النسخة كاملة : عطونا علوم الأمطار يالنشامى

خالد الشماسي

20 - 11 - 2006, 15:09

السلام عليكم

هطلت صباح هذا اليوم أمطار متوسطة على مدينة الرياض سالت على أثرها الشوارع والمرازيم :) ( المثاعب عندأهل الرياض ) وغرقت بعض السيارات ( شرقاً ) حيث لايوجد تصاريف كافية لسيول الأمطار .

وننتظر تقاريركم عن جميع البلدان التي تسكنونها

المولع

20 - 11 - 2006, 15:51

المولع من سلوى يوافيكم بالتقرير التالي :

هطلت على مركز سلوى الحدودي امطار صباح هذا اليوم جعلها الله أمطار خير وبركه وعم بنفعها ارجاء سلوى ...

والله ماعرف احكي مثل الاخبار بس هاكم علومي :

من اليوم الصباح والمطر ديم على مركز سلوى وأجزاء من صحراء الربع الخالي ...الى ذلحين والمطر يطقنا ...

وبيننا وبين البطحاء وبيننا وبين تماني الماطر واحد ,,, بس الاحساء والله ماجانا منه لهالحين ,,,

وعسى الله يرزق المسلمين .. وانا ادري انه ماحد منكم حايلن يمنا بس بنذكر لكم المطر ,,,

مع تحياتي انا وأعوذ بالله من الونا .

خالد الشماسي

20 - 11 - 2006, 15:58

بيض الله وجهك يالمولع

و الله يرزق كل في بلاده :)

وديان سبيع ما جاك منها؟

المفالحه

20 - 11 - 2006, 16:22

الف شكر بو عمر

المولع الحساء امس جاها مطر ومن اليوم ماجانا مطر بس الجو خيالي

اللهم زد وبارك

تقبل اعز تحياتي

خالد الشماسي

20 - 11 - 2006, 18:09

شكرا لك يا المفالحة

وإن شاء الله تكون جميع ديار سبيع ممطوره وعامة المسلمين

المولع

20 - 11 - 2006, 18:14

مسيتوا بالخير كلكم ,,,

رنيه والله ماذكر لي جاها شي ,,,

وعسى الله يرزق المسلمين كلهم ويحيي الارض ,,,

هذي علومي,,,

خالد الشماسي

20 - 11 - 2006, 18:20

زانت علومك

لك أطيب تحية

فـــالح السبيعي

20 - 11 - 2006, 18:23

مراسل الخرج:اليوم مع الفجر أمطار على الخرج(رشه :اللي يدفن الجره)

أو شرح ثاني للحضر:هطلت صباح هذا اليوم أمطار متوسطة على محافظة الخرج سالت على أثرها الشوارع والمرازيم:)

وبعدين تراني ماخذت علوم الخرج كله هذي أمطار حارتنا لايجيني واحد يقول أنت قايل كذا الأمطار على حي السلام

الباقي مأدري عنه

أبو يزيد

20 - 11 - 2006, 18:40

الحمدلله الحمدلله الحمدلله

اللهم سقياء رحمه لا سقياء عذاب
اللهم ارزقنا الغيث ولاتجعلنا من القانطين.

شكرااا للاخوان وزانت علومكم وبيض الله وجيهكم..............

ابوبنــــــدر: ياخوي تراء ماطر الرياض والخرج واحد السيول اغرقت الشوارع والسيارات وبحيرة التماسيح رقم 13 مستحيلة الحلول بتشتغل وانت تقول (يدفن الجره).

فـــالح السبيعي

20 - 11 - 2006, 19:19

ابوبنــــــدر: ياخوي تراء ماطر الرياض والخرج واحد السيول اغرقت الشوارع والسيارات وبحيرة التماسيح رقم 13 مستحيلة الحلول بتشتغل وانت تقول (يدفن الجره).

أهم شي إنتبهوا للباصات حقت البنات بكره مسوين فرق إنقاذ:D

ماضي المديري

20 - 11 - 2006, 20:17

عقيد القوم / منتديات سبيع الغلبا /المنطقه الشرقيه
شهدت المنطقة الشرقية خلال اليومين الماضيين هطولا متقطعا للأمطار
واعتبر الفلكي جبر الدوسري أن الأمطار التي هطلت على المنطقة الشرقية خلال اليومين الماضيين هي أمطار موسمية مبكرة بسبب هبوب الرياح الشرقية .
وتوقع أن يستمر هطولها خلال الفترة القادمة ما لم تحدث أي تغيرات في اتجاه الرياح لتصبح شمالية.
وقال الدوسري ان موسم الأمطار يبدأ من شهر أكتوبر إلى شهر مايو وربما يهطل المطر في فصول الصيف خلال السنوات القادمة رغم أنه نادر الحدوث.
وأضاف ان الرياح الشرقية تجلب الرطوبة وتجمع الغيم ويكون هطول المطر فيها محتملا بشكل كبير بينما الرياح الشمالية لا نتوقع هطول الأمطار بها لأنها تقوم بطرد الغيوم .
واعتبر الدوسري أن أمطار (الوسمي) من أجود أنواع الأمطار لخيرها الذي تهديه إلى الصحراء حيث تساعد على نمو الزهور ونبات (الفقع)، بالإضافة إلى الكساء الأخضر الذي يغطي الصحراء.
وقال ان الأمطار (الوسمية) تستمر في الهطول الى دخول (المربعانية) في الخامس من ديسمبر القادم حيث يبدأ فصل الشتاء وتبرد الأجواء بالمنطقة .

راشد التوم

25 - 11 - 2006, 14:32

السلام عليكم ورحمة الله وبركاته
بالنسبة للنعيرية ابشركم من صلينا الفجر ولحد الان امطار غزيره ومن النعيرية الى الجبيل مداوم اليوم في الجبيل امطار اللهم لك الحمد والشكر

{ السويدي }

28 - 11 - 2006, 09:44

السلام عليكم ورحمة اللّه تعالى وبركاته

شكراً إلي كل من جاب علوم المطر

واخوي توم انا كويتي: بس جتني علوم من الابل ان النطاع والمليجه والحسي عليها امطار من يوم الخميس وهي ترشرش

ويوم الجمعه والسبت امطرت امطار غزيره جداً

فهل هذا صحيح

لاني ماخذ العلوم من راعي البل

واللّه لايهينك اذا افدتني .

وشكراً لمن جاب علوم المطر والي يبي يجيبها

والرجاء تثبيت علوم المطر

وشكراً

راشد التوم

29 - 11 - 2006, 11:08