شاعر من شعراء قبيلة سبيع الغلباء المعاصرين

[المنتبه]

بسم الله الرحمن الرحيم

أيها الاخوة الكرام::

السلام عليكم ورحمة الله وبركاته،،،،،،،،،،،،،،،،،،،،،،،،،،،،،،،،،،،،،،،،،، وبعد،،،

نطرح لكم هذ المرة في منتدانا الموقر عن ذرب من مذاريب سبيع وشاعر من شعرائهم البارزين والمعاصرين عرف عنه

كرمه ومحبة قبائله له وركن من اركان قبيلته لحق على آواخر العصر القديم ما قبل الحكم السعودي وعاش فتره طويله

في هذه الحياة عن عمر يناهز أكثر المئة سنه رثا حديجان بن دحيم السودة في وفاته عام 1403 هجري في حادث

مروري بمحافظة القويعية ( رحمه الله ) فشاعرنا المعاصر والركن البارز لقبائله هو شالح بن حمران بن نعيس الشماسات

الزكور سبيع له من القصيد الكثير وسوف نورده لاحقاً ان شاء الله.

واليكم قصيدته في حديجان




ياهل الركاب طروش ولا مداوير =كل يبي ممساه عند حدجاني

تبون منهو ضاري بالمخاسير=نجره ينادي والذبايح سماني

ومن غيرها توجد علوم المناعير=يالم عشاكم والسوالف زياني

يا زين بيته بين في العثامير=ماهوب يبني في الغبا والطماني

مشيد ومرفع للمسايير=ويفرح ليا من شاف من جاه عاني

يا عزتي للي وافقته المقادير=ولا عاد ناجد كود جعله جناني

ليته فداه من الرفاقة مثابير=عشرين والا مثلهم ذا الزماني

ولون موته جا من اي العيايير=قمنا عليه ولا احد بمتواني

مير انها من عند والي التدابير=والموت حق مثل فرض رمضاني

لو النشيد يرد بعض المخاسير=سويت ديوان على ما طراني

وما قيل يكفي عن كثير التعابير=ولا ينفع المضيوم كثر الغواني

ياليت قبره جا جنوب عن البير=ولا صار قبره في ديار قحطاني

ابي اليا مرت عليه المظاهير=يثنى عليه من الجزاء والحساني

لو كان ينثر من دموعي زغاتير=وتنثر على خدود البني الزياني

بعض العرب لا مات لج الدواوير=ولجو لجيج الخلج وسط المباني

وبعض العرب لا مات لاكنه بعير=هرش ضعيف ثاوي فالمكاني

وفرق حديجان بعد خشرم عن النير=وشبره طويل مثل شبر كحلاني

بليهي لا قام شال الطنابير=ويشيل حمل اللي من الحيل واني

عسى السحاب اللي مزونه مزابير=ينثر عليه مبردات التهاني

وعسى صخاه يبعده عن زمهرير=لا منها شمت كفوف اليماني

عساه لا وصله حساب التقارير=ترجح موازينه بطيب المعاني

وصلات ربي عد وبل الشخاتير=على النبي حل باعلى مكاني

الشاعر/ شالح بن حمران الشماسات الزكور سبيع ( رحمه الله )

أخوكم........المنتبه

[خالد الشماسي]

بيض الله وجهك أخي المنتبه


ورحم الله الشيخ شالح بن حمران واسكنه فسيح جناته



كانت به جميع المعاني الطيبه وكان إمام في الصلاة و شاعر محنك ، و له مواقف مشرفة


عمر ما يقارب 104 سنة تقريبا



و رحم الله حدجان فقد كان كريما سارت بمكارمه الطروش و عرفه كل أهل نجد بكرمه وحسن ضيافته




مرة أخرى شكرا لك يالمنتبه ويا زين مواضيعك :)

[أبو يزيد]

شكرااا من الاعماق اخي
المنتبه

على تذكيرنا بهؤلا الاعلام من مشاهير الغلبا والذين اورثوا مجدااا وفخرااا تسير به الركبان.

رحمهم الله رحمة واسعه ,,,

تسلم يمينك التي تكتب لنا بماء الذهب امجاد الغلبا,,,

[الحميدي السويدي]

الاخ العـزيز المنتبه بيض الله وجهك يا ابن العم وعلومك كلها غانمه
يالـوافي ورحـــم الله حديجان بن دحيم السودة فقد عرف هذا الرجل
بالكرم والشجاعه وكل العلوم الغانمه أسكنه الله جنة النعيم وكذلك
الشاعر شالح شالح بن حمران الشماسات رحمه الله رحمة واااااسعه
رجل شم وكريم من الذين خلد التاريخ ذكرهم. لاهنت وتقبل تيحاااتي

[ماجد الماجد]

الاخ المنتبه تحياتي لك
اشكرك على ابرازك لتاريخ الفرسان والشعراء
ونوادرهم
وشالح بن حمران شاعر متميز له
عدة قصائد وجدتها في كتاب الحضبي
سوالف الطيبين
قرأتها عند أحد الزملاء
وقصائده جيده وذات سلاسه ومعاني طيبه

[المنتبه]

[size=2]اخوتي الاعزاء ::

لا شكر على واجب،،،،،،،،،

فشيخنا وشاعرنا / شالح بن حمران يستاهل اكثر ،،،،،،،،،،،،،،،،،،،،

وسوف نورد ان شاء الله من قصائده الجزلة ما يبهج صدور الطيبين من سبيع والقبائل الاخرى،،،،،،،،

فلكم مني الشكر الجزييييييييل على مروركم واهتمامكم بتاريخ قبائلكم العريق.

