المساعد الشخصي الرقمي

مشاهدة النسخة كاملة : سلام ياهل الوفا والعز والكار ........ ضيف جديدnew

الطايفي
22 - 06 - 2003, 13:14
السلام عليكم ..


سلام ياهل الوفا والعز والكارـــــ من شاعرٍ ما يبدل في كلامه

لو كان ماني سبيعي ليش الإنكار ــــــ الصدق ينقال لو فيه الملامه
طويق
22 - 06 - 2003, 20:46
يامرحـبا ياهـلا والمجـد ماطـار **** لـو تـنقـلون الحـويـة فــي تهـامـة
الرجل بين العرب راية على نار **** والا الردي غط راسه في العدامة

الصفوف يارجال .
الطايفي
22 - 06 - 2003, 21:47
المجد عوّد سوالف ليل واثار ــــ تقضي به الليل لين انك تنامه

ياكثر ما عندي من علوم واسرار ــــ لكن لا تستبيح السد دامه
خالد الشماسي
23 - 06 - 2003, 00:06
الله الله الله يبارك فيكم


واصلووووووووو تراني مع الضيف في صفه



ونرحب به اجمل ترحيب في منتديات سبيع
ابو سهم
23 - 06 - 2003, 02:06
ارحب يا الطيافي

وبيض الله وجهك انت واطويق


وااااااااااااصلوا يا الربع ترانا فاصفوف ومعكم جميع
طويق
23 - 06 - 2003, 12:00
عشرين رجال قادوا جيش جرار **** يوم ان بعض العرب ترقل عظامه

حنا نـفـرق مابين يمـين ويسـار**** من اليـمن جيت والا مـن المـنامـة
الكوكب السيار
23 - 06 - 2003, 12:09
صح لسان الشاعرين

الطايفي وطويق


والليل الليل


وتراني في صف طويق
الطايفي
23 - 06 - 2003, 12:52
عشرين ما قادوا الحمله ولا صار ـــــ من ضمن جيش الزعيم وفي نظامه

راحوا ولا احدٍ ذكرهم وقت الاذكار ــــ والقايد اخذ الشداد مع المسامه
طويق
23 - 06 - 2003, 17:30
ميقافـنا ياالسـنافي قـدم الانـظار **** كبرت علابيب غيره من طعامه
حنا نعرف اليماني من هل الدار**** لو يلبسـون المذولق والعمـامة
الطايفي
23 - 06 - 2003, 21:34
لا تحقر اهل اليمن بالله ياجار ــــ يكفيهم انه طلع منهم ( اسامه)

عنا تنشّد ربوعك من بني ثار ـــــ يومن الاشراف جو يابو (دلامه)
قاهر الظلام
24 - 06 - 2003, 01:33
ارحب والله يا الطيافي

وبيض الله وجيهكم انت وطويق


واصلوا يا الربع ترانا في الصفوف
طويق
24 - 06 - 2003, 11:54
يجوز فأهل اليمن ياصاحبي خار **** ويجوز فأهل الحرم طيش وغشامة
حنـا وفـيـيـن لـكـن عــودكـم بـار **** قـبــل نـخـلـيـه خــلـّى الإسـتـقـامـة
الطايفي
24 - 06 - 2003, 13:29
طقيت لي في عمود البيت مسمار ** لو يظهرونه بقت فيه العلامه

ياطويق خذها نصيحه مثل الإنذار ** ألبس عمامتك وأفرح بالسلامه
طويق
24 - 06 - 2003, 20:02
علـقت لي في عمـود البـيت شـنكار **** ولا ني بناد م ولا حولي نـدامـة
عان الحسن والحسين ملوك وكبار **** على حساب المبادي والكرامة
خالد الشماسي
24 - 06 - 2003, 21:03
الطايفي
طويق


واصلوا في الطاروق والله يستر عليكم من المطبات الجويه :)


لكم تحياتي
الطايفي
24 - 06 - 2003, 22:13
صح لسانك يا طويق ... وإلى اللقاء في طاروق ثاني إن شاءالله .

أشكر الأخوان اللي شرفوا الموضوع وكاتب الموضوع .......

والله إن ودي أكمل علشان أبوعمر... بس اللي في الجعبه خلص .. واوعدك أنت بالذات بطاروق على كيف كيفك بإذن الله ..


تحياتي وتقديري للجميع.
ابن جـــــــراح
25 - 06 - 2003, 01:36
الطايفي وطويق

بيض الله وجيهكم يا الربع على الطاروق الرائع ولا تحرموننا من هالمحاورات


والدعوى سلامات يا ابو عمر ان شاء الله ما هنا مطبات هوائيه


لاهنتوا يا الربع وصح لسان كل منكم ولا تاخر علينا في الطاروق الجديد يا الطايفي


طويق لا حرمنا منك يا الغالي

وتقبلوا خالص تحياتي

اخوكم بن جراح
طويق
25 - 06 - 2003, 02:10
شكراً لمن أثرى الموضوع بمداخلاته : الكوكب السيار- أبو سهم - أبو عمر - ابن جراح- قاهر الظلام .

شكراً للشاعر الطايفي وإلى الملتقى إن شاء الله .

تنبهوا أعزائي إلى كتابة (إن شاء الله ) فمن الخطأ كتابتها (إنشاء) .

تحياتي
الطايفي
25 - 06 - 2003, 12:38
شكراً لك ياطويق وجزاك الله خير على الملحوظة ...

تم التعديل.