تسجيل الدخول

مشاهدة النسخة كاملة : نادو البارق السااااااطع يجي يشب ضوه

مشهور*قطر
23 - 11 - 2006, 05:55
ارحبو يالنشاما اعتذر عن غيابي ذاليومين والله انه يسعدني التواجد معكم
والليل اللليل

ياسلامي على اهل الطيب واهل المروه== من هجوسن بقلبي بين ليته ولوه
نادو البارق الساطع يجي يشب ضوه= ماتضيع الهقاوي والعزايم قويه

مد شوفك ياعميلي فوق هامات الجبال == الهدف في راس ضلعن تغشاه النجوم
اكثر الفرسان ماهم حرام ولا حلال== خل عاد اللي شرى السيف وازرى لايقوم
البرق الجنوبي
23 - 11 - 2006, 12:30
مرحبا ترحيب صادق ولك دايم يدوم =هات علمك وانا بعطيك جزل العلوم
طب واختر وش اللي يعجبك يالعزوم=ماتضيع الهقاوي والعزايم قويه




والله ان الدرب واضح وانا جالي مجال=والهدف لاراد ربي توطاء السهوم
لو حصل في بعض الازوال خله واختلال=فيه من يغرق بوسط البحر واللي يعوم
مشهور*قطر
23 - 11 - 2006, 15:19
والبقا عد مالاحت بروق الوسامي== عد ماجر مسحوبه رشيد الزلامي
من لذودن يلاوعها النذل والحرامي== ماتضيع الهقاوي والعزايم قويه

في زمان العولمه طاوع الذيب الرخال== والحرار الشقر صارت فريسه للرخوم
المشالح كانها بالجنيه وبالريال== مابقا لاهل الفعايل على الدنيا لزوم
البرق الجنوبي
23 - 11 - 2006, 16:48
اركد على هونك ولانيب بلائمك=تحتاج للي للمعاني يعلمك
مشهور قلي منهو اللي بيضلمك=هذا الصحيح وقولو اللي تقولون




ناقة الجيران ترغي ليا جتها الجمال=صار يطاها الجمل كل ليل وكل يوم
والعروق اللي دسيسه يبينها احتمال=والله ان الشبه الوارده قامت تحوم
عيسى السبيعي
23 - 11 - 2006, 18:04
الله الله البرق الجنوبي ومشهوور
طاروق منتاز بالحيل
واصلوا وانا ترانا بالصفوف
تحياتي
مشهور*قطر
23 - 11 - 2006, 19:52
انتبه للبحور ولا تعسر القوافي== اضبط الصوت للموال واللحن صافي
النوايا على وضح النقا يالسنافي==ماتضيع الهقاوي والعزايم قويه
من بغانا نكحله في عيونه بالميال== نكحله وان كان هايط نعقبها وسوم
مثل ماقال المثل ياحليل ابن الحلال== يلبس الثوب المطرز حدر خمس الرقوم
أبو يزيد
24 - 11 - 2006, 21:16
مشهـــــور قطر.....الحمدلله على سلامة الوصول من بلاد صقر قريش

دائماااا مبدع ورائع الله يسعدك .

البرق الجنوبي(الساطع مبطي) ................

ابداع مستمر كالمطر الهمال لاهنت يالغالي منتظرين هذا الابداع وبشوق

تحياتي

يالغالين
مشهور*قطر
24 - 11 - 2006, 21:19
ابو يزيد

والبقا يالسنافي والله ان يشرفنا حضورك

وماعليك زود بعض مما عندك يالسنافي

لاخلى ولا عدم
الوافي2006
15 - 01 - 2007, 00:48
يعطيكم الف عافية وبيض الله وجيهكم
منصور الحري
05 - 06 - 2007, 20:28
يقخر منتدانا بوجود شعراء متميزين مثلكم

تحياتي للجميع
قد كان هنا
16 - 06 - 2007, 04:53
السلام عليكم ورحمة الله وبركاته
يعطيكم الف عافية وبيض الله وجيهكم