مع تحيات أخوكم /

المنتبه

[محمد بن سلطان]

لا هنت يا راويتنا المنتبه ..

ورحم الله الشاعر شالح بن حمران الشماسات ..

تقبلوا تحياتي ،،

اخوكم
محمد بن سلطان الثوري

[ابن عفتان]

لهنت يابن العم علي طرحك المتميز وبيض الله وجهك


ورحم الله ابو دحيم وهوغني عن التعريف وكرمه وشجاعته سارت بها الركبان

ورحم الله ابن حمران هذا السبيعي الشهم

اخوك ابن فليح

[ابو مساعد1]

لا هنت يا راويتنا المنتبه ..

ورحم الله الشاعر شالح بن حمران الشماسات . شاعرا عرف .في زمانه بشاعريته وكرمه

تقبلوا تحياتي ،،
ابو مساعد

[س ب ع 777]

لا هنت ياخوي المنتبه على القصيدة...

والله يرحم موتى المسلمين كلهم..


أخوك:عبدالعزيز الصميلي

[كليب]

مشكور وما قصرت والله لا يهينك

[جعد الوبر]

بسم الله الرحمن الرحيم

هذه قصيدة الشاعر / شالح بن محمد حمران بن هاجد آل نعيس الشماسات من الزكور قالها في سبيع الغلباء أهل الخرمة ـ وهو شاعر مجيد عاش أول حياته في الخرمه ويعرف الكثير من أحداثها وهي كثيرة وهو من مواليد عام 1320هـ تقريباً وإنتقل إلى رحمة الله ظهر يوم الإربعاء الموافق 9-1-1427 هـ ودفن في حي العماير برنية عن عمرا يناهز المائة وكان رحمه الله من أهل الصلاح والتقوى ومن أهل العبادة، وشارك في معارك توحيد المملكة مع الملك / عبدالعزيز طيب الله ثراه وقد إشتهر رحمه الله بنظم القصائد والأشعار الجزلة ويعتبر من كبار الشعراء في رنية بل وفي قبيلة سبيع الغلباء رحمه الله وأسكنه فسيج جناته وقد أنشدها عندما شاهد البرق نحو الخرمة والمصدر للأبيات كتاب الحضبي سوالف الطيبين :-

البرق يبـرق يـم ديـرة عربنـا
= جعله على الواد الخضر لين يسقيه

يسقيه عقب إمحالة اللـي كربنـا
= يوم إن بعض الغرس يبست سواقيه

غرسٍ هلـه حرابـة اللـي حربنـا
= ولطامة للشره ليـا زارهـم فيـه

وإن جاتنا حمـر الـدول ما هربنـا
= يرسي على الدم الحمر مع مساقيـه

لعيون غرس فـي جبوبـه ضربنـا
= بسيوف هند ضربهـا مـن يمانيـه

بيديـن ظفـران مقـادم سربـنـا
= ما ينعرف صيحاتهم مـن غوانيـه

نركض على الموت الحمر إليا قربنا
= مركاضنا يبرد ظمـا كبـد راعيـه

وكم من عدو عـاف لمـا حربنـا
= ليا جاء نهار الكون تكثـر نواعيـه

إنـا سبيـع اللـي عريـب نسبنـا
= وترسي بنا الوديان من فعل أهاليـه

وإن ناقشونا القوم صلَـع جربنـا
= وإما على الأجرب وفاجـر نداويـه

لعيون بنـت زينـة مـن عربنـا
= إليا جاء نهار الضيـق كـل تناديـه

تندب وتنخا مـن خيـال حضبنـا
= برقه تكاشف والرعد فـي مثانيـه

وبله رصـاص ما يضيَـع طربنـا
= نزمي كما يزمي حضن عن شواويه

ومن فضل ربي ضدنا مـا غلبنـا
= نلويه باذنـه ليـن طبعـه يخليـه

ياللي تبون الغـرس خلُـوا حطبنـا
= لا تأخذون من الحطب من ضواحيه

ما حدَه الحزم الحمـر فـي حسبنـا
= واللي يمـرَه جـوس لازم نجازيـه

روحوا وراكم وأبعدوا عن نشبنـا
= ثم نلحق اللـي راح ملعـام تاليـه

نأخذ عليكـم صيحة إليهـا إنتدبنـا
= تشبع بها العرجا وتشبـع حناديـه

وكم من صبي نأخذه فـي وجبنـا
= نخليـه للضرمـات تأكـل ثناديـه

هـذي عوايدنـا وهــذا هدبـنـا
= نأدب اللي سايـر فـي معاصيـه

منقول بتصرف يسير وأنتم سالمون وغانمون والسلام .