ياشــــركـــة الــــــجوال أخـــذيــه مابـــــيه

[عايض ابوشيبه]

هذه القصيده قديمه من بداياتي في شعر الغزل واللذي توقفت عن الكتابه فيه



ياشركة الجوال أخذيه مابيه = لأنه يذكرني بزين الطباعي
لأنه يذكرني بصوته وطاريه = من بعد فرقانا تزايد اوجاعي
كل مابغيت أنساه اجي وأتصل فيه = ضعفت له والضعف ماهوطباعي
أخذيه يمكن ينشرح صدر راعيه = وأتزين له دنياه بعد الضياعي
قلبي تعلق به وأنا ميتن فيه = بس القدر حكم علينا الوداعي
يادمعتن حمرا بعيني تناديه = خلاص ماضنيت للصوت داعي
خليه في حاله وربي يهنيه = خليني أثبت مره إني شجاعي
القلب عزاني وأنا فيه أعزيه = الله يعين اللي بها الحب ضاعي
حكم علي الحب إني أخليه = واليوم حكم الحب لازم يطاعي
وياشركة الجوال أخذيه مابيه=ودي أشوف الشمس بعد الشعاعي

[العتيقي]

يسعدني ان اكون اول متصفح
لهذه القصيدة الجزلة
شكرا لك يابو شيبه

[مصلح ربح]

صح لسانك يا بو شيبه

لجنة تسجيل اعضاء ديوان سبيع اشترطو لقبول عضويتك

دعوتك للشاعر مدغم وانظمامه للديوان هههههه

تقبل تحيات اخوك

[أبو يزيد]

الله الله

ياعائض ابوشيبـــه

جزززززززززززله من جزززززززززل

لاهنت يالغالي,,,

[البحيح]

خليه فـي حالـه وربـي يهنيـه = خليني أثبت مره إنـي شجاعـي
صح لسانك ياعا يض
مشاء الله اذا كانت هذي بدايتك هجل ما نعفيك من اثراء منتداك من قصيدك الحالي الي اكيد جزل مثل راعية
ونفتخر بانك وشرواك بيننا في هذا المنتدى
ولازم نشوف اسمك في الديوان ولا تحرمنا من مشاركت من يعز عليك
لانكم عائلة شعر وكلكم شعار
شاركونا في منتاكم بقصائدكم وافكاركم فنحن هنا يدا واحده باذن الله

[الحميدي السويدي]

صح لسانك يا عايض وبيض الله وجهك
جزل جزل طال عمرك..... لاهنت وتقبل تحياتي

[عايض ابوشيبه]

أخواني
العتيقي
مصلح ربح

ابويزيد

الفارس
الحميدي السبيعي


أشكركم لمروركم وشعوركم النبيل

[ابومحمد العريني]

صح لسانك

قصيده جميله

وانت مخفي عنا هذا الابداع

لاتحرمنا من جديدك يالاخو

[عايض ابوشيبه]

أخوي ابو محمد العريني


شكرآ لمرورك ولأطرائك الجميل