المساعد الشخصي الرقمي

مشاهدة النسخة كاملة : ياسبيع انا في سوقكم بايع وشاري ....... طاروق

الطايفي
26 - 06 - 2003, 21:27
ياسبيع انا في سوقكم بايع وشاري ** لي مدةٍ ما شفت لي سلعه ثمينه

يوم المحرّج عندكم حاكم وإداري ** غنيت قافٍ جاه في وقته وحينه
حمر عين
27 - 06 - 2003, 02:31
لاطب وسط السوق رجال تجاري === طلع له التاجر من اللي في الخزينه
جاك المحرج بالدلال وبالغواري === وعود يصفق منك يسراه بيمينه
طويق
27 - 06 - 2003, 02:45
جيت على الوعد ياالطايفي الله يحييك ;)

والله لايهينك ياحمر عين في الوقت المناسب .
خالد الشماسي
27 - 06 - 2003, 02:47
سجلوني من المعجبين بهذا الطاروق راجيا ان يستمر ويسلم من كل سوء


تحياتي
الطايفي
27 - 06 - 2003, 13:21
اللي تزهل دون ربعه في الطوارئc ـــــ اقولها من قلب يالله لاتهينه

لوكان من شافه يقول إنه مطاري ـــــ لكن وافتني علومه من جهينه
حمر عين
27 - 06 - 2003, 14:42
كم خلد التاريخ من رجل بخاري === وكم صد عن غيره وهو وش كبر عينه
الناس شتى في المدينه والصحاري === والإسم واحد في الصحاري والمدينه
الطايفي
27 - 06 - 2003, 15:11
اللي يدقق كل ما شفته بواري ــــ اظن في قلبه على ربعي ضغينه

في وادي السبعان عقبان وحباري ــــ والطير الاخر كل ابونا خابرينه
حمر عين
27 - 06 - 2003, 15:37
في وادي السبعان الأسود الضواري === الكل منهم حامي حوزة عرينه
والطير الآخر في الكباري والحواري === جانا مهاجر من على ظهر السفينه
الطايفي
27 - 06 - 2003, 19:39
السقف ما يثبت على غير السواري ــــ وليا ضمنت الساريه فالله ضمينه

انا على نقض الحجج والفتل ضاري ـــ وإليا فتلت الحبل مانتم ناقضينه


ــــــــــــــ الاخوان اللي مرو على الموضوع:
طويق : الله يبارك فيك ويطول عمرك ......... ومبروك علىالإشراف // ولو إنها متأخره بس تستاهل .

ابو عمر : الله مير يسلمك وعساي ارقى لذوقكم الرفيع :

تحياتي لكم .
حمر عين
27 - 06 - 2003, 20:17
لاصار ذر إبن لأبوذر الغفاري === من يضمن إنه يهتدي مع والدينه
حجتك دردمها كذيا عند غاري === من غير لا أدله ولاحتى قرينه
الطايفي
28 - 06 - 2003, 11:54
الله يجيرك من مهبّات الذوراي ــــ مالزم على الرجال من عقله ودينه

لو شفتيني شلت الحدا واشعلت ناري ـــــ تبقى العلاقة ياحمرعينه متينه


وصح لسانك ياحمر عين . وشكرا للاخوان اللي تابعو الموضوع .

بس البيتين اللي عندك هاتها ،،،، تراني احتريها:

اخوكم/ الطايفي
حمر عين
28 - 06 - 2003, 13:25
في مثل حطين ومثل ذات الصواري === يعصّب الرجال ويقطّب جبينه
وإلا فأنا وياك لو نسري الغداري === إخوان والسدات مضمونه وأمينه


صح لسااااااااااااااااااااااااااااااانك
يالطايفي
يازين لعبك

صح لسانك مرة ثانية
وتشرفت باللعب معك

طويق :
يالله حي المشرف .. مرحبا والله ومسهلا


أبوعمر :
يالله حيه .. مرحبا ومسهلا
يشرفنا مرورك طال عمرك
طويق
28 - 06 - 2003, 16:21
بيض الله وجيه الشاعرين/ حمر عين , الطايفي

وهذه لاتكفينا منكم نحن بانتظار المزيد .

رسالة للطايفي/ لعلك تكون ضيف زاوية (ملتقى شاعرين) أنا بانتظار جوابك .

تحياتي للجميع
الطايفي
28 - 06 - 2003, 17:28
حمر عين ... صح بدنك .. وماعليكم زود .

والشرف لي ياخوك.

المشرف : (( طويق )) .. انت تامر طال عمرك . بس لو توضح لي شروطها !

ولي الشرف .

والتحيه للجميع.
طويق
28 - 06 - 2003, 20:27
لاشروط عزيزي الشاعر/ الطايفي سوى أن تمنحنا من وقتك ساعة ونصف .

وكذلك اليوم الذي تختاره.

*** سوف يكون لقاؤك مع أحد شعار المنتدى (مفاجأة) وقد تم الإتفاق معه .

تحياتي
الطايفي
28 - 06 - 2003, 23:21
توكلنا على الله ....

بس التحديد عندك انت يالمشرف ....... وانا على اتم إستعداد !

بس قبيلي من :rolleyes:؟
مشعاب
28 - 06 - 2003, 23:26
تسجيل حضور وإعجاب .


الطايفي + حمر عين


أعتز بسماع لعبكم .



مشعاب