ابوعزوز
10 - 01 - 2007, 13:15
شباب اليوم
فتاة الوشم شاعره حره اصيله سجلت اسطوره في وصف شباب اليوم ورد عليها الشاعر / محسن بن علي بن جغيثم بقصيده .
امل ان تنال اعجابكم
ياناس عيني من الموعات مذعوره=ونفسي عيال الفلس جابو حضايبها
قلبي يهوم الزعل والنفس ممروره=حسيت بلي عيوبه مايحس ابها
لقيت رجل وفيه من المره صوره=يمشي على العيب نفسه مايعاتبها
يوم يتمخطر يقلد مشي غندوره=من مشيت الرجل للخفرات يقلبها
قلت آآهـ .. انا من شباب اليوم مقهوره=كيف الحمايل تجنب عن مذاهبها
يابنت شومي عن اللي يمشط شعوره=ويميل الكعب ووروكه يهز ابها
ليته لبس له بلوزه فوق تنوره=دام المناقيد مايدري عواقبها
اهل الخنافس غدوا لأبطالنا عوره=ياكيف نجدٍ يتمشون بمناكبها
شباب ياللي عليك السود منشوره=ارفع مقام الرجوله لا تخربها
ترا الشجاعه لجيش صف طابوره=نقاله البندقيه مع مقاضيها
جيش بهم دارهم تفخر ومنصوره=دونه عمار على الاخطار يجلبها
عاشوا حماة الوطن من عهد أخو نوره=درع الجزيرهـ لاشبت حرايبها
رد الشاعر / محسن بن علي بن جغيثم السبيعي
عسي فتاة الوشم من الشر موفوره=مهر ة ٍ اصيلة عريبـــــات مناسبها
كلامها بالشباب يسجل أسطوره=قامت بدور المحامي دون واجبها
تسمعي للسبيعي واقبلي شوره=من كثر ماشاف بالدنيا عجايبها
شبابنا اليوم عسى الحال مستوره=تضيع فيه الروابع لو نجربها
بهم مرض ماعرفنا وين دكتوره=علاتهم ماعرفنا وش سبايبها
الثوب يسحب وجيبه دالعٍ زوره=حتى الازرهـ بجيبه مايركبها
حط الكبك بالكموم وطول أظفوره=يتبع هوى النفس يوم بليس مطربها
بالدرس فاشل وقلبه عاشق الكوره=يحلم بها في منامه مع ملاعبها
عن المراجل يصد وتقصر شبوره=ماله طموحات يسعى في مطالبها
ماله هدف بالحياةـ وماعرف دوره=وله سمعه مع جميع الناس مخربها
كسلان ياكل ويرقد مارفع سوره=وهدومه مبعثره ماهو مرتبها
الابو مغبون وكبد الام مفطوره=بكثرة عنادهـ وشين الطبع مغضبها
تحياتي
ابوعزوز
فتاة الوشم شاعره حره اصيله سجلت اسطوره في وصف شباب اليوم ورد عليها الشاعر / محسن بن علي بن جغيثم بقصيده .
امل ان تنال اعجابكم
ياناس عيني من الموعات مذعوره=ونفسي عيال الفلس جابو حضايبها
قلبي يهوم الزعل والنفس ممروره=حسيت بلي عيوبه مايحس ابها
لقيت رجل وفيه من المره صوره=يمشي على العيب نفسه مايعاتبها
يوم يتمخطر يقلد مشي غندوره=من مشيت الرجل للخفرات يقلبها
قلت آآهـ .. انا من شباب اليوم مقهوره=كيف الحمايل تجنب عن مذاهبها
يابنت شومي عن اللي يمشط شعوره=ويميل الكعب ووروكه يهز ابها
ليته لبس له بلوزه فوق تنوره=دام المناقيد مايدري عواقبها
اهل الخنافس غدوا لأبطالنا عوره=ياكيف نجدٍ يتمشون بمناكبها
شباب ياللي عليك السود منشوره=ارفع مقام الرجوله لا تخربها
ترا الشجاعه لجيش صف طابوره=نقاله البندقيه مع مقاضيها
جيش بهم دارهم تفخر ومنصوره=دونه عمار على الاخطار يجلبها
عاشوا حماة الوطن من عهد أخو نوره=درع الجزيرهـ لاشبت حرايبها
رد الشاعر / محسن بن علي بن جغيثم السبيعي
عسي فتاة الوشم من الشر موفوره=مهر ة ٍ اصيلة عريبـــــات مناسبها
كلامها بالشباب يسجل أسطوره=قامت بدور المحامي دون واجبها
تسمعي للسبيعي واقبلي شوره=من كثر ماشاف بالدنيا عجايبها
شبابنا اليوم عسى الحال مستوره=تضيع فيه الروابع لو نجربها
بهم مرض ماعرفنا وين دكتوره=علاتهم ماعرفنا وش سبايبها
الثوب يسحب وجيبه دالعٍ زوره=حتى الازرهـ بجيبه مايركبها
حط الكبك بالكموم وطول أظفوره=يتبع هوى النفس يوم بليس مطربها
بالدرس فاشل وقلبه عاشق الكوره=يحلم بها في منامه مع ملاعبها
عن المراجل يصد وتقصر شبوره=ماله طموحات يسعى في مطالبها
ماله هدف بالحياةـ وماعرف دوره=وله سمعه مع جميع الناس مخربها
كسلان ياكل ويرقد مارفع سوره=وهدومه مبعثره ماهو مرتبها
الابو مغبون وكبد الام مفطوره=بكثرة عنادهـ وشين الطبع مغضبها
تحياتي
ابوعزوز