تسجيل الدخول

مشاهدة النسخة كاملة : صــــــوت وصــــــدى

أبو يزيد
21 - 11 - 2006, 12:09
هذا الصــــوت والصدى في هذه المراسله الرائعه والجزله من شعراء لهم مكانتهم على خريطة الشعر الراقي والجميل وجدتها مع اخي الغالي ربـــــح السبيعي وقد قمت (بسرقتها) منه لااعجابي بها وها انا انشرها لكم لاعجابي بها مع العلم بأن حقوق النشر محفوظه لـــ ابوخالــــد:


قصايد مراسله وتعبر عن نفسها



الصـــــــــــــوت





ابن مصلح شح في شعره جهازه=ضاعت الابيات في وسط الخزينه
رغم صنع الكمبيوتـر وامتيـازه =ضاع في وسطه ملـفٍ كاتبينـه

كرس افكاره وجهده واحتـرازه=وابتلش ماعاد يدري القرص وينه
عانق المريخ يوم المجـد حـازه =شاعرٍ معروف وابياتـه ثمينـه

قال يافراج مالـي فيـك عـازه=كن مابه صحبتـاً بينـي وبينـه
يامفرح صاحبك فـاز ابمفـازه=يابن عمـه علمـه لنـك يمينـه
طالبينه حق ابي فزعـه ونـازه=منك يابن بداح والنيـات زينـه


الشاعر / فراج بن عواض الغامدي





صـــــــــــدى1





حط ابن عواض فالمعنى حزازه=في معاتب صاحبه يالله تعينـه
الحجازي تو ماجا من حجـازه=من رجالاً بالمراجـل متعبينـه
طيب المبدا كلامـه وابتـزازه=مايوثر فـي علاقتنـا المتينـه
الطريق إللي يوصل للمحـازه=وصلةٍ من خط مكـه والمدينـه
يامفرح شـب كبريتـه بقـازه=كن له حقـاً علينـا ماخذينـه
كنه إللي يوم شاف طويق هازه=يستفز اخلاق ربـان السفينـه
بالكلام السلس ومزوحٍ مجـازه=حجته هـي تنقـذه والا تدينـه
مير اضن انه تمكـن بحتيـازه=للأساليـب القويـه والفطينـه



الشاعر/علي بن ربح السبيعي






صـــــــــــــدى/2




يابن مصلح دوك ابن عواض جازه=بالوفـاء ياموفـي الديـان دينـه
شغل الوندز وخل الشعـر طـازه=لين ولـد الغامـدي يرفـع يدينـه
وان وجدته شاعرٍصعـبٍ مـرازه=اقنعـه بالـحـق والله لايهيـنـه
واعرف ان طويق مافيه اهتـزازه=مير عن خط الحجاز مزحزحينـه
من حذف خصمه وبيته من قزازه=ينتبه مـن حذفـةٍ تهـدم جبينـه
واما انا يبشـر بعـزه واعتـزازه=من نخانـي قلتلـه ياسعـد عينـه
ياثنينـن فـي سوالفهـم مـيـازه=والكلام الزين فـي وقتـه وحينـه
هيضوني والا انا قد خذت اجـازه=والسبب فـراج والثانـي عوينـه




الشاعر/مفرح بن بداح السبيعي



تقبلوا

ارق

التحايا

,,,
خالد الشماسي
21 - 11 - 2006, 12:20
صح لسان شعراء هذه القصائد النادرة والرااااااااااائعة

صيد جزل يا أبو يزيد




ما قصرت فإختيارك موفق
منصور الحري
21 - 11 - 2006, 13:13
الف الف شكر ابو يزيد
مصلح ربح
21 - 11 - 2006, 16:08
اختيار مؤفق يا بو يزيد

والفتوى عندي الاصل فيها الاباحه

شكراً من الاعماق يا مشرفنا المتميز

تقبل تحيات اخوك
ربح السبيعي
21 - 11 - 2006, 22:36
لاهنت يايويزيد


وانت تمون على اخوك الصغير يالقرم



واشكرك على ماتقدمه لقسم المنتديات الادبيه من مجهود طيب



ولايستغرب عليك العلم الغانم
ماضي المديري
21 - 11 - 2006, 22:43
صح لسان شعراء هذه القصائد النادرة والرااااااااااائعة

صيد جزل يا أبو يزيد




ما قصرت فإختيارك موفق
فـــالح السبيعي
21 - 11 - 2006, 23:48
صح لسان شعراء هذه القصائد النادرة والرااااااااااائعة

صيد جزل يا أبو يزيد




ما قصرت فإختيارك موفق
جزل العطايا
22 - 11 - 2006, 05:29
صح لسان شعاراء هذه القصائد وسلمت اخي على القل
أبو يزيد
23 - 11 - 2006, 00:38
صح لسان شعراء هذه القصائد النادرة والرااااااااااائعة

صيد جزل يا أبو يزيد




ما قصرت فإختيارك موفق


استاذنا القدير

ابوعمر

مرورك عطر الصفحه

لاهنت يالغالي,,
أبو يزيد
23 - 11 - 2006, 00:40
منصـــــــور44

لاهنت يالغالي

على المرور الرائع
أبو يزيد
23 - 11 - 2006, 00:42
اختيار مؤفق يا بو يزيد

والفتوى عندي الاصل فيها الاباحه

شكراً من الاعماق يا مشرفنا المتميز

تقبل تحيات اخوك


شكرااا اخي الغالي

مصلح بن ربح

شكرااا على الفتوى(لايفتى ومالك فى المدينه)